Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Setyembre 7 sagkod Disyembre 21, 1998. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Sa 2 Timoteo 1:6, “an balaog” nanonongod sa abilidad na magtaram nin laen-laen na lenguahe na itinao ki Timoteo paagi sa paghiro kan banal na espiritu nin Dios. [Semanal na babasahon sa Biblia; helingon an w85-BI 12/1 p. 22 par. 15 (w85-E 5/1 p. 16 par. 15).]

2. An maygurang na Kristiano ‘pinatotood an saiyang kakayahan nin pagmansay na mamidbid kun ano an tama asin sala’ paagi sa paggibong ugale na gamiton an ano man na kaaraman nia sa Tataramon nin Dios. (Heb. 5:14) [Semanal na babasahon sa Biblia; helingon an w86-BI 1/1 p. 9 par. 7 (w85-E 6/15 p. 9 par. 7).]

3. Maski ngani an Mga Saksi ni Jehova puedeng magparehistro sa mga gobyerno bilang sarong relihiosong asosasyon, an autorisasyon na maggibo nin tunay na pagsamba malinaw na dai minagikan sa siisay man na tawo o sa arin man na gobyerno nin tawo. [jv p. 696 par. 1]

4. Si Santiago na kagsurat kan Biblia iyo man sana si Santiago na parataram para sa ‘mga apostol asin kamagurangan na lalaki’ kan desisyonan an manongod sa pagturi. (Gibo 15:​6, 13; Sant. 1:1) [si p. 248 par. 2-3]

5. Minsan ngani an 1 Pedro 5:​13 nagsasabi na si Pedro nasa Babilonya kan gibohon nia an enot niang surat, ipinaheheling kan ebidensia na an ngaran na Babilonya sarong misteryosong pag-apod sa Roma. [si p. 251 par. 4]

6. An pananaram sa 1 Juan 2:​18 na “madatong an anticristo” nanonongod sa sarong indibiduwal. [Semanal na babasahon sa Biblia; helingon an rs p. 32 par. 3.]

7. An siwang na tuminalubo bunga kan mga saboot ni Pablo ki Marcos, na sinambit sa Gibo 15:​36-​41, nungkang naomayan. [it-2 p. 320 par. 4]

8. An libro nin Kapahayagan ibinugtak na huri sa Biblia huli ta iyan an huring libro na isinurat ni apostol Juan. [si p. 263 par. 1]

9. Tamang ilinaladawan kan Kapahayagan 13:​11-​15 kun paano an Anglo-Amerikanong Kapangyarihan Pankinaban nagin pangenot na parasuportar asin paratao nin buhay kapwa sa Liga de Naciones asin sa kasalihid kaiyan, an Naciones Unidas. [Semanal na babasahon sa Biblia; helingon an w88-E 12/15 p. 19 par. 3.]

10. An pagboot na magkaminorootmootan, na sinabi sa Juan 13:​34, “bagong togon” huli ta iyan mas bago kisa sa Ley ni Moises. [jv p. 711 par. 3]

Simbagon an minasunod na mga hapot:

11. Ano an boot sabihon kan an paraataman dapat na bakong “parapakiiwal”? (Tito 1:7) [Semanal na babasahon sa Biblia; helingon an w90-E 9/1 p. 27 par. 21.]

12. Paano niato naaaraman na tinokdoan kapwa ni Loida asin Eunice si Timoteo sa Kasuratan? [it-2 p. 262 par. 9]

13. Ano an boot sabihon ni Jesus kan sia magsabi, “Habo ka nin atang asin dolot”? (Heb. 10:5) [Semanal na babasahon sa Biblia; helingon an w96-BI 7/1 p. 14 par. 3.]

14. Paano an mga Kristiano ‘makadadaog sa kinaban’? (1 Juan 5:​3, 4) [si p. 258 par. 12]

15. Ano an kalabot sa pananaram ni Pedro na ‘pinapagdadanay na harani sa isip an aldaw ni Jehova’? (2 Ped. 3:12) [Semanal na babasahon sa Biblia; helingon an w97-BI 9/1 p. 19 par. 2.]

16. Ano an kabale sa kalinigan nin espiritu, asin paano ini nakatatabang na maprotehiran an pamilya? (2 Cor. 7:1) [fy p. 46 par. 14]

17. Kaoyon sa Kapahayagan 1:​7, paano an mga suminaksak ki Jesus makaheheling sa saiya na ‘minadatong kaiba kan mga panganoron’? [Semanal na babasahon sa Biblia; helingon an w93-BI 5/1 p. 22 par. 7.]

