Pagtiripon sa Paglilingkod Para sa Agosto
Semana nin Agosto 2
10 min: Lokal na mga paisi. Piniling Mga Paisi sa An Satong Ministeryo sa Kahadean. Komentohan an report nin paglilingkod sa langtad kan Abril para sa nasyon asin lokal na kongregasyon.
17 min: “Magkaigwa nin Halangkaw na Pagheling sa Magayon na Ngaran ni Jehova.” Hapot-simbagan. Itampok an sitadong mga teksto.—Helingon an librong Mabuhay Sagkod Lamang, pahina 184-5.
18 min: “Sekular na Edukasyon Asin an Saimong Espirituwal na mga Pasohan.” Ipinakikipag-olay nin sarong ama an artikulo sa saiyang aking lalaki o babae. Rinerepaso man ninda an konektadong materyal hale sa Disyembre 22, 1995 Awake!, pahina 7-11.
Kanta 148 asin pantapos na pamibi.
Semana nin Agosto 9
8 min: Lokal na mga paisi. Report sa kuenta.
12 min: An mga Payunir Nagtatabang sa Iba—Anong Pag-oswag an Nagibo Na? Pahayag asin mga interbio na kokonduktahan kan paraataman sa paglilingkod. Repasohon an giya na itinao sa Setyembre 1998 An Satong Ministeryo sa Kahadean, pahina 4. Isaysay kun paano ini inorganisar sa lokal, asin magtao nin pinakabagong pag-oswag na nagibo kan mga tinabangan. Interbiohon an saro o duwang payunir asin nagkapirang parahayag na nakinabang sa saindang tabang. Enkaminaron an mga masunod na tatabangan na aprobetsaran nin lubos an probisyon na ini.
25 min: “Bukas Na daw sa Saindo Ngonyan an Pinto Pasiring sa Pagpapayunir?” Hapot-simbagan na kokonduktahan nin sarong magurang sa kongregasyon. Interbiohon an mga payunir na makasasaysay kun paano ninda napaglabanan an mga kaolangan asin nagin mapanggana. Analisaron an “Sampol nin mga Iskedyul Para sa Regular Payunir,” na idinodoon kun paano an marahay na pagplano puedeng magpangyari na maabot an kahagadan na oras. Ianunsiar na an siisay man na boot na magkaigwa nin aplikasyon sa pagpapayunir puedeng kumua pakatapos kan pagtiripon.
Kanta 202 asin pantapos na pamibi.
Semana nin Agosto 16
10 min: Lokal na mga paisi.
15 min: “Pag-atubang sa Angat kan Ministeryo.” Hapot-simbagan. Para sa dugang na mga punto, konsultahon an Agosto 1, 1988 An Torrengbantayan, pahina 15 asin 16 (w88-E 7/15, p. 18-19).
20 min: Nakikikabtang daw Kamo sa Paggibo nin mga Disipulo? Pag-orolay kaiba kan mga nagdadangog. Huli sa kadakol na babasahon na ikinapasasakamot, an satong katuyohan maninigo na makapoon nin mga pag-adal sa Biblia tanganing matabangan niato an mga tawo na makinabang sa mga publikasyon na nareresibi ninda. Pakomentohon an mga parahayag manongod sa mga problema na nakaoolang sa sainda sa pagkondukta nin dakol pang pag-adal: (1) Depisil na makanompong nin mga tawo na gustong mag-adal. (2) An nagkapira na nagpapaheling nin interes nagsasabi na sibot-sibot sinda tangani na mag-adal. (3) Pakatapos na maponan an pag-adal, masakit na manompongan sa harong an tawong iyan tangani na magin regular an pag-adal. Tawan man nin atension an tibaad mga saboot nin nagkapirang parahayag dapit sa gibohon na pag-adal sa Biblia: (1) ‘An pagmate ko bako akong kualipikado bilang paratokdo.’ (2) ‘Mayo akong panahon na magkondukta nin semanal na pag-adal.’ (3) ‘Nagduduwaduwa akong obligaron an sakong sadiri sa ibang tawo.’ (4) ‘Kontento na ako na makikabtang sa ibang kabtang kan ministeryo.’ Magtao nin positibong mga suhestion kun paano mapanggaganahan an mga kaolangan na ini tanganing personal na makapakikabtang sa paggibo nin mga disipulo. Ipasaysay sa mapangganang mga parahayag an kagayagayahan na naeksperyensiahan ninda sa gibohon na pag-adal sa Biblia.—Helingon an suplemento kan Abril 1998 An Satong Ministeryo sa Kahadean, parapo 3-8, 15.
