Iskedyul sa Pagtiripon sa Paglilingkod

Semana nin Pebrero 11

Kanta 6

12 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na basahon o repasohon an Genesis 6:1 sagkod 9:​19 asin dalanon an video na Noah​​—He Walked With God bilang pag-andam para sa pag-orolay sa Pagtiripon sa Paglilingkod sa semana nin Marso 4.

20 min: “Ihulit nin Lubos an Tataramon nin Dios.”a (Parapo 1-​13) Pamamayohan kan nangengenot na paraataman. Entusiastikong pag-orolay kun ano an satong mawot na gibohon sa Marso, Abril, asin Mayo. Maninigong gamiton nin gabos an kalendaryo na itinao sa suplemento sa pagplano nin praktikal na iskedyul para sa pakikikabtang sa ministeryo sagkod sa mapupuede durante kan Marso. Enkaminaron an gabos na may kakayanan na mag-auxiliary payunir sa bulan na iyan. Kun pinag-oolayan an parapo 7-8, maghagad nin kapahayagan manongod sa mga bendisyon na nakamtan kan mga nagpayunir kan nakaaging panahon nin Memorial. Ipaisi na an mga aplikasyon para sa pag-auxiliary payunir makukua pakatapos kan pagtiripon na ini asin siring man sa miting sa Domingo, Pebrero 17 para sa mga nagpaplanong magpayunir.

13 min: “Kun Ano an Sasabihon Manongod sa mga Magasin.” Hapoton an mga parahayag kun paano an kabtang na ini sa An Satong Ministeryo sa Kahadean nakatabang sa sainda na magin mas andam. Sa duwang halipot na demonstrasyon, ipaheling kun paano iaatubang an Pebrero 15 Torrengbantayan dangan an Pebrero 22 na Awake!

Kanta 49 asin pantapos na pamibi.

Semana nin Pebrero 18

Kanta 95

10 min: Lokal na mga paisi. Report sa kuenta.

15 min: “Taano ta Padagos na Maghulit?”b Taposon paagi sa pag-interbio sa saro o duwang parahayag na nagpapadagos sa paghuhulit sa laog nin dakol nang taon. Ipasaysay sa sainda an saindang mga saboot kun taano sinda ta nagdadanay sa gibohon na ini asin kun paano sinda nakinabang dian.

20 min: “Ihulit nin Lubos an Tataramon nin Dios.”c (Parapo 14-​23) Pamamayohan kan paraataman sa paglilingkod. Sabihon an bilog na iskedyul kan mga pagtiripon bago lumuwas sa paglilingkod sa langtad na plinano para sa Marso. Magkonsentrar sa pagreaktibar kan mga nagin inaktibo asin pagtabang sa mga aki patin inaadalan sa Biblia na makualipikar bilang dai pa bautisadong mga parahayag. Ianunsiar an ngaran kan mga nag-aplay sa pag-auxiliary payunir sa Marso, asin enkaminaron an dakol pa na magtao nin mapagngayongayong paghorophorop na umiba sa sainda.

Kanta 143 asin pantapos na pamibi.

Semana nin Pebrero 25

Kanta 174

10 min: Lokal na mga paisi. Idemonstrar an duwang halipot na pag-atubang kan mga magasin​​—an saro ginagamit an Marso 1 Torrengbantayan asin an saro pa ginagamit an Marso 8 Awake!

35 min: “Iinaaplikar daw Nindo an Saindong Nanodan sa ‘Mga Paratokdo kan Tataramon nin Dios’ na Pandistritong Kombension?” Pakikipag-olay sa mga nagdadangog manongod sa programa kan kombension, na pangengenotan kan namamayo sa Pag-adal sa Torrengbantayan. Pakatapos nin sarong minutong introduksion, magtao nin 10-12 minutos para sa kada programa kan aldaw. Iatubang sa halipot an pangenot na mga punto sa irarom kan kada subtema dangan maghagad nin mga komento sa mga nagdadangog sa (1) kun paano sinda naghingoang iaplikar an pagtotokdo, (2) kun paano sinda nakinabang sa paggibo kaiyan, asin (3) kun ano pa sa pagmate ninda an kaipuhan nindang gibohon. Gumamit nin nakapupukaw nin isip na mga hapot tangani na makaenkaminar nin buhay na pag-orolay.

Kanta 151 asin pantapos na pamibi.

Semana nin Marso 4

Kanta 207

5 min: Lokal na mga paisi.

10 min: Gamiton an Librong Kaaraman sa Pagpoon nin mga Pag-adal. Durante sa Marso boot niatong gumibo nin espesyal na paghihingoa na makapoon nin mga pag-adal sa Biblia. Isaysay sa halipot an eksperyensia sa Agosto 1998 An Satong Ministeryo sa Kahadean, pahina 4, parapo 8. Kun may nakapoon pa sana nin pag-adal sa librong Kaaraman kaiba an bagong pulyeto, na Ano Gusto Nindong Makaaram Pa nin Orog Manongod sa Biblia?, ipaakto sa sainda kun paano ini ginibo.

15 min: “Epekto kan mga Video na Nagpapatotoo.” Pakikipag-olay sa mga nagdadangog. Sagkod ngonyan, narepaso na niato an walo sa satong mga video sa programa kan Pagtiripon sa Paglilingkod. Ipasaysay sa mga parahayag kun anong mga kapangganahan an nakamtan ninda sa pagpadalan kan video sa iba.

15 min: “An Gabos Makakanood sa Noah​​—He Walked With God.” Dumiretso tolos sa pakikipag-olay sa mga nagdadangog manongod sa video na Noah, na ginagamit sana an mga hapot na itinao sa kahon na nasa pahinang ini. Sa Abril rerepasohon niato an video na Young People Ask​​—How Can I Make Real Friends? (Pasabot: Sa mga kongregasyon na mayo kan video na ini, puedeng itao imbes an pahayag na “You Have Value in God’s Eyes,” basado sa Hunyo 8, 1999 Awake!, pahina 11-13.)

Kanta 215 asin pantapos na pamibi.

[Mga Nota sa Ibaba]