Pagtiripon sa Paglilingkod Para sa Marso
Semana nin Marso 1
8 min: Lokal na mga paisi. Piniling Mga Paisi sa An Satong Ministeryo sa Kahadean.
17 min: “Pambilog na Kinaban na Pagselebrar kan Kagadanan ni Cristo.” Hapot-simbagan. Iiba an mga komento sa Pebrero 1, 1997 Torrengbantayan, pahina 11-12, parapo 10-14. Idoon kun paano an dakulang pagkamoot ni Jehova nakapahiro sa saiya na itao an pantubos para sa sato.
20 min: Nakapahihirong mga Dahelan na Mag-auxiliary Payunir sa Abril Asin Mayo. Pahayag asin orolay kaiba kan mga nagdadangog na pinangengenotan kan paraataman sa paglilingkod, na sinasadol an gabos na odok na horophoropon an pag-auxiliary payunir. Repasohon an mga pagliliwat sa kahagadan na oras sa mga regular asin auxiliary payunir, na itinao sa Enero 1999 An Satong Ministeryo sa Kahadean, pahina 7. An pagliliwat na ini maninigong magpangyari sa dakol pa na makamtan an pribilehiong bilog na panahon na paglilingkod. Ipaliwanag kun paano an satong pagpahalaga sa atang ni Cristo nagpapahiro sa sato na maghingoa sa paghulit sa iba. (2 Cor. 5:14, 15) Ngonyan na taon an Memorial natangod sa enot na aldaw kan Abril. Kanigoan karahay na pan-engganyar sa gabos na parahayag kan Kahadean na idusay an bilog na bulan sa dinugangan na aktibidad nin paglilingkod! Repasohon an piniling mga tampok hale sa Pebrero 1997 asin Marso 1998 suplemento kan An Satong Ministeryo sa Kahadean na nagpapaliwanag sa paglilingkod bilang auxiliary payunir. Pag-olayan an mga paagi nin pag-adaptar kan sampol na mga iskedyul na itinao. Repasohon an lokal na mga areglo sa paglilingkod. Enkaminaron an mga parahayag na kumua nin mga aplikasyon sa auxiliary payunir pakatapos kan pagtiripon.
Kanta 44 asin pantapos na pamibi.
Semana nin Marso 8
10 min: Lokal na mga paisi. Report sa kuenta.
20 min: “Imbitaran Sinda na Umatender.” Hapot-simbagan. Idoon an pangangaipo na pirmeng giyahan an bagong mga interesado sa mga pagtiripon kan kongregasyon. Idemonstrar an sarong pakikipag-olay sa sarong interesado, na ginagamit an materyal sa librong Kaaraman, pahina 159, parapo 20, asin pahina 161-3, parapo 5-8. Enkaminaron an gabos na gumibo nin espesyal na paghihingoa na tabangan an mga inaadalan sa Biblia asin an ibang interesado na makaatender sa Memorial sa Abril 1. Ipaheling an sarong kopya kan inimprentang imbitasyon, asin ipaliwanag kun paano iyan magagamit nin epektibo. An gabos maninigong pumoon na magwaras kan mga imbitasyon sa Memorial ngonyan na semana.
15 min: “Kun Paano Nakikikooperar an mga Miembro kan Pamilya Para sa Lubos na Pakikikabtang—Sa mga Pagtiripon kan Kongregasyon.” Pag-orolay nin sarong pamilya. Mantang kinokomentohan ninda an pangenot na mga punto sa artikulo, pinag-oolayan ninda kun paano sinda makapepreparar para sa mga pagtiripon bilang sarong pamilya. Pinag-oolayan ninda an mga paagi na matatabangan ninda an kada saro na makikabtang asin kun ano an dapat na gibohon tangani na an pamilya makaabot sa mga pagtiripon nin tama sa oras.
Kanta 62 asin pantapos na pamibi.
Semana nin Marso 15
10 min: Lokal na mga paisi.
15 min: “An Ministeryal na mga Lingkod Nagtatao nin Mahalagang Paglilingkod.” Pahayag nin sarong may kakayahan na ministeryal na lingkod. Repasohon an pangenot na mga punto na kinobrehan sa librong Our Ministry, pahina 57-9. Ipaliwanag kun paano ginagamit an ministeryal na mga lingkod sa lokal sa pagtabang sa kongregasyon.
