Iskedyul sa Pagtiripon sa Paglilingkod
Semana nin Marso 12
10 min: Lokal na mga paisi. Piniling Mga Paisi sa An Satong Ministeryo sa Kahadean.
15 min: Lokal na mga pangangaipo.
20 min: “Abril—Panahon na ‘Kita Magpagal Asin Maghingoa.’” (Parapo 1-13) Pangengenotan kan nangengenot na paraataman. Entusiastikong pakikipag-olay kun ano an mawot niatong gibohon sa Abril. Enkaminaron an lambang saro sa kongregasyon na gibohon an saiyang kabtang na aboton an pasohan na 100 porsientong pakikikabtang sa ministeryo sa bulan na iyan.
Kanta 147 asin pantapos na pamibi.
Semana nin Marso 19
8 min: Lokal na mga paisi. Report sa kuenta.
17 min: Gamiton na Marhay an 2001 Yearbook. Pahayag asin pakikipag-olay sa mga nagdadangog. Repasohon an “2000 Grand Totals,” sa pahina 31. Ipakipag-olay an “A Letter From the Governing Body,” sa pahina 3-5. Hagadon sa nagkapira sa mga naghihinanyog na magsaysay nin bareta o eksperyensia hale sa bagong Yearbook na nangorognang nakaparigon sa boot asin nakapakosog sa pagtubod ninda. Enkaminaron an mga pamilya na basahon nin iriba an bilog na Yearbook, siring sa ginigibo kan pamilyang Bethel sa bilog na kinaban durante kan taon. Itampok an mga hapot sa pahina 255, na magagamit sa pagrepaso kan nanonodan.
20 min: “Abril—Panahon na ‘Kita Magpagal Asin Maghingoa.’” (Parapo 14-30) Pangengenotan kan paraataman sa paglilingkod. Sarong pahayag na may piniling mga kabtang na hapot-simbagan. Maninigo na an gabos gumibo nin praktikal na iskedyul na makikabtang sagkod sa mapupuede sa ministeryo durante kan Abril. Parigonon an boot kan gabos na may kakayahan na mag-auxiliary payunir asin kumua nin aplikasyon pakatapos kan pagtiripon.
Kanta 188 asin pantapos na pamibi.
Semana nin Marso 26
10 min: Lokal na mga paisi. Ipaliwanag na bako pang huring marhay na isumitir an aplikasyon sa pag-auxiliary payunir sa Abril. Enkaminaron an gabos na sundan an babasahon sa Biblia para sa Memorial na nakaiskedyul para sa Abril 3-8, na itinao sa Pagsiyasat sa Kasuratan Aroaldaw—2001. Ianunsiar kun noarin gigibohon an Pag-adal sa Torrengbantayan para sa semana kan Memorial. Dai paglingawan an espesyal na pampublikong pahayag ngonyan na Domingo, Abril 1, na may temang “Siisay an Makaliligtas?” Sadolon an gabos na makikabtang sa ministeryo sa aldaw man sanang iyan, na pinoponan an Abril sa marahay na paagi.
20 min: “Itao Niato Gabos an Onra ki Jehova Asin sa Saiyang Aki.” Nakamomotibar na pahayag sono sa Kasuratan nin sarong magurang sa kongregasyon. Enkaminaron an gabos na makikabtang nin lubos sagkod sa mapupuede sa espesyal na aktibidad na plinano para sa Abril asin gumibo nin dagdag na paghihingoa na imbitaran an mga tawo sa Memorial.
15 min: Pag-andam kan Satong mga Pag-atubang kan mga Magasin. Iaalok niato An Torrengbantayan asin Awake! durante kan Abril. Repasohon an pahina 8, parapo 3 asin 10, sa An Satong Ministeryo sa Kahadean na Oktubre 1996. Itampok an (1) sarong artikulo, (2) sarong angay na puntong mapag-oolayan, (3) sarong hapot na nakapupukaw nin interes, asin (4) sarong napapanahon na teksto na puedeng gamiton nin epektibo sa pag-atubang kan kada saro sa bagong mga magasin. Hingoahon na gamiton an brosyur na Kahagadan o an librong Kaaraman sa pagpoon nin mga pag-adal sa Biblia sa mga interesado. Taposon paagi sa sarong inandam na marhay na demonstrasyon kun paano ini magigibo sa enot na pagsongko.
Kanta 207 asin pantapos na pamibi.
Semana nin Abril 2
9 min: Lokal na mga paisi. Pagirumdomon an gabos na itao an report nin paglilingkod sa langtad para sa Marso. Repasohon an “Mga Pagirumdom sa Memorial.”
18 min: “Minomotibar Kita nin Pagkamoot na Maghulit.”a Idoon an mga teksto sa artikulo. Iiba an mga ideya na iinatubang sa Insight, Tomo 2, pahina 673, parapo 1. Imbitaran an sarong parahayag na dakol na taon nang aktibo na isaysay kun paano an pagkamoot sa Dios nagmomotibar sa saiya na magdanay sa gibohon na paghuhulit.
18 min: “Tabangan an Iba na Umatender sa mga Pagtiripon.”b An suplemento kan An Satong Ministeryo sa Kahadean na Hunyo 1996, parapo 14-16, nagtatao nin dugang na mga suhestion sa pagdirehir sa mga inaadalan sa Biblia pasiring sa organisasyon. Ipaheling kun paano puedeng gamiton sa enot na mga pag-adal an brosyur na Kahagadan (leksion 5, parapo 7) sagkod an librong Kaaraman (kapitulo 5, parapo 22) sa pag-enkaminar na umatender sa mga pagtiripon. Tanganing iilustrar ini, magkaigwa nin sarong inandam na marhay na demonstrasyon nin sarong may kakayahan na parahayag na may init na ineenkaminar an sarong inaadalan na pakaisipon nin odok an manongod sa pag-atender sa mga pagtiripon.
Kanta 47 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.