Iskedyul sa Pagtiripon sa Paglilingkod

Semana nin Mayo 12

Kanta 1

10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Mayo 15 Torrengbantayan asin an Mayo 22 na Awake! Iiba an pagsambit sa areglo sa donasyon.

20 min: Mga Magurang​—Tabangan na Umoswag an Saindong mga Aki. Sarong pahayag na nagtotokar kan mga tampok na kabtang hale sa librong Paadalan sa Pagmiministro, pahina 9-​12 asin 21-​38. Enkaminaron an mga magurang na gamiton an nagkapira sa materyales na ini sa saindang pampamilyang pag-adal, na may pasohan na sanayon an saindang mga aki na umoswag sa ministeryo.

15 min: “Pinagkatiwalaan kan Maogmang Bareta.”a Iareglo nin patienot na ipaliwanag sa halipot nin saro o duwang parahayag kun paano ninda nahimong liwaton an saindang personal na mga kamugtakan tanganing madugangan an saindang pakikikabtang sa paghuhulit.

Kanta 46 asin pantapos na pamibi.

Semana nin Mayo 19

Kanta 62

15 min: Lokal na mga paisi. Report sa kuenta. Tokaron an “Internasyonal na Pagtogdok nin Kingdom Hall sa Nagkapirang Nasyon sa Europa.” Sambiton na an pagtogdok nin mga Kingdom Hall sa teritoryo kan lokal na sangang opisina sinusustentohan nin mga donasyon sa Pondo sa Kingdom Hall.

15 min: “Mga Hapot.” Sarong pahayag. Repasohon sa halipot an nagkapirang suhestion para sa mga pag-atubang paagi sa telepono na nagluwas sa Pebrero 2001 An Satong Ministeryo sa Kahadean, pahina 6, parapo 10-13.

15 min: “Omawon si Jehova Paagi sa Paghuhulit nin Impormal.” Pahayag asin pakikipag-olay sa mga nagdadangog. Kun tinotokar an parapo 3, hapoton an mga nagdadangog kun ano an puedeng sabihon tanganing makapoon nin pakikipag-olay sa Biblia sa nagkapira sa minasunod na mga situwasyon: (1) mientras na nakapila sa pagbayad sa kahera, (2) mantang nakasakay sa pampublikong mga sasakyan, (3) sa sarong kataed na may ginigibo sa natad, (4) sa sarong katrabaho sa saindong pinagtatrabawohan, asin (5) sa sarong kaklase sa eskuelahan. Iareglo nin patienot an sarong lokal na eksperyensia na nagpapaheling kun paano an sarong parahayag mapangganang naggibo nin impormal na paghuhulit.

Kanta 135 asin pantapos na pamibi.

Semana nin Mayo 26

Kanta 174

10 min: Lokal na mga paisi. Ginagamit an mga suhestion sa pahina 8, magkaigwa nin duwang magkasuhay na demonstrasyon kun paano iaatubang an Hunyo 1 Torrengbantayan asin an Hunyo 8 Awake!

15 min: Tabangan an Iba na Rumani ki Jehova. Pahayag asin pakikipag-olay sa mga nagdadangog. Iaalok niato an bagong libro ngonyan na Hunyo. Tokaron an pasabot sa mga nagbabasa na nasa pahina 3, asin itampok an nagkapirang kabtang kan libro. An kada saro sa apat na kabtang nagkokonsentrar sa saro sa mga atributo ni Jehova. Igwa nin 17 bilog na pahinang ilustrasyon nin mga eksena sa Biblia. Repasohon an kahon na “Isinuherir na mga Pag-atubang Para sa Rumani ki Jehova,” asin ipademonstrar sa sarong may kakayahan na parahayag an saro sa mga pag-atubang.

20 min: “An Tataramon nin Dios Katotoohan.”b Gamiton an mga hapot na itinao. Kun pinag-oolayan an parapo 4, ipademonstrar sa sarong may kakayahan na parahayag kun paano gagamiton an Biblia sa enot na pagsongko, na ginagamit an nagkapira sa mga suhestion na nagluwas sa artikulong “Gamiton an Tataramon nin Dios sa Tamang Paagi.”​​—km-BI 12/01 p. 1 par. 3-4.

Kanta 188 asin pantapos na pamibi.

Semana nin Hunyo 2

Kanta 210

10 min: Lokal na mga paisi. Repasohon an saro o duwang suhestion hale sa suplemento kan Mayo 2002 na An Satong Ministeryo sa Kahadean para sa pag-atubang kan brosyur na Kahagadan asin librong Kaaraman.

20 min: Kagalanggalang na Pag-agoman​—Sarong Kahagadan nin Dios. Pahayag asin pakikipag-olay sa mga nagdadangog. Sa dakol na nasyon, napagkatodan na nin mga magkailusyon an pagsasaro na mayo nin legal na kasal. Itampok an punto de vista kan Biblia, na idinodoon na an pag-agoman naggikan sa Dios. (rs-E p. 248-9; p. 262-3 sa Tagalog) An pag-ibanan na bakong kasal pakikisaro. (fy-E p. 17) Sarongat sa paniniwala nin dakol, ipinaheheling nin mga pagsiyasat na an pagsasaro bago kasal nakakaina kan posibilidad na magigin mapanggana an pag-agoman. (g02-E 3/8 p. 29; g92-E 9/8 p. 28; g91-E 5/8 p. 28) An mga Kristiano nagtatao nin onra ki Jehova paagi sa pagsunod sa saiyang mga pamantayan. Sa paggibo kaiyan, nakikinabang man sinda.​​—Isa. 48:​17, 18.

15 min: Paano Kamo Nakikinabang? Pakikipag-olay sa mga nagdadangog na pangengenotan kan paraataman sa paadalan. Poon kan Enero, iinintrodusir sa sato an sarong bagong areglo para sa Teokratikong Paadalan sa Pagmiministro. Itampok an positibong mga resulta na naheling sagkod sa presente. Dakol na daw an nagpalista sa paadalan? Igwa daw nin orog na pagigin andam na makikabtang? Paano nakikinabang an mga estudyante sa bagong mga areglo sa pagtao nin konseho? Imbitaran an mga nagdadangog na isaysay kun paano sinda personal na nakinabang sa bagong programa.

Kanta 225 asin pantapos na pamibi.

[Mga Nota sa Ibaba]