Mga Paisi
◼ Alok sa Marso: An librong Kaaraman sa kontribusyon na ₱25.00. Gigibohon an espesyal na paghihingoa na makapoon nin mga pag-adal sa Biblia sa harong. Abril asin Mayo: Sarong taon na suskripsion sa An Torrengbantayan sa kontribusyon na ₱120.00. Iwaras an brosyur na Kahagadan sa mga interesado, asin hingoahon na makapoon nin mga pag-adal sa Biblia sa harong. Hunyo: An librong Kaaraman sa kontribusyon na ₱25.00. PASABOT: An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ Maninigong siyasaton an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia. Kun nagibo na ini, ianunsiar sa kongregasyon pakatapos na basahon an sunod na report sa kuenta.
◼ Poon sa Abril, an mga paraataman sa sirkito matao kan pahayag-publiko na may temang “Kamo daw Naglalakaw sa Kaibanan nin Dios?” kun nagdadalaw sa mga kongregasyon.
◼ An mga parahayag na boot na maglingkod bilang auxiliary payunir sa Abril asin Mayo maninigo nang gumibo kan saindang mga plano ngonyan asin itao nin amay an saindang aplikasyon. Tatabangan kaini an kamagurangan na gumibo nin kinakaipuhan na mga areglo sa paglilingkod sa langtad asin magkaigwa nin supisyenteng mga magasin asin iba pang literatura. An mga ngaran kan gabos na inaprobaran na mag-auxiliary payunir maninigong ianunsiar sa kongregasyon.
◼ Gigibohon an Memorial sa Huebes, Abril 1, 1999. Kun may mga pagtiripon an saindong kongregasyon sa Huebes, dapat ining ibalyo sa ibang aldaw kan semana kun puede an Kingdom Hall. Kun bako ining posible asin apektado an saindong Pagtiripon sa Paglilingkod, an mga kabtang na partikularmenteng aplikable sa saindong kongregasyon puedeng iiba sa ibang iskedyul nin Pagtiripon sa Paglilingkod.
◼ An mga asosyado sa sarong kongregasyon maninigong ipadara an gabos na new asin renewal subscription sa An Torrengbantayan asin Awake!, kaiba an saindang personal na mga suskripsion, paagi sa kongregasyon.
◼ Babasahon sa Biblia sa Memorial: An gabos ineenkaminar na basahon an irinekomendar na mga kabtang kan Biblia na ipinaheling sa 1999 Calendar asin sa Pagsiyasat sa Kasuratan Aroaldaw, poon sa Marso 27 asin matatapos sa aldaw kan Memorial, Abril 1.
◼ An Sosyedad dai nagpapadara nin pedidong literatura kan indibiduwal na mga parahayag. Maninigong iareglo kan nangengenot na paraataman na gumibo nin paisi kada bulan bago ipadara sa Sosyedad an bulanan na pedidong literatura kan kongregasyon tanganing masabihan kan gabos na boot na kumua nin personal na literatura an tugang na nag-aasikaso kan mga literatura. Girumdomon tabi kun arin na mga publikasyon an special-request items.
◼ Makukuang Bagong Audiocassette:
Families—Make Daily Bible Reading Your Way of Life! (Drama ini manongod sa tolong Hebreo na ipinaheling sa satong nakaagi pa sanang pandistritong mga kombension. Parahayag: ₱60.00; Payunir: ₱52.50.)—Ingles