“Magtagama”

Sa enot na Kristianong kongregasyon, igwa nin materyal na mga pangangaipo na naghahagad nin atension. Mantang nag-aasenso an balang saro, sia sinasadol na “magtagama” bilang kontribusyon tangani na mapanigoan an mga pangangaipong iyan. (1 Cor. 16:​1-3) Bilang resulta kan saindang pagigin buka an palad, an gabos naggayagaya sa pagtao nin “dakol na pagpahayag nin pasalamat sa Dios.”​—2 Cor. 9:​11, 12.

Ngonyan an pambilog na kinaban na gibohon kan banwaan ni Jehova padagos na naghihiwas, na nagkakaipo nin padakol nang padakol na pinansial na suporta. Tama sana na kita man “magtagama” nin regular tangani na makatabang na mapanigoan an pangangaipo. (2 Cor. 8:​3, 4) An pagtao nin materyal puedeng gibohon sa laen-laen na paagi. (Helingon an Nobyembre 1, 2001 Torrengbantayan, pahina 28-9.) Minamansay niato ini nin tama bilang pribilehio na nagtatao nin tunay na kaogmahan.​​—Gibo 20:35.