Pagtiripon sa Paglilingkod Para sa Mayo
Semana nin Mayo 3
8 min: Lokal na mga paisi. Piniling Mga Paisi sa An Satong Ministeryo sa Kahadean. Teokratikong mga Bareta.
17 min: “Tokdoan an Iba na Pakinabangon an Saindang Sadiri.” Limitaran an introduksion sa dai pang sarong minuto, asin sundan nin hapot-simbagan. Ginagamit an kapitulo 13 kan librong Kaaraman, iilustrar kun paano praktikal na nakikinabang an mga tawo paagi sa pag-adal, pagsabot, asin pag-aplikar kan mga prinsipyo sa Biblia.
20 min: “Mga Paagi na Mapahiwas an Saindong Ministeryo.” Pinag-oolayan kan duwang magurang sa kongregasyon an artikulo bilang simbag sa mga hapot na pinalataw nin laen-laen na indibiduwal sa mga nagdadangog. An sarong tinedyer na parahayag, sarong mag-agom, asin sarong tugang na lalaki na nagretiro naghahapot dapit sa mga paagi tangani na mapahiwas ninda an saindang ministeryo. Itinatao an praktikal na mga suhestion hale sa artikulo asin kapitulo 9 kan librong Our Ministry, na nagkokonsentrar sa “What Are Your Spiritual Goals for the Future?,” pahina 116-18. Ipinahahayag kan mga parahayag an pag-apresyar sa nakatatabang na impormasyon na itinatao kan Sosyedad na nagpapaheling kun paano maplano para sa pinahiwas na paglilingkod sa haraning ngapit.
Kanta 11 asin pantapos na pamibi.
Semana nin Mayo 10
10 min: Lokal na mga paisi. Report sa kuenta.
20 min: Aboton an Pasohan na Bilog na Panahon na Paglilingkod. Pag-orolay nin sarong magurang sa kongregasyon asin saro o duwang hoben, basado sa Disyembre 15, 1988 Watchtower, pahina 25-7. Nagmamaigot an mga hoben na magdesisyon kun anong mga pasohan an pag-aaboton ninda pakatapos kan saindang sekular na edukasyon. Ipinaheheling ninda an interes sa materyal na mga bentaha na iinaalok kan kinabanon na mga karera. Sinasabi kan magurang sa kongregasyon an mararahay na dahelan kun taano ta mas marahay nanggad na pag-aaboton an paglilingkod bilang payunir. Minaoyon an mga hoben alagad ta nagduduwaduwa kun kaya nindang magpayunir asin masustentohon an saindang sadiri sa materyal na paagi. Ipinaheheling man kan magurang sa kongregasyon kun paanong interesado man an mga magurang dapit sa kun paano ninda masusuportaran an saindang sadiri asin daing duwa-duwa na makatatao nin nakatatabang na sadol manongod kaini, na ginagamit an mga punto sa parapo 13 na nasa pahina 21 kan Agosto 15, 1997 Torrengbantayan. Dangan ihihiras nia an mga eksperyensia sa artikulo sa Watchtower na Disyembre 15, 1988, na ipinaheheling na an paglilingkod bilang payunir rasonable, maaabot na pasohan na nagtatao nin kagayagayahan sa dakol. Tinatapos an pag-orolay paagi sa pagpahayag nin apresasyon kan mga hoben sa mga komento kan magurang sa kongregasyon asin sa saindang determinasyon na magtao nin odok na paghorophorop sa pag-aabot sa pasohan na magkaigwa nin lubos na pakikikabtang sa paglilingkod na pan-Kahadean.
15 min: Pahayag sa “Paano Nindo Ikapaheheling an Tunay na Kapakumbabaan?” Basado ini sa artikulo na nasa Pebrero 1, 1999 Torrengbantayan, pahina 6 asin 7.
Kanta 19 asin pantapos na pamibi.
Semana nin Mayo 17
10 min: Lokal na mga paisi.
15 min: “Magplano nin Patienot!” Hapot-simbagan sa artikulo. Repasohon an gabos na teokratikong aktibidad na plinano sa lokal para sa masunod na nagkapirang bulan. Enkaminaron an gabos na markahan an mga petsa sa saindang kalendaryo asin dai pagtogotan an ibang mga bagay na makaentremeter.
