Iskedyul sa Pagtiripon sa Paglilingkod
Semana nin Hulyo 9
8 min: Lokal na mga paisi. Piniling Mga Paisi sa An Satong Ministeryo sa Kahadean.
17 min: Report nin Paglilingkod kan Abril. Pahayag asin mga interbio na pangengenotan kan paraataman sa paglilingkod. Itampok an report nin paglilingkod kan Abril para sa lokal na kongregasyon. Interbiohon an laen-laen na parahayag na naggibo nin dagdag na paghihingoa sa ministeryo kan bulan na iyan.—Helingon an suplemento kan Marso 2001 na An Satong Ministeryo sa Kahadean, parapo 28-30.
20 min: “Puede daw Kamong Maglingkod Kun Saen Mas Dakula an Pangangaipo?”a—Helingon an librong Our Ministry, pahina 112-13.
Kanta 42 asin pantapos na pamibi.
Semana nin Hulyo 16
10 min: Lokal na mga paisi. Report sa kuenta.
15 min: Mga Hoben—Kuentahon an Gastos kan Karera Nindo. An sarong ama asin an saiyang tinedyer na aking lalaki o babae madolok sa sarong magurang sa kongregasyon na may praktikal na eksperyensia sa sekular na trabaho. Pakatapos na horophoropon an kabtang sa Pagtiripon sa Paglilingkod kan nakaaging duwang semana manongod sa pagpili nin karera, seryosong pinag-iisipan kan hoben an manongod sa paglaog sa paglilingkod bilang regular payunir alagad ta dai nakasisierto manongod sa kun paano aasikasohon an saiyang materyal na mga pangangaipo. Idinodoon kan magurang sa kongregasyon an pangangaipo na magkaigwa nin timbang na pagmansay. (Setyembre 1, 1999 Torrengbantayan, pahina 11, parapo 13) Madonong na maghingoang kumua nin sarong klase nin pagsasanay tanganing masangkapan sa pagsustento sa sadiri. Dakol an may marahay na nagibo paagi sana sa pag-adal nin pundamental na abilidad na naghahagad nin minimum na paggamit nin panahon asin kuarta. (Pebrero 1, 1996 na Torrengbantayan, pahina 14; Young People Ask, pahina 178) Iriba nindang pinag-oolayan an Marso 8, 1996 na Awake!, pahina 9-11, asin an nagkapirang praktikal na suhestion sa paghanap o pagmukna nin angay na sekular na trabaho.
20 min: Jehovah’s Witnesses—Who Are They? What Do They Believe? Pakikipag-olay sa mga nagdadangog asin demonstrasyon. Siyasaton an brosyur na ini, asin ipakipag-olay kun paano iyan magagamit sa pag-impormar sa iba manongod sa sato asin sa satong gibohon. Ipinamimidbid kaiyan kun siisay kita (pahina 3-5), itinatampok an nagkapira sa satong presenteng panahon na kasaysayan asin mga aktibidad (pahina 6-11), ilinista an mga paniniwala na nagpapamidbid kan kalaenan niato sa ibang mga relihion (pahina 12-14), ipinaliliwanag an maogmang bareta na ihinuhulit niato asin kun paano niato iyan ihinuhulit (pahina 15-21), ipinaheheling kun paano nagtataong pakinabang sa komunidad an satong gibohon (pahina 22-4), itinatao an internasyonal na sakop kan satong organisasyon (pahina 25-6), asin sinisimbag an mga hapot na sa parate ihinahapot manongod sa sato (pahina 27-31). Idemonstrar an sarong parahayag na naggagamit kan brosyur sa pagsimbag kan saro sa mga hapot na nasa pahina 29 na ihinahapot nin sarong kagharong. (Pasabot: Kun mayo kan brosyur na ini sa kongregasyon nindo, gamiton imbes an brosyur na An mga Saksi ni Jehova—Sararong Nag-ootob sa Kabotan nin Dios sa Bilog na Kinaban.)
Kanta 50 asin pantapos na pamibi.
Semana nin Hulyo 23
10 min: Lokal na mga paisi.
15 min: Lokal na mga pangangaipo.
20 min: “Mag-andam Na sa Pag-adal kan Hula ni Isaias!”b Komentohan nin halipot kun paano kita makikinabang sa pag-adal kan libro ni Isaias.—Helingon an kapitulo 1, parapo 10-12, sa Isaiah’s Prophecy I.
Kanta 53 asin pantapos na pamibi.
Semana nin Hulyo 30
10 min: Lokal na mga paisi.
20 min: Mga Hoben—Magin Mapagmansay sa Pagplano kan Edukasyon Nindo. An sarong magurang sa kongregasyon nakikipag-olay sa mga magurang asin sa saindang tinedyer na mga aki manongod sa suplementaryong edukasyon. Pinangengenotan kan magurang sa kongregasyon an pag-orolay sa Setyembre 1, 1999 Torrengbantayan, pahina 16-17, parapo 11-13, na idinodoon an mga rason kun taano an bilog na panahon na ministeryo ta maninigong pangenot sa saindang lista nin mga prioridad. (Disyembre 1, 1996 na Torrengbantayan, pahina 18-19, parapo 13-15) Dangan rinerepaso kan grupo an hatol sa Marso 8, 1998 Awake!, pahina 20-1, na idinodoon an pangangaipo na gumamit nin pakamansay sa pagturotimbang kan mga pakinabang asin kan mga disbentaha nin suplementaryong edukasyon. Gabos minaoyon na sinda maninigong pagiya sa konseho ni Jesus na enoton an intereses kan Kahadean.—Mat. 6:33.
15 min: “Puede Nindong Mapaglabanan an Panluluya nin Boot!” Pahayag nin sarong magurang sa kongregasyon basado sa artikulo sa Torrengbantayan sa luwas na Pebrero 1, 2001, pahina 20-3. Iaplikar an materyal sa lokal tangani na iyan magin praktikal para sa kongregasyon.
Kanta 57 asin pantapos na pamibi.
Semana Poon sa Agosto 6
5 min: Lokal na mga paisi.
20 min: “Tataramon na Itinaram sa Tamang Kapanahonan.” Pahayag na may duwa o tolong demonstrasyon kan isinuherir na mga pag-atubang.
20 min: “Dai Kamo Magduwaduwa!”c Sagkod na itinotogot nin panahon, isaysay an mga eksperyensia hale sa Disyembre 15, 1999 Torrengbantayan, pahina 25.
Kanta 63 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.