Mga Paisi

◼ Alok sa Oktubre: Sarong taon na suskripsion sa An Torrengbantayan o Awake! sa kontribusyon na ₱120.00. Nobyembre: An librong Kaaraman sa kontribusyon na ₱25.00. Disyembre: An Bibliang New World Translation kaiba magsalang an librong Kaaraman o an librong God’s Word sa kontribusyon na ₱125.00. O puedeng ialok an brosyur na Sarong Libro Para sa Gabos na Tawo kaiba an Biblia sa kontribusyon na ₱107.50. Enero: Nagkakasararo sa Pagsamba sa Iyo Sanang Tunay na Dios sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).

◼ Kun nagpapadara nin mga suskripsion ngonyan na bulan, sunodon tabi an 7 punto nin instruksion na nasa pormang Weekly Subscription (M-203). Puedeng pag-iribanon sa porma an nagkapirang suskripsion, alagad dawa kun may saro sanang suskripsion sa katapusan kan semana, maninigo ining ipadara tolos-tolos sa Sosyedad. Makakatabang kun susunodon an ikatolong instruksion na nasa porma, na nagsasabi: “Sa kada papeleta, isurat an kantidad kan suskripsion na iyan sa toong ibaba.”

◼ An suplemento sa isyung ini kan An Satong Ministeryo sa Kahadean iyo an “Iskedyul sa Teokratikong Paadalan sa Pagmiministro Para sa 1999” asin maninigong isaray bilang reperensia durante kan 1999.

◼ Sa Nobyembre 1, dakol an naghohorophorop dapit sa nagadan na mga namomotan, kaya angay na gamiton an tract na What Hope for Dead Loved Ones? o an brosyur na Kun Magadan an Sarong Namomotan kun naghuhulit sa harong-harong o sa mga sementeryo sa aldaw na iyan.

◼ Huling may limang Sabado an Oktubre asin may limang Domingo an Nobyembre, an mga bulan na ini puedeng magin kombenyenteng panahon na dakol an mag-auxiliary payunir.

◼ Puede nang ipadara ngonyan an mga pedido para sa 1999 Yearbook. Ipadadara mi an espesyal na Yearbook Order Blank sa kada kongregasyon kaiba an statement of accounts kan Agosto. Kun maresibi na nindo ini, llenaran iyan asin ibuelta iyan sa Sosyedad dai malihis sa Nobyembre 15. An kontribusyon sa Yearbook ₱25.00. Maresibi nin libreng kopya kan Yearbook an mga regular asin espesyal payunir na nasa lista poon kan Hulyo 1, 1998, asin hahagadon kan kongregasyon an credit kaini sa pormang Remittance and Credit Request (S-20) kun ipadara na ninda an bayad pagkaresibi kan mga Yearbook. Puedeng kumua an mga payunir nin dagdag na mga kopya na iwawaras sa mga dai pa nagdusay sa kantidad sa payunir na ₱20.00 kada saro. Isuhay tabi an libreng mga kopya sa mga kinua sa kantidad sa payunir kun naghahagad nin credit.

◼ Makukuang Bagong Publikasyon:

Watch Tower Publications Index 1997 (₱10.00 sa parahayag asin payunir)—Ingles