Repaso sa Teokratikong Paadalan sa Pagmiministro

Sirrado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Enero 3 sagkod Abril 17, 2000. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. Kun beses kaipuhan kitang maghalat na akoon an mga bendisyon ni Jehova, huli ta aram ni Jehova an satong situwasyon asin itinatao nia an lambang pangangaipo sa panahon na pinakakapakipakinabang iyan para sa sato. (Sal. 145:​16; Sant. 1:17) [w98-BI 1/1 p. 23 par. 6]

2. An presensia sana kan kaban kan tipan dai naggarantiya nin kapangganahan para sa mga Israelita. An mga bendisyon ni Jehova depende sa espirituwal na kamugtakan asin fiel na pagkuyog kan mga tawong igwa kan kaban. (Jos., kap. 7) [Semanal na babasahon sa Biblia; helingon an it-1 p. 167 par. 2.]

3. Ngonyan pinakakakan kita sa espirituwal paagi sana sa pagbasa kan mga tataramon ni Jehova. (Deut. 8:3) [Semanal na babasahon sa Biblia; helingon an w86-BI 1/1 p. 17 par. 15, 17 (w85-E 6/15 p. 17 par. 15, 17).]

4. Ipinaheheling kan prinsipyo na itinampok sa Ley ni Moises sa Deuteronomio 23:​20 na bakong mamomoton para sa sarong Kristiano na magpatubo kun nagpapautang nin kuarta. [Semanal na babasahon sa Biblia; helingon an it-1 p. 1212 par. 5-6; it-2 p. 259 par. 12; w86-E 10/15 p. 12 par. 9.]

5. An optimistikong bareta ni Josue asin Caleb basado sa saindang marigon na paniniwala sa kosog asin determinasyon kan mga Israelita na pangganahan an ano man na nakaoolang sa saindang pagsakop kan Dagang Panuga. (Bil. 13:30) [w98-BI 2/1 p. 5 par. 4]

6. Sa pagtaram manongod sa “balaog” sa 1 Timoteo, ipinagigirumdom ni Pablo ki Timoteo an paglahid sa saiya kan banal na espiritu asin an langitnon na balos na naghahalat sa saiya. (1 Tim. 4:14) [w98-BI 2/15 p. 25 par. 1]

7. An librong Josue dai nagtatao nin ano man na mahalagang marhay na koneksion sa rekord na minagiya sa pagluwas kan Banhi kan Kahadean. [si p. 46 par. 24]

8. An librong mga Hokom sarong rekord manongod sa mga lalaki na pinili asin ninombrahan kan Israel na mamahala sa nasyon bago kan panahon kan mga hade. [si p. 46 par. 2]

9. Ipinaheheling kan kahagadan ni Gedeon, na isinaysay sa Hokom 6:​37-​39, na sia sobra kamapagmaan asin kasuspetsoso. [Semanal na babasahon sa Biblia; helingon an w88-E 4/1 p. 30 par. 6.]

10. Paagi sa pagtaong instruksion sa saiyang mga disipulo na ‘dai pagkugoson an siisay man sa pagtaratara sa dalan,’ idinodoon ni Jesus an pagkaapurado kan paghuhulit asin an pangangaipo na magtao nin bilog na atension sa pinakaimportanteng asignasyon na ini. (Luc. 10:4) [w98-BI 3/1 p. 30 par. 5]

Simbagon an minasunod na mga hapot:

11. Taano ta mahalaga na an mga tataramon ni Jehova dapat na mamugtak sa puso nin mga magurang? (Deut. 6:​5, 6) [Semanal na babasahon sa Biblia; helingon an w98-E 6/1 p. 20 par. 4.]

12. Paano ikaaaplikar nin sarong payo kan pamilya an prinsipyo na nasusurat sa Deuteronomio 11:​18, 19? [Semanal na babasahon sa Biblia; helingon an fy p. 70 par. 14.]

13. Ano an ipinaririsa sa Kasuratan na an naglayas na oripon na si Onesimo minalataw na haloy-haloy nang kaiba ni apostol Pablo bago si Pablo sumurat ki Filemon? [w98-BI 1/15 p. 30 par. 2]

14. Kun kita may naheheling na mga inhustisya o kita mismo nakaeeksperyensia kaiyan, ano an magigibo niato tangani na malikayan an pagkaigwa nin desesperado o pesimistikong aktitud? [w98-BI 2/1 p. 6 par. 2-3]

15. Paano si Josue asin Gedeon nagpaheling nin halangkaw na pagpahalaga sa ley nin Dios? (Deut. 20:​8, 15-​18) [si p. 41 par. 32]

16. Paano an mga pangyayari na isinaysay sa Josue 10:​10-​14 nakakaagid sa puedeng antisiparon sa Armagedon? [Semanal na babasahon sa Biblia; helingon an w86-BI 12/1 p. 21 par. 12–​p. 22 par. 14 (w86-E 12/15 p. 23 par. 12–​p. 24 par. 14).]

17. Magsambit nin tolong pakinabang nin sinserong pag-omaw sa kagalanggalang na gawe-gawe. (Ikomparar an Talinhaga 15:23.) [w98-BI 2/1 p. 31 par. 5-6]

18. Kaoyon sa Josue 20:​4, paano an saro minadulag pasiring sa antitipikong siudad nin pailihan? [Semanal na babasahon sa Biblia; helingon an w86-BI 12/1 p. 22 par. 16 (w86-E 12/15 p. 24 par. 16).]

19. Paano ipinaririsa kan Hokom 5:​31 na an kapangganahan ni Hokom Barac sa nakalalabing hukbo ni Sisara sa kababan kan sapang masulog nin Cison may mahalagang kahulogan para sa satong aldaw? [Semanal na babasahon sa Biblia; helingon an w86-E 2/15 p. 21 par. 4.]

