Pagtiripon sa Paglilingkod Para sa Hulyo
Semana nin Hulyo 5
10 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan Marso para sa nasyon asin lokal na kongregasyon. Teokratikong mga Bareta.
20 min: “Arangon an Tabang ni Jehova.” Limitaran an introduksion sa mayo pang sarong minuto, asin sundan nin hapot-simbagan. Ipaliwanag kun paano an laen-laen na klase nin sinserong mga pamibi may mahalagang papel sa mapangganang ministeryo. Ipasaysay sa mga nagdadangog an mga eksperyensia na nagpapaheling kun paano an napapanahon na mga pamibi nakatabang sa sainda sa saindang ministeryo.—Helingon an Oktubre 15, 1996 na Torrengbantayan, pahina 32.
15 min: Gamiton sa Marahay an mga Brosyur. Pahayag asin mga demonstrasyon. Ipaliwanag kun taano an mga brosyur ta mahalagang mga kasangkapan sa satong ministeryo. Ipinaliliwanag kaiyan nin epektibo an mga topiko na dakol an naaakit, tinatratar nin diretso sa punto an sarong pundamental na tema, asin ipinaliliwanag nin simple an mga katokdoan sa Kasuratan. Sambiton an mga brosyur na iinaalok ngonyan na bulan, asin ipaheling an dakol pa an suplay sa lokal. Idemonstrar an duwa o tolong halipot na pag-atubang basado sa mga suhestion na yaon sa irarom kan titulong “Presentations” sa Watch Tower Publications Index.
Kanta 181 asin pantapos na pamibi.
Semana nin Hulyo 12
10 min: Lokal na mga paisi. Report sa kuenta.
15 min: “An Patienot na Pag-andam Nagtatao nin Kagayagayahan.” Pahayag asin mga interbio. Ipaliwanag kun taano an pag-andam ta mahalagang marhay para sa paglilingkod sa langtad asin kun paano pinangyayari kaiyan na maeksperyensiahan niato an mas dakulang kagayagayahan sa ginigibo niato. (Helingon an School Guidebook, pahina 39, parapo 1-3.) Interbiohon an duwa o tolong may kakayahan na parahayag na nagsasaysay kun paano sinda nag-aandam bago maglingkod asin kun paano iyan nakatatabang sa sainda. Isaysay an eksperyensia hale sa Abril 15, 1993 na Watchtower, pahina 30, na nagpapaheling kan epektibong paggamit kan librong Reasoning sa pag-andam para sa ministeryo.
20 min: “‘Dumiretso Kita sa Punto!’” May partisipasyon an mga nagdadangog asin mga demonstrasyon. Repasohon an kada suhestion sa kun ano an sasabihon tangani na may maghinanyog sa pinto. Ipademonstrar sa eksperyensiadong mga parahayag an nagkapirang introduksion na epektibo.
Kanta 183 asin pantapos na pamibi.
Semana nin Hulyo 19
10 min: Lokal na mga paisi.
15 min: Lokal na mga pangangaipo.
20 min: Kaipuhan Ko daw na Umayon sa Sarong Organisasyon? Pag-orolay kaiba kan mga nagdadangog basado sa librong Reasoning, pahina 280-4. Parate kitang nakanunupar nin mga tawo na andam na umako kan mensahe nin Kahadean alagad habong “umayon” sa sarong relihiosong organisasyon. Repasohon an kahulogan nin “organisasyon” asin an pitong karakteristiko na nagpapamidbid kan naheheling na organisasyon ni Jehova. Ipaliwanag kun taano iyan ta napapalaen sa iba asin kun paano an pakikiasosyar dian nagtatao nin tunay na mga bendisyon.
Kanta 189 asin pantapos na pamibi.
Semana nin Hulyo 26
10 min: Lokal na mga paisi. Pagirumdomon an gabos na itao an mga report nin paglilingkod sa langtad para sa Hulyo. Ipakipag-olay an mga punto sa “Hapot.”
15 min: “An Satong Kaharohalangkaweng Kaglalang May Pagmakolog sa Sato!” Hapot-simbagan. Minsan ngani an libro bakong para sa pagkondukta nin mga pag-adal sa Biblia, iyan puedeng magin epektibo sa pagmotibar sa mga tawo na siyasaton an gabos na sinasabi kan Biblia.—Helingon an librong Creator, pahina 189-91.
20 min: Naggigibo daw Kita nin mga Disipulo? Ipakikipag-olay kan paraataman sa paglilingkod sa saro o duwang ministeryal na lingkod an mga punto hale sa Pebrero 15, 1996 na Torrengbantayan, pahina 19-22. Tawan nin pagdodoon an mga dahelan sa Kasuratan kun taano ta kaipuhan na hanapon niato an mga maninigo sa satong teritoryo asin gibohon sindang disipulo. (Mat. 10:11) Ini an mga nag-aaragagha huli sa gabos na maraot na mga kamugtakan na naheheling ninda sa palibot ninda asin may tendensia na hanapon si Jehova bago biglang magpoon an aldaw kan saiyang kaanggotan. (Ezeq. 9:4; Sof. 2:2, 3) Kabilang sa sainda an mga “may tamang tendensia sa buhay na daing katapusan.” (Gibo 13:48) An isinugo sa sato magin paragibo nin mga disipulo, na tinotokdoan an mga tawo kan gabos na bagay na ipinagboot ni Jesus. (Mat. 24:14; 28:19, 20) Minsan ngani puede niatong mapukaw an enot na interes kan mga natatagboan niato sa pagharongharong, mantang impormal na naghuhulit, asin sa paghuhulit sa tinampo, kita naggigibo nin mga disipulo sa pagpapadagos na ministeryo—sa mga pagdalaw liwat asin pag-adal sa Biblia. Sabihon an praktikal na mga suhestion sa kun paano ini magigibo.
Kanta 14 asin pantapos na pamibi.