Mga Paisi
◼ Alok sa Abril asin Mayo: Indibiduwal na mga kopya kan An Torrengbantayan asin Awake! Magdara nin brosyur na Kahagadan para sa mga interesado, asin maghingoa na makapoon nin mga pag-adal sa Biblia. Hunyo: Ialok an brosyur na Kahagadan sa katuyohan na makapoon nin mga pag-adal sa Biblia. Hulyo asin Agosto: Puedeng ialok an arin man sa mga brosyur. Minsan siring, huling igwa kita nin dakol na suplay kan brosyur na Sarong Libro Para sa Gabos na Tawo, ineenkaminar niamo an mga kongregasyon na pumedido kaini tangani na magamit durante kaining duwang bulan na kampanya. An mga kongregasyon na dai pa naghagad kan mga pankampanya na nasambit sa enotan maninigo nang humagad sa saindang masunod na bulanan na Literature Order Form (S-AB-14).
◼ An 1999 mga tomo kan Watchtower asin Awake! makukua na sa dai mahahaloy asin puede nang pedidohon ngonyan. Minsan siring, girumdomon na ini special-request items asin iyan maninigo sanang pedidohon kun igwa nin espesipikong kahagadan hale sa mga parahayag para kaini. Kun dai pa nag-abot an mga tomo pagkaresibi kan mga pedido, iyan ipaheheling bilang “back-ordered” asin ipadadara sa saindo an mga tomo kun iyan maresibi na hale sa Brooklyn.
◼ Kun naghuhulit sa napapasuway na mga lugar sa saindong teritoryo durante kan mga bulan nin tig-init, pinakamarahay na ialok an librong Kaaraman o an brosyur na Kahagadan. An gabos maninigong magdara nin laen-laen na tract para sa mga mayo sa harong o para sa mga indibiduwal na dai nag-aako nin babasahon. Maninigong maghingoa na kultibaron an interes na nanompongan pagkatapos.
◼ Inimpormaran kami kan sangang opisina sa Britania na an nagkapirang tugang na dating nagtatrabaho sa Saudi Arabia asin iba pang estado kan Arabe minalataw na nagtatao nin mga ngaran asin numero nin telepono kan responsableng mga tugang na lalaki sa mga nasyon na ini duman sa mga tugang o interesado na nagbibiahe paduman hale sa Pilipinas. Minsan ngani bakong sala an motibo sa paggibo kaini, pero iyan nagbunga nin depisil na mga situwasyon asin puedeng magin peligroso sa mga tugang duman. Kaya maninigong tandaan kan gabos na dating nagtatrabaho sa siring na mga nasyon na dai kita noarin man magtao nin mga ngaran o numero nin telepono nin siisay man na mga tugang na nag-iistar sa mga nasyon na nasa irarom nin pagprohibir. Kun may mga tugang na dumuman sa siring na nasyon tangani na magtrabaho, kaipuhan nindang direkta na ipadara sa sangang opisina sa Pilipinas o sa sangang opisina sa Britania an saindang adres (mas marahay an adres kan kalye) asin numero nin telepono sa nasyon na iyan, dangan magibo nin mga areglo na may kumontak sa sainda duman.