Kanta 100 asin pantapos na pamibi.
Semana nin Agosto 23
10 min: Lokal na mga pangangaipo.
15 min: Tabangan an Bagong mga Interesado na Masabotan an Kabanalan nin Pag-agom. Pinangengenotan kan magurang sa kongregasyon an pag-orolay kaiba kan mga nagdadangog basado sa librong Reasoning, pahina 248-50. Nakanunupar kita nin mga mag-agom na naghihimate sa mensahe kan Kahadean alagad ta maluway na umoswag huli ta sinda nagsasaro na bakong legal na kasal. Pag-olayan kun paano sinda matatabangan na masabotan kun taano an mga Kristiano ta dapat na suportaran an kagalanggalang na pag-agoman. (Helingon an Enero 8, 1992 na Awake!, pahina 26-7.) Kun an magkasaro libreng mag-agom liwat sono sa Kasuratan alagad may legal na kaolangan asin bakong posible an diborsio, ipaliwanag kun paano an Declaration Pledging Faithfulness puedeng i-file sa kongregasyon sagkod na puede nang ilegalisar an pag-agoman.—Helingon an Setyembre 1, 1977 An Torrengbantayan, pahina 277-81 (w77-E 3/15 p. 182-5); Pebrero 15, 1987 The Watchtower, pahina 31; True Peace and Security, pahina 148.
20 min: “Ano an Sasabihon Nindo sa Sarong Budista?” Hapot-simbagan. Parateng iniisip-isip niato kun ano an sasabihon kun kita nakanonompong nin mga tawo sa teritoryo na naghihingako na an saindang relihion bakong Kristiano na igwa nin mga ideya, kaugalean, asin ritual na bakong pamilyar sa sato. An artikulong ini kapinonan nin lima an kabtang na serye manongod sa temang ini. Idemonstrar an inandam na marhay na pag-atubang. Para sa dakol pang impormasyon manongod sa Budismo, helingon an librong Reasoning, pahina 21 asin Mankind’s Search for God, kapitulo 6.
Kanta 133 asin pantapos na pamibi.
Semana nin Agosto 30
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Agosto.
17 min: Namomotan Niato an Satong mga Tugang. Pahayag nin sarong magurang sa kongregasyon, kabale an pag-orolay kaiba kan mga nagdadangog basado sa Disyembre 1, 1995 Torrengbantayan, pahina 15-17, parapo 7-11. Agdahon an mga nagdadangog na magsaysay nin mga eksperyensia na nagpapaheling kun paano sinda narepreskohan asin napakosog paagi sa mamomoton na pagparigon sa boot hale sa iba.
18 min: Magtao nin Dahelan Para sa Saindong Paglaom. Iniinterbio nin sarong magurang sa kongregasyon an saro o duwang arogan na tinedyer na nasa pampublikong eskuelahan. Sinda padagos na napaaatubang sa mga hapot nin kinabanon na mga kaedad sa kun taano ta dai sinda nakikiayon sa sainda sa mga aktibidad ninda. Mantang inaaprobetsaran an siring na mga oportunidad na ipaliwanag an saindang basado sa Bibliang mga kombiksion, an satong mga hoben kaipuhan na magin marigon sa saindang pagsayuma. Pinag-oolayan kan grupo kun ano an puede nindang isimbag kun inaalokan sinda nin sigarilyo o droga. Repasohon an pangangatanosan na iinatubang sa librong Young People Ask, pahina 277-81. Ipaliwanag kun paano an pagdepensa sa saindang desisyon na gibohon an tama nagseserbing proteksion asin nagtatao nin marahay na patotoo.
Kanta 129 asin pantapos na pamibi.