20 min: Pagkinabang sa 1999 Yearbook. Pag-oolay nin mag-agom. Ipinaliliwanag kan agom na lalaki na an Yearbook enot na ipinublikar bilang libro kaidtong 1927 asin na sa laog nin labing 70 taon, iiniba kaiyan an report sa bilog na kinaban kan Mga Saksi ni Jehova. Rinerepaso ninda an mga tampok na kabtang kan “1998 Grand Totals,” sa pahina 31. Dangan pag-oolayan ninda an “A Letter From the Governing Body,” sa pahina 3-5, asin nagkokomento kun paano ninda isasagibo an pamparigon sa boot na itinao.
Kanta 68 asin pantapos na pamibi.
Semana nin Marso 22
10 min: Lokal na mga paisi. Ianunsiar an mga ngaran kan ma-auxiliary payunir sa Abril. Ipaliwanag na bako pang gayong huri na isumitir an aplikasyon. Sabihon an bilog na iskedyul nin mga pagtiripon bago lumuwas sa paglilingkod na plinano para sa Abril. Enkaminaron an gabos na subaybayan an iniskedyul na babasahon sa Biblia sa Memorial para sa Marso 27–Abril 1, na itinao sa Pagsiyasat sa Kasuratan Aroaldaw—1999 asin sa 1999 Calendar.
15 min: Mag-andam Para sa Memorial. Pahayag. An gabos maninigong magplano na tabangan an mga inaadalan sa Biblia asin iba pang interesado na makaatender sa Memorial. Tibaad dai masabotan kan mga bagohan na maatender kun siisay an puedeng makikabtang sa mga emblema o an kahulogan kan selebrasyon na ini. Repasohon an sinasabi sa Abril 1, 1996 na Torrengbantayan, pahina 6-8, asin ipaheling kun paano niato matatabangan an bagong interesado na masabotan an kahulogan asin katuyohan kan selebrasyon na ini. Taposon paagi sa pagrepaso sa “Mga Pagirumdom sa Memorial” asin pagtao kan lokal na mga areglo sa Memorial.
20 min: Ano an Nangyayari sa Sato kun Kita Magadan? Ipinakikipag-olay nin sarong magurang sa kongregasyon an kahalagahan asin gamit kan brosyur sa duwa o tolong may kakayahan na parahayag. Kita orog na nagin pamilyar sa brosyur na ini kan pinag-adalan niato iyan sa Pag-adal sa Libro kan Kongregasyon. Ginagamit ta daw iyan nin epektibo sa paglilingkod sa langtad? Pinag-oolayan kan grupo an minasunod: Taano ta dakol na tawo an interesado sa temang ini? Kabaliktaran sa mga katokdoan nin falsong relihion, anong paglaom an itinatampok kan brosyur na ini? Paano niato magagamit an mga hapot sa likod na tutob tangani na mapukaw an interes? Ano an mga oportunidad na ikaaalok an brosyur na ini? Idemonstrar an sarong pag-atubang na ginagamit an mga teksto sa parapo 14 na nasa pahina 27. Enkaminaron an gabos na magin alisto na gamiton nin marahay an brosyur na ini.
Kanta 92 asin pantapos na pamibi.
Semana nin Marso 29
12 min: Lokal na mga paisi. Pagirumdomon an gabos na itao an saindang report nin paglilingkod sa langtad para sa Marso. Iaalok niato an suskripsion sa An Torrengbantayan asin Awake! durante kan Abril. Ipaheling an bagong mga luwas kan mga magasin, isuherir an mga artikulo na puedeng itampok, asin sambiton an nagkapirang espesipikong mapag-oolayan na punto. An gabos maninigong darahon an brosyur na Kahagadan asin gamiton iyan sa pagpoon nin mga pag-adal sa Biblia sa mga interesado.
15 min: Lokal na mga pangangaipo.
18 min: Ano an Maninigo Niatong Magin Reaksion sa Hatol? Pahayag nin sarong magurang sa kongregasyon. Kita gabos tinatawan nin hatol may koneksion sa satong aktitud, gawe-gawe, mga pakiibaiba, o pakikikabtang sa mga aktibidad kan kongregasyon. Kun beses may tendensia kitang labahan an hatol o bumalos. An pagigin andam na umako asin iaplikar an hatol puedeng magin mahalaga sa satong espirituwal na ikararahay. Repasohon an mahalagang mga bagay na nagdodoon kan mga dahelan na maninigo niatong akoon asin apresyaron an hatol.—Helingon an Abril 1, 1987 Watchtower, pahina 27-30.
Kanta 118 asin pantapos na pamibi.