Iskedyul sa Pagtiripon sa Paglilingkod

Semana nin Hulyo 14

Kanta 56

10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, magkaigwa nin duwang realistikong demonstrasyon kun paano iaatubang an Hulyo 15 Torrengbantayan asin an Hulyo 22 na Awake! sa teritoryo kan kongregasyon.

15 min: Paano an Pagsamba ki Jehova Nakapayayaman sa Satong Buhay? Pakikipag-olay sa mga nagdadangog. An tunay na pagsamba an liabe sa sarong maogma asin makahulogan na buhay. (1) Tinatabangan kita kaiyan na makaya an mga problema asin kahaditan sa buhay. (Fil. 4:​6, 7) (2) Ineenkaminar kita kaiyan na kultibaron an diosnon na mga kualidad. (2 Ped. 1:​5-8) (3) Tinatabangan kita kaiyan na gamiton an satong panahon asin mga kakayahan sa pinakakapakipakinabang na paagi. (1 Tim. 6:​17-​19) (4) Nagtatao iyan nin seguradong paglaom para sa ngapit. (2 Ped. 3:13) (5) Pinangyayari kaiyan na mapatalubo niato an personal na relasyon ki Jehova. (Sant. 4:8) Ipaheling an kalaenan kun paanong mayo kaini an mga dai nakamimidbid o dai naglilingkod ki Jehova.

20 min: “Pagpasalamat sa Pagkaherak nin Dios.”a Kun pinag-oolayan an parapo 3, mag-alok nin mga suhestion sa pagpoon nin ruta sa magasin, basado sa Oktubre 1998 An Satong Ministeryo sa Kahadean, pahina 8. Hapoton an saro o duwang may kakayahan na parahayag kun anong pagdolok an nanompongan nindang epektibo sa pagpoon nin mga pag-adal sa Biblia. Enkaminaron an gabos na gibohon na pasohan ninda na makapoon asin mamayo nin pag-adal sa Biblia.​​—om-E p. 91.

Kanta 176 asin pantapos na pamibi.

Semana nin Hulyo 21

Kanta 184

10 min: Lokal na mga paisi. Report sa kuenta.

15 min: “Girumdomon an Fiel na mga Mas May Edad.”b Iiba an mga komento na nasa Agosto 1, 1994 Watchtower, pahina 29. Sambiton an probisyon para sa mga maluya an hawak na makareport nin paglilingkod sa langtad na tig-15 minutos an aumento. Iareglo na isaysay nin nagkapira an mga eksperyensia na nagpapaheling kun paano an pakikiiba sa mga siring nagbubunga man nin mga bendisyon.

20 min: Arogon an Saindang Pagkapusoan sa Paghuhulit. Pakikipag-olay sa mga nagdadangog basado sa librong Worship God, pahina 170-1. Imbitaran an mga nagdadangog na simbagon an mga hapot na inatubang sa parapo 7 asin iiba an sitadong mga teksto sa saindang mga komento. Basahon an piniling mga teksto. Itampok an mga leksion na nanodan niato sa mga pagkasaysay na ini asin kun paano kita kaiyan tinatabangan na magkaigwa nin tamang pagmansay sa satong asignasyon na maghulit.

Kanta 201 asin pantapos na pamibi.

Semana nin Hulyo 28

Kanta 45

10 min: Lokal na mga paisi. Pagirumdomon an mga parahayag na itao an mga report nin paglilingkod sa langtad para sa Hulyo. Ginagamit an mga suhestion sa pahina 4, magkaigwa nin duwang magkasuhay na demonstrasyon kun paano iaatubang an Agosto 1 Torrengbantayan asin an Agosto 8 Awake! Sa saro sa mga pag-atubang, ipaheling an parahayag na impormal na naghuhulit.

15 min: Lokal na mga pangangaipo.

20 min: “An Paghuhulit Bilang Grupo Nagtatao nin Kagayagayahan.”c Kun tinotokar an parapo 3, iiba an mga komento sa “Hapot” na nasa pahina 3 kan Setyembre 2001 An Satong Ministeryo sa Kahadean. Interbiohon sa halipot an sarong paraataman sa Pag-adal sa Libro kan Kongregasyon. Hapoton sia manongod sa mga areglo sa paglilingkod sa langtad na ginibo nia para sa saiyang grupo nin pag-adal sa libro asin kun paano nakikinabang an grupo sa iribang paghuhulit.

Kanta 36 asin pantapos na pamibi.

Semana nin Agosto 4

Kanta 178

10 min: Lokal na mga paisi. Sambiton an alok para sa bulan. Idemonstrar an saro o duwang halipot na pag-atubang na puedeng gamiton.

20 min: “Pag-alok nin mga Babasahon sa Teritoryo na Dakol an Lenguahe.”d Gamiton an mga hapot na itinao. Kun pinag-oolayan an parapo 3, ipaheling an sarong simpleng demonstrasyon sa ibang lenguahe na ginagamit sa lokal na teritoryo.​​—km-BI 7/02 p. 1 par. 4.

15 min: An mga Hoben Nag-oomaw ki Jehova! Pahayag na may kaibang pakikipag-olay sa mga nagdadangog asin mga interbio. Naoogma kitang madangog an mga hoben na nagtatao nin inandam na marhay na mga komento sa mga pagtiripon. Nakaoogmang marhay an saindang kahigosan asin pag-oswag sa Teokratikong Paadalan sa Pagmiministro. Ipinaheheling ninda an tunay na pagtubod mantang nagtatao sinda nin marahay na patotoo sa ministeryo. Nagtataong onra ki Jehova an diosnon na paggawe ninda. (yb88-E p. 53-4) An espirituwal na pag-oswag ninda nagbubugtak nin pundasyon para sa mga pribilehio sa ngapit. Interbiohon sa halipot an duwa o tolong hoben na Kristiano na ikinaoogma an regular na pakikikabtang sa mga aktibidad kan kongregasyon. May init na komendaran an mga hoben sa kongregasyon sa saindang marahay na mga paghihingoa na omawon si Jehova.

Kanta 49 asin pantapos na pamibi.

[Mga Nota sa Ibaba]