Hapot

◼ Angay daw na gamiton nin mga kongregasyon o indibiduwal an mga logo kan legal na mga korporasyon na ginagamit kan Mga Saksi ni Jehova?

An logo sarong ngaran, simbolo, o tatak na dinisenyo bilang malinaw asin madaling midbidan. An logo kan Watch Tower nagrerepresentar sa Watch Tower Bible and Tract Society of Pennsylvania asin sa iba pang korporasyon na ginagamit kan organisasyon. An Christian Congregation of Jehovah’s Witnesses naggagamit nin bukas na Biblia sa letterhead kaiyan. An ibang korporasyon na ginagamit kan Mga Saksi ni Jehova may laen na mga logo.

An mga kongregasyon o indibiduwal dai maninigong maggamit kan mga logo o ngaran kan legal na mga ahensia kan organisasyon, o mga kaagid kaiyan, sa saindang mga Kingdom Hall, karatula, letterhead, personal na mga gamit, asin iba pa. An siring na paggamit kan mga logo kan organisasyon tibaad magin dahelan na an mga opisyal na naglilingkod sa publiko, mga parahayag, asin iba pa maribaraw kun baga may legal na koneksion an kongregasyon sa legal na mga ahensia kan organisasyon. Siring man, an mga surat puedeng mamisinterpretar na inaprobaran o ipinadara hale sa pambilog na kinaban na opisina prinsipal o sa sangang opisina.

An logo kan Watch Tower, o kaagid kaiyan, dai maninigong gamiton sa mga proyektong Kingdom Hall sa ngapit dawa kun an Kingdom Hall sadiri nin sarong ahensia kan Watch Tower. Dai man hinahagad sa mga kongregasyon na an Kingdom Hall igwa nin logo na tolos-tolos na bagohon an mga karatula o disenyo, huling an siring na mga pagbabago tibaad may kalabot na dakulang mga pagliliwat asin dakol na panahon, kosog, saka gastos. Minsan siring, maninigong pag-isipan na gumibo nin pagbabago kun iyan sadit man sana asin dai nangangaipo nin kadakol na trabaho. Kun iyan bakong sadit na pagbabago, puedeng gibohon iyan sa nakaiskedyul na paghirahay kan edipisyo o karatula.