20. Paano niato ikapaheheling an pagpahalaga sa prinsipyo na nasa likod kan pananaram na “sinda padagos na nagtirindog an lambang saro sa saiyang lugar,” na nasusurat sa Hokom 7:21? [Semanal na babasahon sa Biblia; helingon an w82-E 6/1 p. 25 par. 17.]

Ibugtak an (mga) termino o frase na kaipuhan tanganing makompleto an kada saro sa minasunod na mga pahayag:

21. Tanganing mas lubos na maeksperyensiahan an bendisyon ni Jehova, kaipuhan niatong padagos na ․․․․․․․․ asin hagadon ki Jehova na logod tabangan kitang ․․․․․․․․ an mga katokdoan sa saiyang ipinasabong na Tataramon. (1 Tim. 4:​8, 9) [w98-BI 1/1 p. 24 par. 6]

22. Ikinaaanggot na marhay ni Jehova an pagtaram na may pambobola huli ta iyan minomotibar nin ․․․․․․․․, iyan bakong ni ․․․․․․․․ , asin orog sa gabos, iyan ․․․․․․․․. [w98-BI 2/1 p. 30 par. 2-3]

23. An ngaran na Josue nangangahulogan ․․․․․․․․ , asin sia sarong makahulang tipo ni ․․․․․․․․. [si p. 42 par. 5]

24. Kaoyon sa ilustrasyon ni Jesus sa Mateo 7:​24-27, an madonong na mga magurang makatatabang sa saindang mga aki na makatagal sa arog-bagyong mga pan-iimpluwensia paagi sa pagtao sa sainda nin ․․․․․․․․ na matabang sa sainda na magdanay na ․․․․․․․․. [w98-BI 2/15 p. 9 par. 1]

25. An makasaysayan na rekord sa librong mga Hokom kaiba an bilog na lawig nin panahon poon kan magadan si ․․․․․․․․ sagkod kan panahon ni ․․․․․․․․, na kinokobrehan an mga taon. [si p. 47 par. 5]

Pilion an tamang simbag sa kada saro sa minasunod na mga pahayag:

26. An paggibo nin mga paagi may labot sa pagdistribwir kan propiedad nin saro enkaso sia magadan (bagay na pankongregasyon; personal na bagay; kahagadan sa tunay na mga Kristiano). (Gal. 6:5) [w98-BI 1/15 p. 19 par. 6]

27. Inenkaminar ni Pablo si Filemon na maboot na akoon si (Onam; Onesiforo; Onesimo) alagad dai nia ginamit an autoridad bilang apostol na pagbotan sia na gibohon iyan o na palibrehon an saiyang oripon. (Filem. 21) [w98-BI 1/15 p. 31 par. 1]

28. An seryosong pagkukulang na ipinaririsa sa pagkasaysay manongod sa mga daoton na pinaomayan ni Jesus iyo an saindang (kadaihan nin pagtubod; pakisuway; pagigin ingrato). (Luc. 17:​11-​19) [w98-BI 2/15 p. 5 par. 1]

29. Huling inoyonan nin Dios an iginawe ni Rahab, an saiyang mga tataramon sa mga lalaking taga Jerico na naglalapag sa mga espiyang Israelita nagpaparisa na (kun baga personal na desisyon an pagputik; bakong obligado an saro na ihayag an sadiosan na impormasyon sa mga bakong angay na umako kaiyan; dai pa nia nabago an gabos niang kinabanon na ugale). (Jos. 2:​3-5; ikomparar an Roma 14:4.) [Semanal na babasahon sa Biblia; helingon an w93-E 12/15 p. 25 par. 1.]

30. Siring kan nasusurat sa Juan 13:​5, an praktikal na leksion na itinao ni Jesus nagdodoon kan kualidad nin (kabootan; empatiya; kapakumbabaan), na nagpapangyari sa saro na magkaigwa nin tendensia na gibohon an pinakahababang klase nin gibohon para sa iba. [w98-BI 3/15 p. 7 par. 6]

Ipadis an minasunod na mga teksto sa mga pahayag na nasa ibaba:

Deut. 7:​3, 4; 17:​7; 25:​11, 12; 28:​3; Jer. 15:​20

31. An halangkaw na pagpahalaga kan Kaglalang sa organo sa pangangaki maninigo na makaimpluwensia sa desisyon nin sarong Kristiano mapadapit sa angay na paagi nin pagpaplano nin pamilya. [Semanal na babasahon sa Biblia; helingon an w99-BI 6/15 p. 28 par. 1-4.]

32. Makakokompiar kita sa suporta ni Jehova mantang inootob niato an sugo sa sato na ihulit an maogmang bareta kan Kahadean nin Dios. [w98-BI 3/1 p. 28 par. 1]

33. An paghimate sa patanid kan Biblia ilinilikay kita sa makolog na mga epekto na parateng nagigin resulta kun an sarong Kristiano nakikipagsakal sa bakong kapagtubod. [Semanal na babasahon sa Biblia; helingon an w89-BI 12/1 p. 21 par. 11 (w89-E 11/1 p. 20 par. 11).]

34. An pagkamit kan mga bendisyon nin Dios bakong depende sa kun saen kita nag-iistar o naglilingkod o kun ano an asignasyon niato sa paglilingkod sa Dios. [Semanal na babasahon sa Biblia; helingon an w96-BI 6/15 p. 15 par. 15.]

35. Bilang autoridad sa saiyang mga instruksion sa 1 Corinto kapitulo 5 manongod sa pagtitiwalag, kinokotar ni Pablo an Ley ni Jehova. [Semanal na babasahon sa Biblia; helingon an si p. 213 par. 24.]