Iskedyul sa Pagtiripon sa Paglilingkod
Semana nin Pebrero 14
10 min: Lokal na mga paisi. Piniling Mga Paisi sa An Satong Ministeryo sa Kahadean.
18 min: “An Makahulang Tataramon nin Dios Gabos Maootob!” Limitaran an introduksion sa dai pang sarong minuto, asin sundan nin hapot-simbagan. Itokdo an nagkapirang detalye hale sa bagong libro na nagtatampok kan kahulogan kan satong mga panahon.
17 min: Magplano Para sa Pag-auxiliary Payunir Ngonyan na Tig-init. Nakaparirigon sa boot na pahayag na may nakatatabang na impormasyon para sa mga boot na mag-auxiliary payunir durante kan Marso, Abril, asin Mayo. Repasohon an mga punto sa suplemento kan An Satong Ministeryo sa Kahadean na Marso 1998, pahina 3-6. Idoon na an Abril espesyalmenteng marahay na bulan na magpayunir huling iyan igwa nin limang Sabado asin limang Domingo. Interbiohon an sarong parahayag na nag-o-auxiliary payunir nin regular asin saro na nagkapribilehio kaiyan kan nakaaging Abril, na hinahapot sinda kun ano an nakaenkaminar sa sainda na magpayunir asin kun anong mga pakinabang an nakamtan ninda patin kun taano ta eenkaminaron ninda an iba na probaran man iyan ngonyan na panahon nin Memorial. Enkaminaron an gabos na nasa kongregasyon na umatender sa miting pakatapos kan Pag-adal sa Torrengbantayan ngonyan na Domingo, Pebrero 20, para sa mga nagpaplanong mag-auxiliary payunir durante kan masunod na tolong bulan.
Kanta 182 asin pantapos na pamibi.
Semana nin Pebrero 21
10 min: Lokal na mga paisi. Report sa kuenta.
15 min: “Mga Babaeng Nagpapagal sa Kagurangnan.” Limitaran an introduksion sa dai pang sarong minuto, asin sundan nin hapot-simbagan. Iiba an mga komento sa Torrengbantayan na Setyembre 15, 1996, pahina 14-15, parapo 18-19. Maogmang komendaran an mga tugang na babae sa saindang gikan sa boot na pagsuportar, sa kapakipakinabang na paglilingkod na ginigibo ninda para sa iba, asin sa saindang maigot na paghuhulit.
20 min: “Ano an Makatatabang sa Sato na Manindogan na Marigon sa Pagtubod?” Pahayag nin sarong magurang sa kongregasyon. Kita nabubuhay sa delikadong mga panahon, asin kita gabos nangangaipo nin tabang minsan paano. Repasohon kun ano an magigibo kan kamagurangan asin ministeryal na mga lingkod tangani na pakosogon an mga pinupurisaw nin nakapanluluya sa boot na mga problema. (Helingon an subtemang “Pagpapastor na Nakapakokosog” sa Torrengbantayan na Setyembre 15, 1993, pahina 21-3.) Ipaliwanag kun paano kita puedeng magparinigonan nin boot sa mga paagi na mapasarig sa sato sa espirituwal.—Roma 1:11, 12.
Kanta 82 asin pantapos na pamibi.
Semana nin Pebrero 28
10 min: Lokal na mga paisi. Pagirumdomon an gabos na itao an report nin paglilingkod sa langtad para sa Pebrero. Repasohon sa halipot an “Apat na Pasil na Paagi” sa paggamit kan mga pulyeto tangani na makapoon nin mga pakikipag-olay na itinao sa pahina 8 kan nakaaging bulan na An Satong Ministeryo sa Kahadean. Idemonstrar kun paano magagamit an pulyetong Peaceful New World sa pag-introdusir kan librong Kaaraman. Pakatapos na iatubang an mga hapot hale sa enot na parapo kan pulyeto, basahon an enot na parapo na nasa pahina 3, kabale an Salmo 37:29. Kun may ipinaheheling na interes, buksan an librong Kaaraman sa pahina 5, basahon an kahon, asin mag-alok nin pag-adal. Ngonyan na bulan, an gabos maninigong gumibo nin espesyal na paghihingoa na makapoon nin sarong bagong pag-adal sa Biblia.
7 min: “Mga Hapot.” Pahayag nin sarong magurang sa kongregasyon manongod sa duwang hapot na ipinaliwanag.
10 min: “Kun Paano Mapaooswag an Abilidad sa Pangangatanosan.” Pahayag asin demonstrasyon. Ipaliwanag kun taano an abilidad na mangatanosan ta mahalagang marhay sa ministeryo asin kun paano magkakaigwa kaiyan. Kumua nin duwang may kakayahan na parahayag na mag-oolay kun paano mag-aandam para sa ministeryo paagi sa pagsunod sa mga paagi na itinao sa parapo 3 kan artikulo dangan idemonstrar an saindang pag-atubang.
18 min: “Paghuhulit kan Maogmang Bareta na May Makosog na Kombiksion.” Magkaigwa nin duwa o tolong minuto na odok sa pusong introduksion basado sa materyal siring man sa sitado asin kotadong mga teksto na nasa parapo 1 asin 2. Dangan kobrehan an parapo 3-12 paagi sa hapot-simbagan.
Kanta 61 asin pantapos na pamibi.
Semana nin Marso 6
5 min: Lokal na mga paisi.
10 min: Lokal na mga pangangaipo.
10 min: “Mag-atento Kamo sa kun Paano Kamo Naghihinanyog.” Ipinakikipag-olay nin sarong payo nin pamilya sa saiyang agom asin mga aki kun ano an saindang magigibo tangani na lubos pang makinabang sa mga pagtiripon kan kongregasyon, asamblea, asin kombension. Naniniwala sia na an gabos sa pamilya makakokonsentrar nin mas marahay. Rinerepaso ninda an mga suhestion na nakalista asin kinokonsiderar kun paano iaaplikar an kada saro, kabale an pangangaipo na magkaigwa nin orog pang pag-orolay manongod sa mga bagay na nanodan. Ineestudyaran ninda kun paano ootobon an saindang desisyon na dai pagpaltahan an ano man na pagtiripon o ano man na sesyon sa sarong kombension o asamblea sagkod sa mapupuede.
20 min: “Paghuhulit kan Maogmang Bareta na May Makosog na Kombiksion.” Pakatapos nin halipot na repaso sa nakaaging semanang pag-orolay sa enot na 12 parapo kan suplemento, konduktahan paagi sa hapot-simbagan an parapo 13-24. Gamiton nin marahay an kotado asin sitadong mga teksto.
Kanta 186 asin pantapos na pamibi.