Bagong mga Korporasyon na Inorganisar

An Enero 15, 2001 luwas kan An Torrengbantayan nagbareta manongod sa organisadong paagi na an Mga Saksi ni Jehova padagos na nag-aabante sa gibohon na pan-Kahadean sa bilog na daga. Ipinaliwanag man kaiyan kun paano an manlaenlaen na legal na mga ahensia ginagamit bilang mga instrumento tangani na gibohon na pasil an pagpalakop kan maogmang bareta. An siring na mga ahensia o korporasyon kaipuhan tangani na kumuyog sa lokal asin nasyonal na mga ley, na hinahagad kan Tataramon nin Dios. (Roma 13:1) Huli sa pagkalaenlaen asin hiwas kan satong gibohon, inaprobaran kan Namamahalang Grupo an pag-organisar nin dugang pang mga korporasyon na maasikaso sa nagkapirang pangangaipo kan Mga Saksi ni Jehova sa Estados Unidos. An bagong mga korporasyon iyo an minasunod:

Christian Congregation of Jehovah’s Witnesses

Religious Order of Jehovah’s Witnesses

Kingdom Support Services, Inc.

Mapunsionar an mga ini kaiba kan Watch Tower Bible and Tract Society of Pennsylvania asin Watchtower Bible and Tract Society of New York, Inc. Aapresyaron na marhay an kooperasyon nindo sa mga pagliliwat na ini na ginibo kan Namamahalang Grupo sa pag-otob kan asignasyon kaiyan na asikasohon an gabos na rogaring kan Kagurangnan.​​—Mat. 24:45-​47.