Iskedyul sa Pagtiripon sa Paglilingkod
Semana nin Abril 8
13 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na Young People Ask—How Can I Make Real Friends? bilang pag-andam para sa pag-orolay sa Pagtiripon sa Paglilingkod sa semana nin Abril 22. Ginagamit an mga suhestion sa pahina 8, magkaigwa nin duwang suhay na demonstrasyon kun paano iaatubang an Abril 15 Torrengbantayan asin an Abril 22 na Awake!
12 min: Lokal na mga pangangaipo.
20 min: “Gumibo kan Marahay sa Gabos.”a Interbiohon an saro o duwang parahayag na masabi kun paano ninda pinahihiwas an saindang ministeryo.
Kanta 157 asin pantapos na pamibi.
Semana nin Abril 15
10 min: Lokal na mga paisi. Report sa kuenta.
15 min: An mga Payunir Padagos na Nagtatabang sa Iba. An paraataman sa paglilingkod nakikipag-olay sa sarong panel kaiba an sarong paraataman sa Pag-adal sa Libro kan Kongregasyon, sarong payunir, asin sarong parahayag. Rinerepaso kan paraataman sa paglilingkod an programang An mga Payunir Nagtatabang sa Iba na itinao sa Setyembre 1998 An Satong Ministeryo sa Kahadean, pahina 4. Dangan ipinakikipag-olay nia sa kada saro na nasa panel an kabtang kaini sa programa asin kun paano iyan nagseserbi sa katuyohan kaiyan. Ano daw an nagibo na tangani na magin mapanggana iyan? Iniimbitaran kan paraataman sa paglilingkod an gabos na parahayag na paaramon sia kun gusto nindang mag-ako nin tabang sa ministeryo. An mga natabangan kan nakaagi puedeng iiba giraray tangani na mag-ako nin dugang pang tabang sa saro pang kabtang kan ministeryo.
20 min: “An mga Kagayagayahan sa Bilog na Panahon na Paglilingkod.”b Enkaminaron an mga hoben na mag-aplay para sa pag-auxiliary payunir durante kan bakasyon sa eskuelahan.
Kanta 199 asin pantapos na pamibi.
Semana nin Abril 22
10 min: Lokal na mga paisi. Ginagamit an mga suhestion sa pahina 8, ipademonstrar sa ministeryal na lingkod kun paano iaatubang an Mayo 1 Torrengbantayan asin hagadon sa sarong tugang na babae na ipaheling kun paano iaatubang an Mayo 8 Awake!
10 min: Magin Nasa Oras! Sarong pahayag. An mga aktibidad na konektado sa satong pagsamba asin paglilingkod importanteng mga gibo-gibo, na nagkakaipo nin “itinalaan na panahon.” (Ecl. 3:1) An mga pagtiripon kan kongregasyon asin mga pagtiripon bago lumuwas sa paglilingkod sa langtad maninigong magpoon tolos-tolos sa designadong mga oras. Si Jehova nungkang nahuhuri sa pag-otob kan saiyang mga aktibidad. (Hab. 2:3) Kaipuhan daw niatong umoswag sa bagay na ini? Kun minsan, tibaad dai malilikayan kan mga indibiduwal na maatraso. Alagad paagi sa marahay na organisasyon, dai niato kaipuhan na magin ugale na an pagigin huri, na minaabot pagkatapos kan pambukas na awit asin pamibi nin sarong pagtiripon o pakatapos na nagibo na an mga areglo sa paglilingkod sa langtad. Tokaron an praktikal na mga paagi na makultibar an mas marahay na mga ugale na seseguradohon an satong pagigin listo sa gabos na espirituwal na aktibidad.—Helingon an Hunyo 15, 1990 Watchtower, pahina 29.
25 min: “Entusiastikong Reaksion!”c Sa parapo 1, togotan an kongregasyon na magdagdag nin nagkapirang halipot na kapahayagan manongod sa video na Young People Ask—How Can I Make Real Friends? Dangan ponan tolos an pakikipag-olay sa mga nagdadangog kan kada hapot na iinatubang sa parapo 2-7. Sa Hunyo rerepasohon niato an video na Our Whole Association of Brothers. (Pasabot: Sa mga kongregasyon na mayo kan video na ini, puedeng itao imbes kaiyan an pahayag na “Religious Unity in Marriage—Why Important,” basado sa Agosto 8, 1999 Awake!, pahina 18-20.)
Kanta 191 asin pantapos na pamibi.
Semana nin Abril 29
10 min: Lokal na mga paisi. Pagirumdomon an mga parahayag na itao an saindang report nin paglilingkod sa langtad para sa Abril.
15 min: “An Paghuhulit kan Kahadean Nakatatabang na Magligtas nin Buhay!”d Humagad nin mga komento sa mga nagdadangog kun paano aplikado an mga teksto.
20 min: Magsiyasat na Ginagamit an Librong Reasoning. Pakikipag-olay sa mga nagdadangog. Parateng minalataw an mga hapot sa ministeryo manongod sa mga topiko na dai nakalista sa irarom kan “Principal Subjects” (pahina 5-6) sa librong Reasoning. An “Index” (pahina 439-45) kapakipakinabang na marhay sa paghanap nin sono sa Kasuratan na suporta para sa satong mga pagtubod. Imbitaran an mga nagdadangog na hanapon an simbag sa minasunod na mga hapot paagi sa pagheling sa indese sa irarom kan kada nasa italikong termino: Ano an pagmansay nin sarong Kristiano manongod sa nasyonal na anthems asin flags? Taano ta tinotogotan nin Dios an disasters? Paano nindo ikapaliliwanag an pagmansay kan Biblia manongod sa divorce? Taano asin noarin na an mga tugang na babae kun beses kaipuhan na maglaag nin head covering? Ano an ginikanan kan Mother’s Day? Paano niato maaaraman na an 144,000 literal na kabilangan sa Biblia? Ano an kahulogan kan parabola manongod sa rich man and Lazarus? Enkaminaron an gabos na gamiton an librong Reasoning sa ministeryo.
Kanta 28 asin pantapos na pamibi.
Semana nin Mayo 6
5 min: Lokal na mga paisi.
15 min: “Padagos na Makinabang sa An Torrengbantayan Asin Awake!” Pahayag kan paraataman sa paglilingkod na may partisipasyon an mga nagdadangog. Iiba an komento na nasa Paisi sa pahina 7 mapadapit sa regalong suskripsion.
25 min: “Mga Pamilyang Makosog sa Espirituwal—Paano?”e Pakatapos na pag-olayan an artikulo, isaysay an nagkapirang praktikal na eksperyensia hale sa Pebrero 15, 1999 Torrengbantayan, pahina 10-12.
Kanta 17 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.
d Limitaran an introduksion sa dai pang sarong minuto, asin sundan nin hapot-simbagan.
e Limitaran an introduksion sa dai pang sarong minuto, asin sundan nin hapot-simbagan.