Repaso sa Teokratikong Paadalan sa Pagmiministro

Serado-an-librong repaso sa materyal na kaiba sa mga asignasyon sa Teokratikong Paadalan sa Pagmiministro sa mga semana nin Mayo 7 sagkod Agosto 20, 2001. Gumamit nin separadong papel na susuratan kan mga simbag sa pinakadakol na hapot na mahihimo nindo sa itinaong oras.

[Pasabot: Sa oras kan nasusurat na repaso, an Biblia sana an puedeng gamiton sa pagsimbag sa arin man na hapot. An mga reperensia na kasunod kan mga hapot para sa personal nindong pagsiyasat. An numero kan pahina asin parapo tibaad dai lumataw sa gabos na reperensia sa An Torrengbantayan o The Watchtower.]

Simbagon nin Tama o Sala an kada saro sa minasunod na mga pahayag:

1. An pamibi na nasambitan sa Nehemias 2:4 sarong pamibi nin pagkadesesperar, sa ultimo ora. [Semanal na babasahon sa Biblia; helingon an w86-E 2/15 p. 25 par. 8.]

2. An terminong “kongregasyon” trinadusir hale sa termino sa Griego na ek·kle·siʹa, na kaiba sa terminong iyan an mga ideya nin pagkasararo asin pagsuportar kan lambang saro. [w99-BI 5/15 p. 25 par. 4]

3. Minsan ngani naglilikay an mga lingkod ni Jehova sa mga kostumbre na konektado sa kagadanan na kontra sa Tataramon nin Dios, dai ninda hinahaboan an gabos na kostumbre na konektado sa kagadanan. (Juan 19:40) [rs-E p. 102 par. 4]

4. Kan panahon na si Job nabubuhay, sia sana an tawo na fiel ki Jehova. (Job 1:8) [Semanal na babasahon sa Biblia; helingon an w92-E 8/1 p. 31 par. 3-4.]

5. An bagay na sinustentohan ni Saulo, o Pablo, an saiyang sadiri paagi sa paggibo nin mga tolda nagpapaheling na sia hale sa sarong hamak na kamugtakan. (Gibo 18:​2, 3) [w99-BI 5/15 p. 30 par. 2–​p. 31 par. 1]

6. Minsan ngani si David nakakomiter nin magabat na mga kasalan, makakapagsabi si Jehova na sia “nagsunod sa sako sa bilog niang puso” huli sa nagsosolsol na aktitud asin marahay na mga kualidad ni David. (1 Ha. 14:8) [w99-BI 6/15 p. 11 par. 4]

7. Apuera sana kun kita may ipinanuga na bakong sono sa Kasuratan, maninigo na gibohon niato an bilog niatong makakaya na otobon an satong mga panuga dawa kun sa huri madiskobre niato na depisil an paggibo kaiyan. (Sal. 15:4) [Semanal na babasahon sa Biblia; helingon an w89-E 9/15 p. 28 par. 5.]

8. Ipinaririsa kan Salmo 22:1 na sa irarom nin pangigipit si David temporaryong nawaran kan pagtubod nia. [Semanal na babasahon sa Biblia; helingon an w86-E 8/15 p. 20 par. 19.]

9. An sarong Kristiano tibaad “matumba” kun manongod sa mga pagkasudya kan mawot, pagkadesganar, asin legal o pinansial na pagkapierde, alagad sa tabang kan espiritu nin Dios asin kan Saiyang mamomoton na mga parasamba, sia dai biyong “ikaaapon” sa espirituwal na paagi. (Sal. 37:​23, 24) [Semanal na babasahon sa Biblia; helingon an w86-E 11/1 p. 30 par. 14.]

10. Itinotokdo kan Genesis kapitulo 1 na linalang nin Dios an gabos na bagay sa dagang ini sa laog nin anom na aldaw na tig-24 oras. [rs-E p. 126 par. 1]

Simbagon an minasunod na mga hapot:

11. Paano ‘tinawan nin kahulogan’ ni Esdras asin kan mga katabang nia an Ley? (Neh. 8:8) [Semanal na babasahon sa Biblia; helingon an w86-E 2/15 p. 26 par. 4.]

12. Sa ano minagikan “an kagayagayahan ni Jehova”? (Neh. 8:10) [Semanal na babasahon sa Biblia; helingon an w86-E 2/15 p. 26 par. 9.]

13. Taano an mga “nagboluntaryong mag-erok sa Jerusalem” ta binendisyonan? (Neh. 11:2) [Semanal na babasahon sa Biblia; helingon an w86-E 2/15 p. 26 par. 12.]

14. Taano si Ester ta nag-atraso sa pag-impormar sa hade kan saiyang espesipikong intension? (Est. 5:​6-8) [Semanal na babasahon sa Biblia; helingon an w86-E 3/15 p. 24 par. 18.]

15. Anong duwang importanteng hapot an sinisimbag sa libro nin Job? [si-E p. 95 par. 1]

16. Taano an hatol ni Elifaz ta nakapaluya sa boot ni Job asin dai nakaparigon sa boot nia? (Job 21:34; 22:​2, 3) [Semanal na babasahon sa Biblia; helingon an w95-BI 2/15 p. 23 par. 5-6 (w95-E 2/15 p. 27 par. 5-6).]

17. Ano an salmo? [si-E p. 101 par. 2]

18. Anong “daing halagang bagay” an ‘pigpaparagumodgumod’ kan mga nasyon, na isinurat sa Salmo 2:1? [Semanal na babasahon sa Biblia; helingon an w86-E 8/15 p. 20 par. 5.]