20 min: Pagsasanay sa mga Aki sa mga Pagtiripon Asin sa Paglilingkod sa Langtad. Pahayag nin sarong magurang sa kongregasyon. Poon na aki pa, an satong mga aki maninigo nang mag-atender sa mga pagtiripon asin makikabtang sa paglilingkod kaiba niato. An pagsasanay asin eksperyensia na nakukua ninda matao nin makosog na basehan para sa saindang pagtubod asin kaigotan sa huring mga taon. Sa mga pagtiripon, maninigo na an mga aki tumukaw kataed kan saindang mga magurang asin maninigo na dai pagtogotan na makaistorbo sa iba. Maninigo man na likayan ninda an pagdarodalagan sa laog o luwas kan Kingdom Hall bago asin pakatapos nin mga pagtiripon. (Helingon an om-E, pahina 63 asin 64.) Kun naglilingkod, importante na isaboot kan mga aki an ministeryo asin gumawe nin tama. Kaipuhan nindang likayan an maringgaw na gawe-gawe; an paglilingkod bakong panahon na magkawat. Pinakamarahay na sinda maghulit kaiba kan mga nasa edad na. Maninigo sindang tabangan na makikabtang sa pagtao nin mga pag-atubang sono sa saindang mga abilidad. (Helingon an Agosto 1, 1988 Torrengbantayan, pahina 22, parapo 20 [w88-E p. 15, par. 20]). An mga magurang an may paninimbagan na mangataman; dai ninda maninigong padumanon an saindang mga aki sa mga pagtiripon bago lumuwas sa paglilingkod na mayo nin mas maedad na magbabantay sa sainda. Komendaran an mga aki kun sinda naggigibo nin marahay.
Kanta 29 asin pantapos na pamibi.
Semana nin Mayo 24
15 min: Lokal na mga paisi. Repasohon an surat kan Sosyedad na Abril 15, 1999, na nagpapaliwanag kan pormang Please Follow Up (S-43). Ipaliwanag kun paano ini makatatabang sa pagkultibar nin interes na nanompongan kun impormal na nagpapatotoo o kun nakakaolay an mga tawo na iba an tataramon. Enkaminaron an mga parahayag na gamiton nin marahay an mga pormang ini.
12 min: Pahayag nin sarong magurang sa kongregasyon manongod sa mga punto sa “Hapot” na nasa pahina 3.
18 min: Kita daw Nakikikabtang sa Gibohon na Pagbubulagbulag? Nakamomotibar na pahayag kan paraataman sa paglilingkod, basado sa Hulyo 1, 1997 Torrengbantayan, pahina 30-1.
Kanta 32 asin pantapos na pamibi.
Semana nin Mayo 31
15 min: Lokal na mga paisi. Pagirumdomon an gabos na itao an mga report nin paglilingkod sa langtad para sa Mayo. Repasohon an alok sa Hunyo. Kun iinaalok an librong Kaaraman, puedeng iiba an sarong kopya nin daan na 192-pahinang libro na haloy nang nakaistak sa kongregasyon. Idemonstrar an sarong sampol na pag-atubang.
15 min: Lokal na mga pangangaipo.
15 min: Anong Sala sa Relihion Ko? Pag-oolay nin duwang ministeryal na lingkod. Nakanunupar kita nin dakol na tawo na gusto sa katotoohan asin naghahanga sa Mga Saksi ni Jehova. Minsan siring, naoolang sinda kan koneksion ninda sa saindang iglesia. Nadedepisilan sindang maniwala na nasa sato an solamenteng tunay na relihion asin na falso an saindang porma nin pagsamba. Ini nagigin dakulang kaolangan sa saindang espirituwal na pag-oswag. Rinerepaso kan mga tugang na lalaki na iyan an anom na bagay na sinambit sa pahina 204 kan librong Reasoning, na malinaw na nagpapaheling na an ibang relihion dai nagkukuyog sa Biblia. Enkaminaron an mga nagdadangog na gamiton an mga puntong ini sa mataktikang pagtabang sa mga sinsero na pagturotimbangon an saindang relihiosong mga paniniwala.
Kanta 50 asin pantapos na pamibi.