Mga Paisi

◼ Alok sa Enero asin Pebrero: Puedeng ialok an haloy nang 192 pahinas na mga libro, arog kan Happiness​​—How to Find It, An Katotoohan na Minagiya Pasiring sa Buhay na Daing Sagkod, o True Peace and Security​​—How Can You Find It? Kun mayo kan haloy nang mga libro, puedeng gamiton bilang kasalidang alok magsalang an Mankind’s Search for God o an librong Creation. Marso: Iaalok an librong Kaaraman na may paghihingoang makapoon nin mga pag-adal sa Biblia. Abril asin Mayo: Indibiduwal na mga kopya kan An Torrengbantayan sagkod Awake! Sa mga dinadalaw liwat, an mga parahayag puedeng mag-alok na ihatod an mga magasin nin regular o mag-alok nin suskripsion kun sinda nag-iistar harayo sa sarong kongregasyon. Magdara nin brosyur na Kahagadan tangani na makapoon nin mga pag-adal sa mga interesado.

◼ Maninigong gumibo nin mga areglo an mga kongregasyon sa pagselebrar kan Memorial ngonyan na taon sa Huebes, Marso 28, 2002, pagkasolnop kan saldang. Minsan ngani an pahayag puedeng magpoon nin mas amay, an pagpasa kan mga emblema kan Memorial maninigong dai magpoon sagkod na dai pa nakasolnop an saldang. Dawa ngani mamawoton kan kada kongregasyon na magkaigwa nin sadiri kaiyan na selebrasyon kan Memorial, tibaad ini bako pirmeng posible. Sa mga lugar na nagkapirang kongregasyon an dati nang naggagamit nin sasarong Kingdom Hall, tibaad an saro o labi pang kongregasyon puedeng kumua nin ibang pasilidad na magagamit para sa bangging iyan.

◼ An espesyal na pahayag-publiko para sa panahon kan Memorial sa 2002 itatao sa Domingo, Abril 14, 2002. Iyan may temang “Papagdanayon na Harani sa Isip an ‘Makangingirhat na Aldaw.” May itataong outline para sa mga ispiker sa tamang panahon. An mga kongregasyon na dinadalaw kan paraataman sa sirkito, may pansirkitong asamblea, o espesyal na aldaw nin asamblea sa katapusan kan semanang iyan magkakaigwa kan espesyal na pahayag sa masunod na semana. Mayong kongregasyon na maninigong magkaigwa nin espesyal na pahayag bago Abril 14, 2002.

◼ Mantang an Abril asin Mayo espesyal na mga bulan nin pagmamagasin asin dakol an makikikabtang sa pag-auxiliary payunir sa panahon na iyan, an paraataman sa paglilingkod asin an tugang na nag-aasikaso kan mga magasin maninigong planohon na ngonyan an pagpedido nin dugang na mga magasin na gagamiton kan kongregasyon durante kan mga bulan na iyan. Ipadara tabi an saindong espesyal na mga pedido tangani na umabot iyan sa sangang opisina sa Pebrero 1, 2002. Seseguradohon kaini na mareresibi nindo an dugang na mga magasin kadungan kan saindong regular na pedido.

◼ Makukuang Bagong mga Publikasyon:

Watch Tower Publications Index, 1986-2000​—Ingles

Tract T-72, The Greatest Name​—Ingles

Tract T-73, Who Are Jehovah’s Witnesses?​—Ingles

(Pasabot: An duwang pulyeto na nasa enotan dinisenyo espesyalmente para sa mga Muslim. Igwa kami nin limitadong suplay na puedeng pedidohon.)