Iskedyul sa Pagtiripon sa Paglilingkod
Semana nin Setyembre 9
13 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion na nasa pahina 8, magkaigwa nin duwang demonstrasyon kun paano iaatubang an Setyembre 15 Torrengbantayan asin an Setyembre 22 na Awake!
17 min: “Pagtabang sa Iba na Pamurawayon si Jehova.”a
15 min: Taano ta May Kadaihan nin Pagtubod? Pakikipag-olay sa mga nagdadangog. Parate kitang nakanunupar nin mga tawo na kadikit an pagtubod. (2 Tes. 3:2) Tangani na mapaabotan sinda kan katotoohan, kaipuhan niatong aramon kun taano sinda ta daing pagtubod. Estudyare an apat na dahelan na nasambitan sa librong Reasoning, pahina 129-30 (p. 320-2 sa Tagalog), na puedeng makaolang sa mga tawo sa pagkaigwa nin pagtubod. Imbitaran an mga nagdadangog na magsuherir kun anong pagdolok an puedeng gamiton sa kada kamugtakan.
Kanta 122 asin pantapos na pamibi.
Semana nin Setyembre 16
10 min: Lokal na mga paisi. Report sa kuenta. Iiba an “‘Maigot na mga Parabalangibog kan Kahadean’ na Pandistritong mga Kombension.”
18 min: Ano an Nagibo Niato kan Nakaaging Taon? Pahayag kan paraataman sa paglilingkod. Itao an tampok na mga kabtang kan report kan kongregasyon para sa 2002 na taon nin paglilingkod. Tawan nin komendasyon an gabos huli sa mararahay na bagay na nagibo. Magkonsentrar sa kun ano an nagibo kan kongregasyon sa kabilangan nin mga nag-aatender, sa pagdalaw liwat asin pag-adal sa Biblia, asin sa pag-auxiliary payunir. Magbugtak nin maaabot na mga pasohan para sa maabot na taon.
17 min: An mga Kadepisilan na Inaatubang nin Nagsosolong mga Magurang. Iinterbiohon nin sarong magurang sa kongregasyon an saro o duwang nagsosolong magurang (o an mga bakong Saksi an agom) tangani na maheling kun paano ninda nahihimong patuodon asin giyahan sa espirituwal an saindang mga aki mantang kadungan kaiyan nag-aasikaso sa mga responsibilidad sa pamilya saka nag-aatender man sa mga pagtiripon patin nagluluwas nin regular sa paglilingkod sa langtad. Itampok an nagkapirang suhestion na itinao sa librong Kaogmahan nin Pamilya, pahina 104-10.
Kanta 149 asin pantapos na pamibi.
Semana nin Setyembre 23
10 min: Lokal na mga paisi. Ginagamit an mga suhestion na nasa pahina 8, ipademonstrar sa sarong magurang sa kongregasyon kun paano iaatubang an Oktubre 1 Torrengbantayan asin hagadon sa sarong ministeryal na lingkod na ipaheling kun paano iaatubang an Oktubre 8 Awake!
15 min: Paninindogan Para sa Katotoohan sa Eskuelahan. Interbiohon an saro o duwang hoben na parahayag na nag-eeskuela. Paano ninda inaatubang an mga problema asin pan-aakit na itinatao nin nasyonalistikong mga seremonya, rali, ekstrakurikular na mga isport, asin marompot na gawe-gawe? Iiba an mga komento kun paano sinda nakapagpapatotoo sa eskuelahan.
20 min: “Likayan an Pagmamaigot na Magkamit nin ‘mga Bagay na Daing Kamanungdanan.’”b Pakatapos na tokaron an parapo 4, iiba an mga komento sa suplemento kan Enero 2000 na An Satong Ministeryo sa Kahadean, parapo 30-2. Kaiba kan parapo 6, basahon an parapo 18 sa suplemento kan Enero 2000.
Kanta 105 asin pantapos na pamibi.
Semana nin Setyembre 30
15 min: Lokal na mga paisi. Tokaron an “Nag-aabante an Programa sa Pagtogdok nin mga Kingdom Hall.”
