Iskedyul sa Pagtiripon sa Paglilingkod
Semana nin Pebrero 12
10 min: Lokal na mga paisi. Piniling Mga Paisi sa An Satong Ministeryo sa Kahadean. Pag-oolayan an video na The Bible—Mankind’s Oldest Modern Book sa Pagtiripon sa Paglilingkod sa semana nin Pebrero 26. Ibabasar an pag-orolay sa mga hapot na itinao sa pahina 7 kan luwas na ini kan An Satong Ministeryo sa Kahadean.
15 min: “Magin Atento sa Makangangalas na mga Ginibo nin Dios.”a Itokdo an nagkapirang ilustrasyon sa bagong libro na nagpapatalubo nin pag-apresyar sa hula ni Isaias.
20 min: “Kun Paano Kokombensiron an Iba.” Pag-oolay nin sarong namamayo sa Pag-adal sa Libro asin sarong payunir o sarong epektibong parahayag, basado sa artikulo siring man sa piniling mga punto sa An Torrengbantayan na Mayo 15, 1998, pahina 21-3. Analisaron an kahon sa pahina 23, “Pagtaros sa Puso kan Saindong Estudyante.” Pakapili nin sarong falsong paniniwala sa relihion na lakop sa lokal na teritoryo, pag-olayan kun paano kokombensiron an sarong tawo sa sinasabi kan Biblia manongod sa temang iyan.
Kanta 208 asin pantapos na pamibi.
Semana nin Pebrero 19
8 min: Lokal na mga paisi. Report sa kuenta.
15 min: Lokal na mga pangangaipo.
22 min: “Ipaaram an Ngaran Asin mga Ginibo ni Jehova.”b Rinerepaso nin sarong magurang sa kongregasyon an espesyal na mga plano na ginigibo sa lokal para sa dinugangan na aktibidad sa Marso, Abril, asin Mayo, kabale an mga paghihingoa na enkaminaron an pinakadakol na mapupuede na mag-auxiliary payunir. Ipasaysay sa nagkapirang nagpayunir kan nakaaging Abril an satispaksion na nakamtan ninda sa paggibo kaiyan. Magkonsentrar sa pagtabang sa lambang kualipikadong inaktibong parahayag na umiba liwat sa sato sa paglilingkod saka sa pagtabang sa mga aki patin sa iba pang inaadalan sa Biblia na makualipikar bilang dai pa bautisadong parahayag.—Helingon an “Hapot” sa An Satong Ministeryo sa Kahadean na Nobyembre 2000.
Kanta 27 asin pantapos na pamibi.
Semana nin Pebrero 26
8 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Pebrero.
12 min: Suhestion na mga Pag-atubang Para sa Librong Kaaraman. May nasa isip daw kamong sarong pag-atubang para sa pag-alok kan librong Kaaraman sa Marso? Kun hehelingon nindo sa mga pahina na nasa likod kan nakaaging mga luwas kan An Satong Ministeryo sa Kahadean, makakukua kamo nin mga suhestion para sa enot na pagsongko, na an dakol kaiyan igwa nin mga ideya sa pagkultibar para sa pagdalaw liwat. Repasohon an duwa o tolo kan isinuherir na mga pag-atubang na ini. (Disyembre 1995; Marso, Hunyo, Nobyembre 1996; Hunyo 1997; Marso 1998) Idemonstrar an duwang suhestion sa luwas na Nobyembre 1996 para sa paggamit nin direktang pagdolok sa pagpoon nin mga pag-adal sa Biblia. Enkaminaron an gabos na gumibo nin espesyal na paghihingoa na makapoon nin bagong mga pag-adal.
25 min: “Pagpatalubo nin Pag-apresyar sa The Bible—Mankind’s Oldest Modern Book.” Pakikipag-olay sa mga nagdadangog na ginagamit an mga hapot na itinao sa pahina 7. Idoon an katotoohan na sa labing 100 milyones na kopya sa bilog o kabtang sana sa 37 tataramon, an New World Translation saro sa pinakamahiwas na idinidistribwir na Biblia. Sa Abril rerepasohon niato an ikatolong video sa seryeng ini, an The Bible—Its Power in Your Life. (Pasabot: Sa mga kongregasyon na ni saro mayo nin video, puedeng itao imbes an sarong pahayag sa temang “Pagkinabang sa ‘Trigo nin Langit,’” basado sa An Torrengbantayan na Agosto 15, 1999, pahina 25-8.)
Kanta 64 asin pantapos na pamibi.
Semana nin Marso 5
5 min: Lokal na mga paisi.
18 min: “Si Jehova Nagtatao nin Puersa.”c Pakomentohon an mga nagdadangog sa kun paano minaaplikar an mga teksto.
22 min: “Mapangganang Paghuhulit Paagi sa Telepono.”d Pangengenotan kan paraataman sa paglilingkod. Iiba an pamparigon sa boot na nasa An Torrengbantayan na Disyembre 15, 1999, pahina 23, parapo 17. Ipasaysay an nagkapirang halipot na eksperyensia na nagpapaheling kan kapangganahan sa gibohon na ini sa lokal. Kun dai pa napoprobaran an gibohon na ini, magtao nin nagkapirang praktikal na suhestion sa kun paano mapoprobaran iyan kan mga parahayag maski sa limitadong paagi sa saindong lokal na teritoryo.
Kanta 108 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.
d Limitaran an introduksion sa dai pang sarong minuto, asin sundan nin hapot-simbagan.