Pagtiripon sa Paglilingkod Para sa Oktubre
Semana nin Oktubre 5-11
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Ngonyan Na an Panahon.” Hapot-simbagan. Sambiton an nagkapirang lokal na pasohan na puedeng praktikal asin ipaheling kun paano an mga ini maaabot.
20 min: “‘Pagsabwag kan Banhi kan Kahadean’ sa mga Ruta sa Magasin.” Pag-orolay kaiba kan mga nagdadangog. Hagadon sa nagkapira na ipaliwanag kun paano sinda nakapoon asin nagmamantener nin ruta sa magasin. Dangan idemonstrar an sarong pag-atubang kan magasin kun saen nakikipag-areglong madalaw liwat dara an masunod na mga luwas.
Kanta 133 asin pantapos na pamibi.
Semana nin Oktubre 12-18
5 min: Lokal na mga paisi. Report sa kuenta.
10 min: “Mga Paraataman na Nangengenot—An Sekretaryo.” Pahayag kan sekretaryo kan kongregasyon, na rinerepaso an mga obligasyon na iinasignar sa saiya. Idinodoon nia na an gabos puedeng makikooperar paagi sa pagtao tolos-tolos kan mga report nin paglilingkod sa langtad.
10 min: Igwa Sinda nin Entusiastikong Espiritu nin Pagpapayunir. Nakaparirigon sa boot na pahayag basado sa 1998 Yearbook, pahina 104-7. Ipaliwanag kun taano ta kadakol kan payunir sa Hapon, kun ano an nagtotogot sa mga misis sa harong duman na ipaorog an espirituwal na intereses, kun ano an nasa likod kan lambang aplikasyon sa pagpayunir, asin kun sairisay an minabilog sa mayoriya kan mga payunir. Iilustrar an marahay na impluwensia kan nagpapayunir na mga magurang. Itampok kun anong kombiksion an kaipuhan tangani na magibo nin saro an kinakaipuhan na mga pagliliwat sa buhay tanganing makapagpayunir. Enkaminaron an gabos na magtao nin odok sa boot, mapagngayongayong paghorophorop sa pagturotimbang liwat kan saindang mga posibilidad na makapagpayunir.
20 min: “Binabasa daw Nindo an mga Magasin?” Hapot-simbagan. Repasohon an praktikal na mga suhestion sa pag-iskedyul nin panahon para sa personal na pagbasa na makukua sa School Guidebook, leksion 4, parapo 5-6.
Kanta 107 asin pantapos na pamibi.
Semana nin Oktubre 19-25
10 min: Lokal na mga paisi. Repasohon an mapag-oolayan na mga punto sa pinakahuring luwas kan mga magasin. Isaysay an mga eksperyensia sa 1997 Yearbook, pahina 45, asin Oktubre 22, 1996 na Awake!, pahina 32. Enkaminaron an gabos na makikabtang sa pagwaras nin mga magasin ngonyan na Sabado asin Domingo.
15 min: Lokal na mga pangangaipo.
20 min: Kun Paano Mag-aandam Para sa Pag-adal sa Torrengbantayan. Pag-orolay kaiba kan mga nagdadangog na pangengenotan kan konduktor sa Pag-adal sa Torrengbantayan, basado sa Mayo 15, 1986 na Watchtower, pahina 19-20, parapo 16-18 asin School Guidebook, leksion 7, parapo 11, asin leksion 18, parapo 4-6. Pakomentohan an minasunod na mga hapot: (1) Taano ta mahalagang marhay na makua niato an pinakalubos na pakinabang sa kada artikulong pag-aadalan sa An Torrengbantayan? (2) Ano an maninigo niatong gibohon kun maresibi niato an bagong luwas? (3) Ano an marahay na paagi sa pag-andam para sa Pag-adal sa Torrengbantayan? (4) Anong atension an maninigong itao sa sitadong mga teksto asin sa tema kan leksion? (5) Paano niato marerepaso an satong nanodan? (6) Anong pangenot na mga punto an maninigo niatong horophoropon pakatapos kan satong personal na pag-adal kan leksion? (7) Paano kita maninigong mag-andam nin komento? (8) Paano ikatatao an manlaenlaen na komento sa sarong hapot? Ipasaysay sa nagkapira kun ano an personal nindang ginibo tangani na matabangan sindang makua an pinakadakulang pakinabang sa Pag-adal sa Torrengbantayan.—Helingon man an Organized to Accomplish Our Ministry, pahina 65-7.
Kanta 95 asin pantapos na pamibi.
Semana nin Okt. 26–Nob. 1
10 min: Lokal na mga paisi. Ilista an mas daan na mga publikasyon na nasa istak sa lokal asin na puedeng ialok sa ministeryo kun may mga oportunidad. Mantang magkakaigwa nin mga panahon nin bakasyon sa Nobyembre asin Disyembre, marahay na panahon ini para sa bautisadong mga hoben asin iba pa na horophoropon an pag-auxiliary payunir.
20 min: Diosnon na Pagkuyog sa Sarong Pamilya na Nababanga sa Relihion. Pahayag basado sa Hunyo 1, 1995 Watchtower, pahina 26-9. Magtao nin maboot na pagparigon sa boot asin konseho na makatatabang sa mga may agom na daing pagtubod na papagdanayon an positibong kaisipan asin makiasosyar nin aktibo sa kongregasyon.
15 min: Pag-abot sa mga Pagtiripon na Nasa Oras. Pag-orolay nin duwa o tolong konduktor sa Pag-adal sa Libro kan Kongregasyon o ministeryal na lingkod manongod sa problemang pag-abot nin huri sa mga pagtiripon. Rinerekonoser ninda na an pambihirang mga kamugtakan, kabale na an mga emerhensia, kamugtakan kan panahon, trapik, asin iba pa, puedeng magin dahelan na maatraso an siisay man. Minsan siring, an nagkapira ugale na an pagpahuri. Sa positibong paagi, pinag-oolayan asin iiniilustrar kan grupo kun ano an kaipuhan tangani na magin nasa oras: (1) bilog na pusong pagpahalaga sa pribilehio na pag-atender sa mga pagtiripon asin sa espirituwal na kakanon patin asosasyon na itinatao dian, (2) marahay na patienot na pagplano asin pag-organisar kan personal na mga aktibidad, (3) gikan sa boot na pakikikooperar kan mga miembro kan pamilya, (4) paghale nin amay asin pagtaong panahon para sa dai linalaoman na mga problema, asin (5) pagigin tunay na maingat na dai makadisturbo sa ibang nag-aatender. An gabos minaoyon na an problemang ini na pag-abot nin huri puedeng maremedyohan paagi sa padagos na paghihingoang umoswag.
Kanta 86 asin pantapos na pamibi.