18. Paano an mapagbantay na mga Kristiano ‘inaatenderan an saindang sadiri asin nagpupuka’? (Luc. 21:​34, 36) [jv p. 714 par. 4]

19. Paano nakaaabot sa tamang pakasabot sa Tataramon nin Dios an mga minakompuesto sa sasarong tunay na Kristianong organisasyon ngonyan? [jv p. 708 par. 3]

20. Anong mga kahagadan sa Kasuratan an kaipuhan na maabot kan sasarong tunay na Kristianong organisasyon sa huring mga aldaw? [jv p. 706 par. 3]

Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:

21. An mag-agom dapat na may ․․․․․․․․ sa lambang saro, na ginigirumdom na ․․․․․․․․ mas mahalaga kisa sa panluwas na itsura. [fy p. 26 kahon sa repaso]

22. An surat ni Pablo sa mga Hebreo nagpapaheling na an manlaenlaen na kabtang kan ․․․․․․․․ nagin sarong arogan na ginibo nin Dios na nagtotokdo sa orog kadakulang mga bagay na maabot, na an kulminasyon kan gabos ki ․․․․․․․․, an kaotoban kan Ley. [si p. 247 par. 23]

23. Sa 2 Pedro 1:​5-8, irinerekomendar ni apostol Pedro an ․․․․․․․․ tanganing mapatalubo an diosnon na mga kualidad na maingat sa sato na dai magin ․․․․․․․․ o ․․․․․․․․. [si p. 255 par. 9]

24. Kun nagkokomunikar an mga agom na lalaki asin babae, mahalagang marhay an ․․․․․․․․ asin an ․․․․․․․․. [fy p. 36 par. 21]

25. Si Maria na ina ni Jesus hale sa tribo ni ․․․․․․․․ asin gikan ni David; paagi sa saiya, igwa si Jesus kan diretsong ․․․․․․․․ sa “trono ni David na saiyang ama.” (Luc. 1:32) [it-2 p. 346 par. 4]

Pilion an tamang simbag sa kada saro sa minasunod na mga pahayag:

26. Kan enot na pagkabilanggo ni Pablo sa Roma, si (Onesiforo; Onesimo; Onan), sarong naglayas na oripon hale sa harong ni (Felipe; Festo; Filemon), kabilang sa mga naghinanyog sa saiyang paghuhulit. [si p. 241 par. 2]

27. An (pagkamoot; paggalang; pagkamapag-istimar) tinatawan nin kahulogan na “pagtao nin konsiderasyon sa iba, pagtao nin onra sa sainda.” [fy p. 30 par. 7]

28. Sa Lucas 14:​28, si Jesus nagtataram dapit sa (pagplano nin patienot; dai pagsayang nin kuarta; paglikay na umutang). [fy p. 40 par. 4]

29. An “pagkakagurangnan” na sinambit sa Judas 8 nanonongod sa (katongdan ni Jesus; soberaniya ni Jehova; tao nin Dios na autoridad sa Kristianong kongregasyon). [si p. 263 par. 9]

30. Sa Kapahayagan 11:​11, “an tolo may kabangang aldaw,” na an linahidan na natatada garo baga mga bangkay na sa pagheling kan saindang mga kaiwal, nanonongod sa (tolo may kabangang taon; halipot na peryodo nin panahon; tolo may kabangang bulan). [Semanal na babasahon sa Biblia; helingon an re p. 167 par. 21.]

Ipadis an minasunod na mga teksto sa mga pahayag na nasa ibaba:

Tal. 8:​30; Mat. 19:​13-​15; Heb. 2:​1; Sant. 4:​15; 1 Ped. 3:​4

31. Tanganing kontrahon an impluwensia kan daing ontok na propaganda na nakaiimpluwensia sa sato sa kinaban na ini, kita maninigong “magtao nin orog kisa dating atension” sa Tataramon nin Dios paagi sa marahay na ugale sa pag-adal asin marahay na iskedyul sa pagbasa nin Biblia. [Semanal na babasahon sa Biblia; helingon an w98-BI 1/1 p. 7 par. 9.]

32. Kun kita nagpaplano para sa ngapit, maninigo na mapagngayongayo niatong estudyaran kun paano iyan nakasosono sa katuyohan nin Dios. [Semanal na babasahon sa Biblia; helingon an w97-BI 11/15 p. 21 par. 10-11.]

33. “An mahoyo asin maboot na espiritu” nin sarong Kristianang agom asin ina bako sanang nakapaoogma sa saiyang agom kundi orog na mahalaga nakapaoogma sa Dios. [Semanal na babasahon sa Biblia; helingon an w89-E 5/15 p. 19 par. 12.]

34. Sa pagsunod sa halimbawa ni Jehova, an marahay na ama maninigong maghingoa na pataluboon an mainit, mamomoton na relasyon sa saiyang aki poon mismo sa kapinonan kan buhay kan aki. [fy p. 53 par. 7]

35. Mantang si Jesus daing ipinaoorog sa pagbendisyon sa saradit na aki, an saro dai maninigong mansayon an mga aking lalaki na nakalalabi sa mga aking babae. [fy p. 52 par. 4]