Iskedyul sa Pagtiripon sa Paglilingkod

Semana nin Hunyo 11

Kanta 178

10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na Jehovah’s Witnesses Stand Firm Against Nazi Assault bilang preparasyon para sa pag-orolay sa Pagtiripon sa Paglilingkod sa semana nin Hunyo 25.

15 min: “Magpadagos sa ‘Paggibo nin Karahayan.’” Nakaparirigon sa boot na pahayag sono sa Kasuratan nin sarong magurang sa kongregasyon.

20 min: “Taroson an Puso kan Inaadalan Nindo.”a Iiba an praktikal na mga suhestion sa kun paano tatabangan an mga bagohan na pataluboon an pagtubod asin pagkamoot sa saindang puso para ki Jehova asin ki Jesus. Gamiton an pangenot na mga punto sa Hulyo 15, 1999 Torrengbantayan, pahina 14, parapo 18-​20.

Kanta 184 asin pantapos na pamibi.

Semana nin Hunyo 18

Kanta 194

5 min: Lokal na mga paisi. Report sa kuenta.

10 min: Pagsimbag sa mga Tibaad Habong Makipag-olay. Pakikipag-olay sa mga nagdadangog. Repasohon an “Comments” sa librong Reasoning, pahina 15-​16. Poon sa pahina 16-20, pumili nin nagkapirang pagkontra na natutuparan sa teritoryo nindo. Imbitaran an mga nagdadangog na isaysay kun arin na mga simbag an epektibo para sa sainda asin kun taano.

30 min: “Puede daw Kamong Magpresentar?” Nakaparirigon sa boot na pahayag na sinasaliotan nin mga komento hale sa mga nagdadangog bilang simbag sa inandam na mga hapot sa parapo 13 asin 18-24. Enkaminaron an mga magurang na tabangan an mga aki ninda na pag-isipan an paglilingkod sa Bethel bilang sarong karera. Irekomendar na iribang pag-adalan nin mga pamilya an suplementong ini sa saindang pampamilyang pag-adal.

Kanta 197 asin pantapos na pamibi.

Semana nin Hunyo 25

Kanta 2

15 min: Lokal na mga paisi. Repasohon an alok sa Hulyo asin Agosto. Itampok an duwang brosyur na nasa istak sa lokal. Magkaigwa nin duwang iinandam na marhay na demonstrasyon kun paano iyan iaalok sa ministeryo. Para sa isinuherir na mga pag-atubang, helingon an likod na pahina kan mga luwas kan An Satong Ministeryo sa Kahadean na Hulyo asin Agosto 1995 sagkod 1998.

30 min: “Ako Marigon na Naninindogan! Ako Marigon na Naninindogan! Ako Marigon na Naninindogan!” Pakikipag-olay sa mga nagdadangog manongod sa video na Stand Firm, na ginagamit an mga hapot sa parapo 2. Dangan pag-olayan an parapo 3-4. Taposon paagi sa eksperyensia sa Nobyembre 22, 1999 Awake!, pahina 31. (Pasabot: Sa mga kongregasyon na mayo ni saro kan video na ini, puedeng itao an pahayag na “Kun Magin Abunda an Pagigin Buka an Palad,” basado sa Nobyembre 1, 1999 Torrengbantayan, pahina 20-3.) Rerepasohon niato sa Agosto an video na The New World Society in Action.

Kanta 29 asin pantapos na pamibi.

Semana nin Hulyo 2

Kanta 5

13 min: Lokal na mga paisi. Repasohon an kahon na “May mga Yearbook daw na Mayo sa Libreriya Nindo?” Isaysay an haralipot na eksperyensia hale sa mga Yearbook na 1994, 1995, 1996, o 1997 tangani na ipaheling an kahalagahan kan mga laog kaiyan.

15 min: Mga Hoben​—Magin Madonong sa Pagpili nin Karera Nindo. Ini an enot sa tolong kabtang sa Pagtiripon sa Paglilingkod na rerepasohon an mga prinsipyo sa Kasuratan na konektado sa suplementaryong edukasyon. An nagkapirang Kristianong hoben pinag-aaabot an sekular na mga karera paagi sa mas halangkaw na edukasyon, na igwa nin negatibong epekto sa saindang espirituwalidad. An kabtang na ini pag-orolay nin duwang magurang asin kan saindang tinedyer na aking lalaki o babae. An hoben nasa kamugtakan na nangangaipong gumibo nin seryosong desisyon manongod sa mga pasohan sa ngapit. Minsan ngani an nagkapira tibaad gustong pag-aaboton an pinansial na mga bentaha, prestihio, o mga kaginhawahan sa buhay, sinisiyasat kan pamilya an Biblia tangani na maheling kun ano an irinerekomendar kaiyan. (Helingon an Young People Ask, pahina 174-5; An Torrengbantayan na Agosto 15, 1997, pahina 21, asin Setyembre 1, 1999, pahina 19-​21, parapo 1-3 asin 5-6.) Nag-oyon an hoben na madonong na sundon an sarong dalan nin buhay na makakatabang na marhay sa saiya sa paggibo kan teokratikong mga pasohan tangani na palakopon an intereses kan Kahadean.

17 min: “Magin Listo sa Paghanap nin mga Bungog sa Saindong Teritoryo.”b Kun may makukuang estadistika, sambiton kun pirang bungog an yaon sa teritoryo kan kongregasyon nindo.

Kanta 32 asin pantapos na pamibi.

[Mga Nota sa Ibaba]