Iskedyul sa Pagtiripon sa Paglilingkod
Semana nin Disyembre 9
12 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin mga demonstrasyon kun paano iaatubang an Disyembre 15 Torrengbantayan asin an Disyembre 22 na Awake!
15 min: “Ibalangibog an Mensahe kan Kahadean.”a Kun pinag-oolayan an parapo 3, iiba an mga suhestion kun paano mabasa nin direkta sa Biblia kun ihinihiras an maogmang bareta.—km-BI 12/01 p. 1 par. 3.
18 min: Magin Mabunga sa Lambang Marahay na Gibo. Pahayag, na may partisipasyon an mga nagdadangog. Pamamayohan nin sarong magurang sa kongregasyon. Repasohon an kasaysayan asin pag-oswag kan lokal na kongregasyon, kaiba an mga paghihingoa na nagresulta sa pagkaorganisar kan kongregasyon. Patienot na iareglo na magsaysay nin nakaparirigon na mga eksperyensia an nagkapira na presente kan panahon na idto. Pag-olayan an mga posibilidad para sa dugang pang pag-oswag, asin enkaminaron an gabos na suportaran nin maigot an mga aktibidad kan kongregasyon.
Kanta 119 asin pantapos na pamibi.
Semana nin Disyembre 16
10 min: Lokal na mga paisi. Report sa kuenta.
10 min: An mga May Pakarorop Makakasabot. (Dan. 12:3, 10) Sarong demonstrasyon. An sarong interesado naghahapot: “Paano ako makasesegurado na tama an pakasabot nindo sa itinotokdo kan Biblia?” Ipinaliliwanag kan parahayag kun paano gagamiton an topikong paagi kun nagsisiyasat sa Biblia. (w96-BI 5/15 p. 19-20) Ginagamit an saro o duwang halimbawa hale sa librong Reasoning, pahina 112-17 (sa Tagalog, p. 227-32), ipinaheheling nia kun paano niato nasabotan an katuyohan nin Dios para sa daga paagi sa maingat na pag-analisar kan mga teksto sa Kasuratan. Ipinaliliwanag kan parahayag kun paano magagamit an iyo man sanang paagi tangani na masabotan nin tama an iba pang katokdoan sa Biblia asin maalok sia nin pag-adal sa Biblia.
25 min: “Mga Payo nin Pamilya—Papagdanayon an Marahay na Espirituwal na Kaugalean.” Pakatapos nin halipot na introduksion basado sa parapo 1-2, pamayohan an pakikipag-olay sa mga nagdadangog sa parapo 4-13. Kun itinotogot nin panahon, basahon an parapo 7, 8, 11, asin 12. Iiba an interbio sa saro o duwang magurang. Ano an nakatabang sa pamilya ninda na magkaigwa nin marahay na kaugalean sa espirituwal na mga aktibidad? Anong paghihingoa an nagin kalabot digdi? Paano sinda nakinabang? Taposon paagi sa halipot na mga komento sa parapo 14.
Kanta 154 asin pantapos na pamibi.
Semana nin Disyembre 23
10 min: Lokal na mga paisi. Ginagamit an mga suhestion na nasa pahina 8, idemonstrar kun paano iaatubang an Enero 1 Torrengbantayan asin an Enero 8 Awake! Enkaminaron an gabos na dalanon an video na No Blood—Medicine Meets the Challenge bilang pag-andam para sa pag-orolay sa Pagtiripon sa Paglilingkod sa semana nin Enero 6.
15 min: Lokal na mga pangangaipo.
20 min: “Nakakokontribwir daw Kamo sa Tamang Report?”b Kun pinag-oolayan an parapo 2, iiba an mga komento sa librong Our Ministry, pahina 106-8.
Kanta 165 asin pantapos na pamibi.
Semana nin Disyembre 30
10 min: Lokal na mga paisi. Sambiton an alok sa Enero, na itinatampok an mga libro na nasa istak kan kongregasyon.
15 min: “Bagong Programa nin Pansirkitong Asamblea.” Sarong pahayag. Sadolon an gabos na magin presente sa masunod na pansirkitong asamblea asin magin atento sa programa.
20 min: “Mga Hoben na Namomoot sa Katotoohan.” Sarong pahayag na may partisipasyon an mga nagdadangog basado sa artikulo sa An Torrengbantayan na Oktubre 1, 2002, pahina 9-11. Iaplikar an mga eksperyensia sa situwasyon nin mga hoben sa kongregasyon nindo.
Kanta 147 asin pantapos na pamibi.
Semana nin Enero 6
5 min: Lokal na mga paisi.
23 min: Tabang sa Pagkuyog sa Ley nin Dios Dapit sa Dugo. Pahayag nin sarong kualipikadong magurang sa kongregasyon, basado sa outline na ipinadara kan sangang opisina kaiba an kuenta para sa Oktubre. An sekretaryo maninigo na magkaigwa nin supisyenteng Advance Medical Directive/Release card asin Identity Card. An mga dokumentong ini itatao sa bautisadong mga parahayag pakatapos kan pagtiripon ngonyan, alagad DAI iyan lellenaran ngonyan. An pagpirma, pagtestigo, asin pagpetsa sa kard puedeng gibohon sa masunod na Pag-adal sa Libro kan Kongregasyon, na tatabangan kan paraataman sa pag-adal sa libro kun kaipuhan. An mapirma bilang mga testigo maninigong aktuwal na maheling na pinipirmahan kan indibiduwal an dokumento. Paagi sa pag-adaptar kan lenguahe kan mga dokumentong ini sa sainda mismong mga sirkunstansia asin kombiksion, puedeng sumurat nin sadiri nindang directive an dai pa bautisadong mga parahayag na magagamit ninda asin kan saindang mga aki.
17 min: “Dapat Nindong Dalanon an Video na No Blood—Medicine Meets the Challenge.” Totokaron nin sarong kualipikadong magurang sa kongregasyon. Dumeretso na sa pakikipag-olay sa mga nagdadangog manongod sa video na No Blood, na ginagamit an mga hapot na yaon sa kahon sa pahina 7. Pagkatapos, basahon an huring parapo sa kahon. (Pasabot: Sa mga kongregasyon na mayo kan video na ini, puedeng itao imbes an pahayag na “Body Decoration—The Need for Reasonableness,” basado sa Agosto 8, 2000 na Awake!, pahina 18-19.)
Kanta 79 asin pantapos na pamibi.
[Mga Nota sa Ibaba]
a Limitaran an introduksion sa dai pang sarong minuto, asin sundan nin hapot-simbagan.
b Limitaran an introduksion sa dai pang sarong minuto, asin sundan nin hapot-simbagan.