19. Anong praktikal na leksion manongod sa dai pagpaorog an manonodan niato sa ministeryo ni Felipe may koneksion sa mga Samaritano asin sa opisyal na Etiope? (Gibo 8:​6-​13, 26-​39) [w99-BI 7/15 p. 25 par. 2]

20. Paano iinilustrar ni Job an saiyang kombiksion na kaya siang buhayon liwat nin Dios hale sa lolobngan, na minansay nia bilang lugar na tagoan sa saiyang mga problema? (Job 14:​7, 13-​15) [Semanal na babasahon sa Biblia; helingon an w00-E 5/15 p. 27 par. 7–​p. 28 par. 1.]

Ibugtak an termino o frase na kaipuhan tanganing makompleto an kada saro sa minasunod na mga pahayag:

21. An Ester 8:​17 nagsasabi na an banwaan “nagsasabing sinda mga Judio”; siring man ngonyan, “․․․․․․․․” nin “ibang karnero” nanindogan kaiba kan ․․․․․․․․ . (Kap. 7:9; Juan 10:16; Zac. 8:23) [Semanal na babasahon sa Biblia; helingon an w86-E 3/15 p. 25 par. 14.]

22. Siring kan sinasabi sa Gibo 1:​7, minsan ngani si Jehova mapagrisang marhay sa ․․․․․․․․ , an saiyang aldaw nin pakipagkuenta madatong na siring sa ․․․․․․․․ , sa panahon na dai iyan linalaoman nin mga tawo. (2 Ped. 3:10) [w99-BI 6/1 p. 5 par. 1-2]

23. Sa 2 Pedro 3:​7, 10, an mga terminong “kalangitan” asin “daga” ginagamit sa ․․․․․․․․ ; arog kan ipinaheheling kan konteksto, an “daga” nanonongod sa ․․․․․․․․ . [rs-E p. 114 par. 2-4]

24. An kapakipakinabang na komunikasyon nagigin posible paagi sa kompiansa, pagtitiwala, asin pagsabot sa kada saro, asin an mga kualidad na ini an ibinubunga kun an pag-agoman minamansay bilang relasyon ․․․․․․․․ asin igwa nin tunay na ․․․․․․․․ na otobon iyan. [w99-BI 7/15 p. 21 par. 3]

25. An positibong impluwensia nin mga kapantay makakatabang sa sato na ․․․․․․․․ an moral asin espirituwal na mga kahagadan asin sa siring makakatabang sa sato na ․․․․․․․․ na maglingkod ki Jehova. [w99-BI 8/1 p. 24 par. 3]

Pilion an tamang simbag sa kada saro sa minasunod na mga pahayag:

26. An ‘pagtukaw ni Mardoqueo sa tata kan hade’ nagpaparisa na sia (an badigard kan hade; saro sa mga opisyal ni Hadeng Assuero; naghahalat na makaolay an hade). (Est. 2:​19, 20) [Semanal na babasahon sa Biblia; helingon an w86-E 3/15 p. 24 par. 9.]

27. Siring kan nasusurat sa Job 19:25-27, ipinahayag ni Job an pagtubod na saiyang ‘maheheling an Dios’ sa bagay na sia (tatawan nin sarong bisyon; bubuhayon liwat pasiring sa langitnon na buhay; mabubuklat an saiyang mga mata nin pakasabot sa katotoohan manongod ki Jehova). [Semanal na babasahon sa Biblia; helingon an w94-BI 11/15 p. 19 par. 17.]

28. Si Job nagigirumdoman na marhay huli sa saiyang (pagkamoot; kabootan; pakatagal). (Sant. 5:11) [si-E p. 100 par. 41]

29. An pagsurat sa libro nin Mga Salmo naglawig nin poko mas o menos (tolong gatos; limang gatos; sangribo) na taon. [si-E p. 101 par. 4]

30. Si (David; Asaf; Esdras) malinaw nanggad na iyo an ultimong nagkompilar kan libro nin Mga Salmo. [si-E p. 102 par. 6]

Ipadis an minasunod na mga teksto sa mga pahayag na nasa ibaba:

Neh. 3:5; Sal. 12:2; 19:7; 2 Tim. 3:​16, 17; Sant. 5:​14-16

31. Maninigo kitang magin andam na gamiton an satong sadiri asin dai magsayuma na may kapalangkawan, na minamansay an pagpapagal na dai bagay sa satong dignidad. [Semanal na babasahon sa Biblia; helingon an w86-E 2/15 p. 25 par. 12, 19.]

32. An sarong Kristiano na napalabot sa magabat na pagkakasala maninigong magtuga kan saiyang kasalan sa kamagurangan. [rs-E p. 83 par. 9]

33. Mantang ginamit nin Dios an pangatorogan tangani na magtao nin mga patanid, instruksion, asin hula sa saiyang banwaan kan nakaaging mga panahon, sia ngonyan nagtatao para sa satong kaligtasan paagi sa saiyang ipinasabong na nasusurat na Tataramon. [rs-E p. 106 par. 2]

34. Kun gusto niatong magin katood nin Dios, kaipuhan kitang magin sadiosan sa panlaog, na mayo nin pagsaginsagin. [Semanal na babasahon sa Biblia; helingon an w89-E 9/15 p. 26 par. 7.]

35. An pagkuyog sa ley nin Dios pinapakosog giraray an kalag nin saro asin pinaooswag an kamugtakan nia. [Semanal na babasahon sa Biblia; helingon an w00-BI 10/1 p. 13 par. 4.]