Pagtiripon sa Paglilingkod Para sa Nobyembre
PASABOT: Mantang an gabos na kongregasyon sa Pilipinas magkakaigwa nin espesyal na pagtiripon sa paglilingkod sa semana nin Nobyembre 8 tangani na ipaliwanag an bagong areglo sa pagwaras kan babasahon asin magasin, an materyal na nasa ibaba para sa semanang iyan puede na sanang basahon nin indibiduwal kan mga parahayag.
Semana nin Nobyembre 1
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: “Ipinapalaen Kita kan Paghuhulit.” Hapot-simbagan. Ginagamit an librong Kaaraman, pahina 173, parapo 8, isaysay sa halipot kun ano an puede niatong sabihon tangani na enkaminaron an inaadalan sa Biblia na makikabtang sa ministeryo.
20 min: “Siisay an Puedeng Mag-ako nin Pag-adal sa Biblia?” Pahayag asin mga demonstrasyon. Kaoyon kan parapo 4, magsuherir nin manlaenlaen na paagi tanganing mapukaw an interes na pag-adalan an laog kan satong mga publikasyon. Magkaigwa nin duwang halipot na demonstrasyon na nagpapaheling kun paano iyan puedeng gibohon.
Kanta 198 asin pantapos na pamibi.
Semana nin Nobyembre 8
10 min: Lokal na mga paisi.
15 min: “Hapot.” Sarong pahayag.
20 min: “Ano an Sasabihon Nindo sa Sarong Muslim?” Hapot-simbagan. Itampok an pangangaipo na magmansay kun nakikipag-olay sa mga tawo na iba an kultura. Idemonstrar an sarong inandam na marhay na pag-atubang. Para sa dakol pang impormasyon manongod sa Islam, helingon an librong Reasoning, pahina 23-4; asin Mankind’s Search for God, kapitulo 12.
Kanta 208 asin pantapos na pamibi.
Semana nin Nobyembre 15
5 min: Lokal na mga paisi. Report sa kuenta.
20 min: “‘Makahulang Tataramon nin Dios’ na Pandistritong mga Kombension Ngonyan na 1999-2000.” Hapot-simbagan sa parapo 1-14. Idoon an importansia nin pagsunod sa instruksion kan Sosyedad na kita magbalon nin sadiri sa kombension kada aldaw.
20 min: Mga Magurang—Nagkokondukta daw Kamo nin Regular na Pampamilyang Pag-adal? Pahayag asin pag-orolay kaiba kan mga nagdadangog. Ipaliwanag kun taano an mga pamilya ta kaipuhan na iribang mag-adal. (Helingon an School Guidebook, pahina 37-8.) Tawan nin atension an minasunod na mga kaolangan sa pampamilyang pag-adal: (1) an saboot na an mga aki sadit pang marhay tangani na makinabang, (2) an kaisipan na supisyente na an pag-atender sa mga pagtiripon kan kongregasyon, (3) an pagigin pagal huli sa sibot na mga iskedyul, asin (4) an pagkadisturbo huli sa pagdalan nin telebisyon. (Helingon an Mayo 15, 1994 Torrengbantayan, pahina 11-12.) Imbitaran an mga payo nin pamilya na isaysay kun paano ninda napanggaganahan an mga kaolangan sa pagpapadanay nin marahay na kaugalean sa pampamilyang pag-adal.
Kanta 217 asin pantapos na pamibi.
Semana nin Nobyembre 22
10 min: Lokal na mga paisi asin mga eksperyensia sa paglilingkod sa langtad. Siring man, repasohon an artikulong “Helinga an Puersa kan Biblia!”
15 min: Ano an Saindong Aktitud sa mga Asignasyon? Pahayag nin sarong magurang sa kongregasyon. Dakol an kinakaipuhan na gibohon tangani na mapagdanay na nagpupunsionar an kongregasyon: pagpreparar nin mga asignasyon sa programa; paghapit sa iba pasiring sa mga pagtiripon o pag-iba sa sainda sa paglilingkod; pagtabang sa mga may edad na; asin paglinig, paghirahay, patin pag-asikaso sa Kingdom Hall. Ano an saindong reaksion kun pinakikiolayan na tumabang? An nagkapira tibaad magsayuma, magabat an boot na mag-ako, o dai nagpapadagos sagkod na matapos. Ipaliwanag kun taano an pag-ako asin paggibo nin mga asignasyon ta sarong maogmang pribilehio. Enkaminaron an gabos sa kongregasyon na ipaheling an gikan sa boot na espiritu nin pagboluntaryo.—Sal. 110:3, nota sa ibaba; Isa. 6:8.
20 min: “‘Makahulang Tataramon nin Dios’ na Pandistritong mga Kombension Ngonyan na 1999-2000.” Hapot-simbagan sa parapo 15-20. Gamiton an kinotar asin sitadong mga teksto tangani na idoon kun taano an gubing, pag-alinyar, asin gawe-gawe ta mga bagay na naghahagad kan satong maingat na atension.
Kanta 223 asin pantapos na pamibi.
Semana nin Nobyembre 29
10 min: Lokal na mga paisi. Pagirumdomon an mga parahayag na itao an mga report nin paglilingkod sa langtad para sa Nobyembre.
15 min: Parigonon an mga Bagohan na Umatender sa mga Pagtiripon. Pag-orolay nin sarong magurang sa kongregasyon asin saro o duwang ministeryal na lingkod, basado sa brosyur na Nag-ootob sa Kabotan nin Dios, pahina 14-15. Repasohon kun taano ta mahalagang marhay na an mga bagohan umatender sa mga pagtiripon. Repasohon an limang semanal na pagtiripon, na ipinaliliwanag an mga pakinabang kan kada saro. Pag-olayan kun paano an mga pagtiripon nakapaooswag sa diosnon na gawe-gawe, nakapakokosog sa espirituwalidad, nakapararani sa sato sa organisasyon, nakatatabang sa sato na makapatalubo nin dayupot na relasyon sa iba, asin nakatatabang sa sato na masabotan an katuyohan kan satong ministeryo. Enkaminaron an mga nagdadangog na gamiton an brosyur tangani na pahiroon an mga bagohan na umatender sa mga pagtiripon.
20 min: An Satong Pinili—An New World Translation. Pahayag asin mga demonstrasyon. Sa tahaw kan relihiosong mga organisasyon, kita daing kaagid huli ta kita nagpupublikar, naggagamit, asin nagdidistribwir nin sarong traduksion kan Biblia na ginibo kan linahidan na mga parasamba ki Jehova. Iyan bakong huli ta kita nagmamawot na gumanansia sa komersial na paagi o ilakop an mga paniniwalang sektaryano. Imbes, kita namomotibar nin pagmawot na tawan nin onra an ngaran nin Dios asin tabangan an iba na mamidbid sia nin orog pa. An ibang traduksion parateng depisil na masabotan, kaya repasohon an napapalaen na mga bentaha kan New World Translation. (Helingon an librong “All Scripture,” pahina 327-31. Mangnohon an mga komento sa parapo 3, sabihon an mga halimbawa nin mas marahay na mga pagkatradusir sa parapo 6, asin itampok an mga pakinabang na kinobrehan sa parapo 22-3.) Magkaigwa nin duwang halipot na demonstrasyon na nagpapaheling kun paano kita puedeng sumimbag kun magsabi an iba nin, “May sadiri kamong Biblia.”—Helingon an librong Reasoning, pahina 279-80.
Kanta 205 asin pantapos na pamibi.