Iskedyul sa Pagtiripon sa Paglilingkod

Semana nin Abril 14

Kanta 20

15 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano itatampok an Abril 15 Torrengbantayan asin an Abril 22 na Awake! Sa kada pag-atubang, an duwang magasin maninigong ialok na magkapadis, dawa ngani saro sana an itinatampok.

10 min: “Hapot.” Pahayag nin sarong magurang sa kongregasyon.

20 min: “Nagliliwanag Siring sa mga Ilaw.”a Taposon paagi sa limang minutong pahayag basado sa Hunyo 1, 1997 Torrengbantayan, pahina 14-​15, parapo 8-​13. Idoon kun taano ta dai niato hinihilom sa iba an mensahe kan Kahadean.

Kanta 134 asin pantapos na pamibi.

Semana nin Abril 21

Kanta 25

10 min: Lokal na mga paisi. Report sa kuenta.

15 min: Mga Saksi ni Jehova​—Sarong Puersa Para sa Ikararahay sa Komunidad. Pahayag asin pakikipag-olay sa mga nagdadangog. Kun beses igwa kita nin oportunidad na sabihon kun paano nakikinabang an komunidad sa satong ministeryo asin halimbawa. Imbitaran an mga nagdadangog na magkomento sa minasunod na mga punto: (1) Tinotokdoan niato an mga tawo na mamuhay sono sa mga pamantayan nin moralidad sa Biblia. (2) Itinotokdo niato an pagkaonesto asin paggalang sa autoridad. (3) Itinotokdo niato an pagkaoroyon nin mga rasa, nasyonalidad, asin grupo sosyal. (4) Tinatabangan niato an iba na pakarhayon an saindang buhay pampamilya paagi sa pag-enkaminar sa sainda na iaplikar an mga prinsipyo sa Biblia. (5) Natokdoan niato an rinibo kun paano bumasa asin sumurat. (6) Tinatabangan niato an iba sa mga panahon nin kalamidad. (7) Nagin instrumento kita sa pagkamit nin relihiosong mga katalingkasan na nakakamtan nin gabos.​—Helingon an librong Proclaimers, pahina 699.

20 min: “Magtao nin Lugar Dian.”b Iiba an interbio sa saro o duwa na ginagamit nin tama an saindang pagigin daing agom sa pagpalakop kan intereses kan Kahadean. Pakomentohon sinda sa kun ano an nakatatabang sa sainda na makontento sa saindang paglilingkod.

Kanta 35 asin pantapos na pamibi.

Semana nin Abril 28

Kanta 51

10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Abril. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano itatampok an Mayo 1 Torrengbantayan asin an Mayo 8 Awake!

15 min: “Gamiton an Librong Worship God sa Pamamayo nin mga Pag-adal sa Biblia.” Pahayag asin pakikipag-olay sa mga nagdadangog. Ipaliwanag an areglo para sa bagong libro na gagamiton bilang ikaduwang librong pag-aadalan. (km-BI 6/00 p. 4, par. 5-6) Imbitaran an mga nagdadangog na magkomento manongod sa mga kabtang kan publikasyon na inaapresyar ninda. Idoon na an libro naggagamit nin mga hapot asin teksto sa pagpahiro sa inaadalan na mag-isip nin hararom manongod sa Tataramon nin Dios. Itampok an halimbawa na yaon sa pahina 47-9, parapo 13.

20 min: “An mga Pagdalaw Liwat Nagbubunga nin mga Pag-adal sa Biblia.”c Pangengenotan nin sarong magurang sa kongregasyon, na ginagamit an itinaong mga hapot. Imbitaran an mga nagdadangog na iiba an haralipot na eksperyensia sa paglilingkod sa langtad na nagsusuportar sa mga puntong ginamit. Kun pinag-oolayan an parapo 5, isaaksion an eksperyensia sa lokal na teritoryo kun saen nakapoon nin pag-adal sa Biblia.

Kanta 89 asin pantapos na pamibi.

Semana nin Mayo 5

Kanta 120

10 min: Lokal na mga paisi.

20 min: “Pagpanigo sa Pangangaipo nin mga Kingdom Hall.” Pahayag nin sarong magurang sa kongregasyon na tinotokar an pangenot na mga punto sa suplemento. Enkaminaron an gabos na lubos na suportaran an lokal na mga pangangaipo nin Kingdom Hall.

15 min: Marahay na Bareta​​—Sarong Dahelan nin Paggayagaya. (Tal. 15:30) Pakikipag-olay sa mga nagdadangog na ipinaheheling an nahaman kan kongregasyon bilang resulta kan espesyal na paghihingoa durante kan Marso asin Abril. Imbitaran an kongregasyon na isaysay an saindang nakaparirigon sa boot na mga eksperyensia manongod sa mga minasunod: (1) pagtabang sa sarong interesado na umatender sa Memorial, (2) paglilingkod bilang auxiliary payunir, (3) pagparigon sa boot nin inaktibong parahayag na ipadagos an saiyang aktibidad kaiba kan kongregasyon, (4) pagtabang sa sarong bagohan na pumoon nang maghulit, asin (5) pagkultibar kan interes kan mga nag-atender sa Memorial. Iareglo antes pa an nagkapira sa mga komentong ini. Magtao nin komendasyon, asin enkaminaron an gabos na ipadagos an mga paghihingoang ini sa ngapit.

Kanta 126 asin pantapos na pamibi.

[Mga Nota sa Ibaba]