Pagtiripon sa Paglilingkod Para sa Hunyo
Semana nin Hunyo 7
10 min: Lokal na mga paisi. Piniling Mga Paisi sa An Satong Ministeryo sa Kahadean. Teokratikong mga Bareta.
15 min: “Tinotokdoan Kita ni Jehova.” Limitaran an introduksion sa dai pang sarong minuto, asin sundan nin hapot-simbagan. Agdahon an mga nagdadangog na isaysay an nagkapira sa mga pakinabang na inako ninda sa Teokratikong Paadalan sa Pagmiministro, Paadalan sa Paglilingkod Bilang Payunir, Pankahadean na Paadalan sa Pagmiministro, asin iba pa. Idoon kun paano an mga ini nakatabang sa banwaan ni Jehova na magin mas epektibo sa ministeryo.
20 min: “Gamiton an Saindong Panahon sa Kapakipakinabang na Paagi.” Pag-oolay nin konduktor sa Pag-adal sa Libro kan Kongregasyon asin saro o duwang eksperyensiadong parahayag na nagsasaysay kun paano ninda minamanehar an saindang oras tanganing makikabtang sa pinakalubos na paaging mahihimo sa paglilingkod sa langtad. Ipinaliliwanag ninda an importansia nin epektibong iskedyul asin idinodoon an pangangaipo nin iskedyul. Isinasaysay ninda kun paano ninda linilikayan an mga nakasasayang nin oras siring baga kan pagpoon na huri na, maluyang patienot na pagplano, o sobrang pakipag-estoryahan durante kan ministeryo. Kinokonsiderar an lokal na mga kamugtakan, magtao nin praktikal na mga suhestion sa kun paano gagamiton an oras sa kapakipakinabang na paagi.
Kanta 48 asin pantapos na pamibi.
Semana nin Hunyo 14
10 min: Lokal na mga paisi. Report sa kuenta.
15 min: Lokal na mga pangangaipo.
20 min: “Puede daw Kamong Tumabang?” Pag-orolay kaiba kan mga nagdadangog na kokonduktahan nin sarong magurang sa kongregasyon. Iiba an mga suhestion na itinao sa Oktubre 8, 1995 Awake!, pahina 8-9, sa pagtabang sa nagsosolong mga magurang. Agdahon an nagkapira na ipahayag an saindang pag-apresyar sa mamomoton na tabang na inako ninda sa iba sa kongregasyon.
Kanta 53 asin pantapos na pamibi.
Semana nin Hunyo 21
10 min: Lokal na mga paisi. Kun an kongregasyon igwang istak kan mga kopya kan librong Young People Ask o Youth, ipaheling kun paano iyan magagamit nin epektibo sa ministeryo kun nakanonompong kita nin mga tinedyer. An mga hoben na nag-eeskuela puedeng enkaminaron na magdara nin mga kopya na ikapapasakamot sa mga kaeskuela.
20 min: Gamiton nin Marahay an mga Video Asin Drama na Nasa Audiocassette. Puede daw na gamiton nin mas marahay an 10 video asin 11 drama na nasa audiocassette na itinatao kan Sosyedad? Nadalan o nadangog na daw nindo asin kan saindong pamilya an nagkapira sa mga iyan? Sabihon kun paano an mga iyan makapaooswag sa satong pagbasa kan Biblia, makapakokosog sa satong espirituwalidad, asin makatatao nin marahay na patotoo sa katotoohan. Pakomentohon an mga nagdadangog kun arin na video o drama na nasa audiocassette an nanompongan ninda na nangorognang epektibo sa pagparigon sa boot kan saindang sadiring pamilya o sa pagdirehir sa mga bagohan pasiring sa organisasyon. Isaysay an nagkapirang eksperyensia na nagpapaheling nin marahay na mga resulta. (Helingon an 1999 Yearbook, pahina 51-2.) Enkaminaron an gabos na gamiton nin marahay an mga video asin drama na nasa audiocassette.
20 min: “An Panluwas na Itsura Sana daw an Naheheling Nindo?” Pahayag asin pag-orolay kaiba kan mga nagdadangog. Idoon an mga dahelan kun taano ta dai kita maninigo na tolos-tolos na magkaigwa nin mga opinyon dapit sa mga tawo na nanonompongan niato. Repasohon sa halipot an leksion na itinokdo ni Jehova ki Jonas, na hinusgaran nin sala an mga minansay nia na bakong angay. (Helingon an Agosto 15, 1997 Torrengbantayan, pahina 21-2, parapo 17-19.) Agdahon an mga nagdadangog na komentohan an manlaenlaen na tawo na nanuparan ninda sa teritoryo, na iineestorya kun paano ninda napagdadanay an positibong aktitud sa sainda asin ipinapabaya an paghusgar sa kamot ni Jehova.
Kanta 77 asin pantapos na pamibi.
Semana nin Hunyo 28
12 min: Lokal na mga paisi. Pagirumdomon an gabos na itao an report nin paglilingkod sa langtad para sa Hunyo. Repasohon an alok para sa Hulyo. Ipaheling an mga brosyur na dakol pang istak sa lokal, asin magsuherir nin saro o duwang kabtang na puede niatong itampok sa satong mga pag-atubang. Iiba an inensayong marhay na demonstrasyon.
13 min: Taano ta Tinotogotan ni Jehova an Paglamag sa Saiyang Banwaan? Pahayag nin sarong magurang sa kongregasyon, basado sa Jehovah’s Witnesses—Proclaimers of God’s Kingdom, pahina 676-7. Siring kan ihinula ni Jesus, kita ‘ikinaoongis nin gabos na nasyon.’ (Mat. 24:9) Tibaad mapaatubang kita sa pagtumang kun kita nakikikabtang sa ministeryo, nakikiasosyar sa kinabanon na mga paryente, o nakikiiba sa bakong mga Saksi sa pinagtatrabawohan o sa eskuelahan. Sa positibong paagi, ipinaliliwanag kan espiker kun taano ta tinotogotan ni Jehova an siring na paglamag o pagtumang asin kun paano an satong pagtagal kaiyan sa katapustapusi magbubunga nin mga bendisyon.
20 min: Dumuman kun Haen an mga Tawo! Pahayag basado sa 1997 Yearbook, pahina 42-8. Minsan ngani kita maninigong magpadagos sa pakikikabtang nin regular sa pagpapatotoo sa harong-harong, galaga niatong hinahanap an mga oportunidad na magpatotoo sa impormal—ano man na oras, saen man. Isaysay an mga eksperyensia sa Yearbook na nagpapaheling kun paano iyan ginibo kan iba na nagin mapanggana mantang nakalunad sa auto, naglalakaw sa tinampo o baybayon, nagdodolok sa nakaparadang mga kotse, nagduduman sa mga pondohan nin trak, nagtetelepono, asin nagsusurat. Sagkod na itinotogot nin oras, agdahon an mga nagdadangog na isaysay an nagkapirang eksperyensia ninda mismo. Enkaminaron an gabos na aprobetsaran an lambang oportunidad na makapatotoo saen man may mga tawo.
Kanta 75 asin pantapos na pamibi.