Iskedyul sa Pagtiripon sa Paglilingkod
Semana nin Abril 10
10 min: Lokal na mga paisi. Piniling Mga Paisi sa An Satong Ministeryo sa Kahadean. Dai paglingawan an espesyal na pampublikong pahayag sa Abril 16, na may temang “Kun Taano an Katawohan ta Nangangaipo nin Sarong Pantubos.” Enkaminaron an gabos na sundan an babasahon sa Biblia para sa Memorial na nakaiskedyul para sa Abril 14-19, na itinao sa Pagsiyasat sa Kasuratan Aroaldaw—2000. Repasohon an “Mga Pagirumdom sa Memorial,” na nasa pahina 4 kan suplemento.
15 min: “Naghihimate daw Kamo sa Pagkamoot ni Cristo?” Limitaran an introduksion sa dai pang sarong minuto, asin sundan nin hapot-simbagan. Iiba an mga ideya hale sa Torrengbantayan na Mayo 1, 1998, pahina 16-17, parapo 12-13. Enkaminaron an gabos na gumibo nin espesyal na paghihingoa na imbitaran an mga tawo sa Memorial.
20 min: “Abril—Panahon na Magin Maigot sa Marahay na mga Gibo!” Hapot-simbagan. Entusiastikong pag-orolay kan minamawot niatong magibo ngonyan na Abril. Gamiton an ultimong tolo o apat na minuto sa pagrepaso kan “Kaigotan na Nakapupukaw sa Kadaklan.”
Kanta 199 asin pantapos na pamibi.
Semana nin Abril 17
13 min: Lokal na mga paisi. Report sa kuenta. Duwa na sanang Sabado asin Domingo an natatada ngonyan na Abril, kaya enkaminaron an gabos na makikabtang sa ministeryo bago matapos an bulan.
16 min: “Igwa daw Kamo kan Espiritu nin Pagsakripisyo sa Sadiri?” Hapot-simbagan. Kaipuhan niatong magbugtak nin mga ipaoorog, na ineenot an mga bagay na dapat enoton. Kaipuhan an inisyatiba asin pagpopogol sa sadiri tangani na magdanay sa paggibo kan pakikinabangan niato sa espirituwal na paagi. Ipaliwanag an puede niatong manodan sa halimbawa ni Jesus.—Helingon an Insight, Tomo 2, pahina 68, parapo 3-5.
16 min: Magpasakamot nin mga Magasin Kun Saen Iyan Magigin Pinakaepektibo. Pahayag, na may pakikikabtang an mga nagdadangog. Repasohon an mga suhestion sa Awake! na Enero 8, 1995, pahina 22-4. Ipaliwanag kun taano ta marahay na hanapon an mga tawo na posibleng marhay na mahimate sa espesyal na mga artikulo na nagluwas sa mga magasin. Estudyaran an mga halimbawa hale sa nakaaging mga luwas asin an mga klase nin indibiduwal, negosyo, o organisasyon sa lokal na teritoryo na puedeng magkainteres sa mga artikulo. Imbitaran an mga nagdadangog na magsaysay nin mga eksperyensia na nagpapaheling kun paano sinda nakakua nin marahay na mga resulta na ginagamit an paaging ini.
Kanta 71 asin pantapos na pamibi.
Semana nin Abril 24
10 min: Lokal na mga paisi. Ipaisi an kabilangan nin mga nag-atender sa Memorial kan kongregasyon. Imbitaran an mga nagdadangog na magsaysay nin mga kapahayagan kaidtong mga nag-atender sa kaenot-enote.
17 min: Tabangan an mga Bagohan na Umatender sa mga Pagtiripon. Pahayag basado sa librong Kaaraman, pahina 161-3, parapo 5-8. Pakapag-adal sa laog nin kadikit na panahon, mahalagang marhay na an mga bagohan pumoon nang umatender sa mga pagtiripon. An pagpaatender sa sainda puedeng magin angat. Ano an magigibo nindo tangani na mamotibar sinda? An mga namamayo sa mga pag-adal maninigong magtao nin panahon na repasohon an materyal na ini sa librong Kaaraman sa saindang mga inaadalan dangan gumibo nin depinidong mga areglo na tabangan sinda na umiba sa sato sa tunay na pagsamba.
18 min: “Kamo daw Regular na Parabalangibog kan Kahadean?” Pahayag asin pakikipag-olay sa mga nagdadangog na pangengenotan kan sekretaryo. Ipaliwanag kun taano ta irinereport niato an satong paglilingkod sa langtad. (Helingon an Our Ministry, pahina 106-8.) Isaysay an nagkapira sa mga problema na minalataw kun dai niato ikinakatao tolos-tolos an satong mga report. Imbitaran an mga nagdadangog na sabihon kun ano an saindang ginigibo tangani na seguradohon na ikatao ninda sa tamang panahon an saindang mga report. Sabihon kun paano makatatabang an mga namamayo sa Pag-adal sa Libro kan Kongregasyon. May saro na sanang Sabado asin Domingo na natatada ngonyan na Abril, kaya idoon an kahalagahan kan pakikikabtang kan gabos sa paglilingkod asin pagreport kan aktibidad sa katapusan kan bulan.
Kanta 200 asin pantapos na pamibi.
Semana nin Mayo 1
12 min: Lokal na mga paisi. Pagirumdomon an gabos na itao an saindang report nin paglilingkod sa langtad para sa Abril. Maninigong hapoton kan mga namamayo sa Pag-adal sa Libro kan Kongregasyon an gabos sa saindang grupo tangani na ikalista an gabos na report pag-abot kan Mayo 6. Repasohon an “Hapot” na nasa pahina 7, na naggigibo nin lokal na aplikasyon.
15 min: Lokal na mga pangangaipo.
18 min: “Seguradohon na Kamo Bumalik!” Pag-orolay kaiba kan mga nagdadangog. Estudyaran an mga dahelan kun taano ta kita tibaad dai makagibo nin mga pagdalaw liwat. Ipaliwanag kun taano ta importante an tamang mga nota asin an pagigin andam na dumalaw liwat. Magsuherir na magtagama nin oras sa kada semana na gumibo nin mga pagdalaw liwat. Repasohon an sinasabi sa librong Our Ministry, pahina 88-9. Isaysay an eksperyensia na ibinareta sa 1995 Yearbook, pahina 45.—1 Cor. 3:6, 7.
Kanta 68 asin pantapos na pamibi.