15 min: Taano ta Daing Kaagid an Satong mga Magasin? Tokaron an mga dahelan kun taano ta daing kaagid an mga magasin: (1) Ilinalangkaw kaiyan an ngaran ni Jehova. (2) Ineenkaminar kaiyan an pagtubod ki Jesus. (3) Ibinabalangibog kaiyan an Kahadean nin Dios. (4) Dinadara kaiyan an atension sa Biblia bilang pangultimong autoridad. (5) Ipinaliliwanag kaiyan an kaotoban kan hula sa Biblia. (6) Ipinaliliwanag kaiyan an tunay na kahulogan kan mga pangyayari sa kinaban. (7) Itinotokdo kaiyan kun paano maaatubang an mga problema ngonyan. (8) Pinupukaw kaiyan an interes nin mga tawo hale sa gabos na klase nin pamumuhay. (9) Nagdadanay iyan na neutral sa politika. Mag-atubang nin duwang halipot na demonstrasyon, na an kada saro nagpapaheling kun paano magagamit an saro sa mga puntong ini sa pagpoon nin pakikipag-olay.
15 min: Magpaheling nin Pag-apresyar sa Teokratikong mga Rekurso.”c Pangengenotan nin sarong magurang sa kongregasyon. Sadolon an gabos na limitaran an paghagad nin mga babasahon sa kun ano an talagang kaipuhan. Ipagirumdom sa gabos an pribilehio na magtao nin pinansial na kontribusyon sa pagsustento sa gibohon sa bilog na kinaban.
Kanta 21 asin pantapos na pamibi.
Semana nin Oktubre 7
10 min: Lokal na mga paisi.
10 min: Lokal na mga pangangaipo.
25 min: “Matakot Kamo sa Dios Asin Pamurawayon Sia.” (Kap. 14:7) Pahayag asin pakikipag-olay sa mga nagdadangog na rinerepaso an programa kan pansirkitong asamblea para sa taon na ini. Imbitaran an kongregasyon na magkomento sa pangenot na mga puntong nanodan asin kun paano ninda ikinaaplikar iyan. (Puedeng iasignar nin patienot an mga kabtang.) Itampok an mga kabtang na ini kan programa: (1) “Tabangan an mga Bagohan na Kultibaron an Pagkatakot sa Dios.” Paano niato matatabangan an mga interesado na nag-atender sa Memorial na umoswag asin magin aktibong mga lingkod ni Jehova? (2) “An Pagkatakot ki Jehova Nangangahulogan nin Pagkaongis sa Maraot.” Paano an Talinhaga 6:16-19 nakakatabang sa sato na tumalikod sa mga bagay na ikinaoongis ni Jehova—kapalangkawan, pagputik, materyalistikong mga okupasyon, nakararaot na pag-aling-aling, salang paggamit kan Internet? (3) “Orog Pang Rumani sa mga Namomotan Nindo.” Paano kita pinoprotehiran laban sa kinaban kan pagrani ki Jehova, ki Jesus, sa mga miembro nin pamilya, asin sa iba pa sa kongregasyon? (4) “Matakot ki Jehova, Bakong sa mga Tawo.” Paano an pagkatakot na mapaanggot si Jehova nakatabang sa saindo na mapangganahan an pagkamasusupgon kun naghuhulit, susogon an diosnon na mga prinsipyo sa trabaho o eskuelahan, o paglabanan an pangigipit kan saindong among na magpalta sa mga pagtiripon, asamblea, asin kombension? (5) “Gibohon an Gabos na Bagay sa Ikamumuraway nin Dios.” (Sal. 119:37; Heb. 4:13) Taano an diosnon na pagkatakot ta maninigo na makaolang sa sato sa sobrang pag-inom nin inomon na de alkohol, pagdalan nin pornograpiya, o paggibo nin ibang tinatagong mga kasalan? (6) “Padagos na Maglakaw sa Pagkatakot ki Jehova.” Paano kamo binendisyonan ni Jehova huli sa pagtogot na an saiyang espiritu lubos na humiro sa saindong buhay?—Sal. 31:19; 33:18; 34:9, 17; 145:19.
Kanta 171 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.
c Limitaran an introduksion sa dai pang sarong minuto, asin sundan nin hapot-simbagan.