Iskedyul sa Pagtiripon sa Paglilingkod
Semana nin Marso 8
10 min: Lokal na mga paisi. Piniling Mga Paisi sa An Satong Ministeryo sa Kahadean. Pagirumdomon an gabos na darahon an bagong brosyur na “See the Good Land” sa masunod na semanang Pagtiripon sa Paglilingkod. Ginagamit an mga suhestion sa pahina 4, idemonstrar kun paano iaatubang an Torrengbantayan na Marso 15 asin an Awake! na Marso 22.
15 min: Paggamit nin mga Pulyeto sa Pagpoon nin mga Pakikipag-olay. Pakikipag-olay sa mga nagdadangog. Sa parate an pinakadepisil na kabtang nin pagpatotoo iyo an pagpoon nin pakikipag-olay. Puedeng gamiton an mga pulyeto sa pagpoon nin pakikipag-olay sa paghuhulit sa harong-harong, sa komersial na teritoryo, asin sa pampublikong mga lugar. Repasohon sa halipot an duwa o tolong pulyeto na puedeng makaakit sa mga tawo sa lokal na teritoryo. Anong mga introduksion an puedeng gamiton kun iinaatubang an mga pulyetong ini? Paano puedeng gamiton an mga ilustrasyon? Anong mga hapot an puedeng mataktikang palatawon? Idemonstrar kun paano puedeng ponan an pakikipag-olay na ginagamit an sarong pulyeto. Hagadon sa parahayag na ipakipag-olay sa halipot an sarong parapo sa pulyeto dangan taposon paagi sa pag-alok kan librong Kaaraman.
20 min: “Kamotan Nindo si Jehova, Kamo Gabos na Maimbod.”a Kun pinag-oolayan an parapo 3, pakomentohon an mga nagdadangog kun paano ninda inimbitaran an mga tawo sa selebrasyon kan Memorial.
Kanta 131 asin pantapos na pamibi.
Semana nin Marso 15
10 min: Lokal na mga paisi. Repasohon an pangenot na mga punto sa “Mga Pagirumdom sa Memorial.” Ianunsiar kun noarin gigibohon an Pag-adal sa Torrengbantayan para sa semana kan Memorial.
15 min: Pinakabagong Impormasyon Manongod sa Espesyal na Aktibidad sa Panahon kan Memorial. Pakikipag-olay sa mga nagdadangog na pangengenotan kan paraataman sa paglilingkod. Sambiton an espesyal na mga areglo na nagibo na. Enkaminaron an mga may kakayanan na magpalista bilang auxiliary payunir para sa Abril asin Mayo. Repasohon sa halipot an pirang punto sa suplemento kan An Satong Ministeryo sa Kahadean na Pebrero.
20 min: Makinabang sa “See the Good Land.” An bagong brosyur puedeng gibohon na mas makahulogan an satong pagbasa asin pag-adal sa Tataramon nin Dios. An pinakaliabe iyo an paggamit kan indise kaiyan. Basahon an Isaias 63:1, na naglaladawan ki Jehova na minadatong hale sa Bosra. Imbitaran an gabos na hanapon an palaog sa Bosra (Bozrah) sa indise kan “Good Land.” Ipaliwanag an kahulogan kan “Bozrah 11 G11,” na ginagamit an kahon sa pahina 34, asin hanapon an Bosra asin Edom sa ipinaheheling na mapa. Ginagamit an indise, hanapon an inagihan ni Jesus hale sa Jerusalem pasiring sa Sicar (Sychar). (Juan 4:3-5) Gibohon man iyan sa paghanap kan tangke nin Betzata (Bethzatha). (Juan 5:1-3) Pumili nin saro o duwang dagdag na halimbawa sa semanal na babasahon sa Biblia para sa Teokratikong Paadalan sa Pagmiministro. Itampok sa halipot an nagkapirang mapa na yaon sa brosyur, na tinatawan nin atension an mga peryodong kinobrehan. Ipinaheheling kan mapa sa pahina 18-19 an pinakadakol na lugar sa Biblia. Dagkahon an gabos na gamiton na marhay an “See the Good Land.”
Kanta 63 asin pantapos na pamibi.
Semana nin Marso 22
10 min: Lokal na mga paisi. Report sa kuenta. Pagirumdomon an gabos na subaybayan an nakaiskedyul na babasahon sa Biblia para sa Memorial sa Marso 30–Abril 4, na yaon sa Pagsiyasat sa Kasuratan Aroaldaw—2004 asin sa 2004 Calendar.
15 min: Lokal na mga pangangaipo.
20 min: “Sarong Pagdaguso nin mga Parakabayo na Kalabot Kamo.”b Basahon asin tokaron an sitadong mga teksto sagkod na itinotogot nin oras.
Kanta 181 asin pantapos na pamibi.
Semana nin Marso 29
10 min: Lokal na mga paisi. Ginagamit an mga suhestion sa pahina 4, idemonstrar kun paano iaatubang an Torrengbantayan na Abril 1 asin an Awake! na Abril 8.
15 min: Gamiton na Marhay an 2004 Yearbook. Pahayag asin pakikipag-olay sa mga nagdadangog. Sambiton an mga tampok na kabtang kan “A Letter From the Governing Body,” an pambihirang mga kabilangan sa pambilog na kinaban na report, asin an nagkapirang nakapakokosog sa pagtubod na eksperyensia.
20 min: Pinagsasararo kan Katotoohan an mga Pamilya. Pahayag asin pakikipag-olay sa mga nagdadangog. An mga interesado kun beses napopogolan na maglingkod ki Jehova huli sa pagkontra kan mga kapamilya. Ipasaysay an nagkapira sa minasunod na mga eksperyensia: Enero 1, 2002 na Torrengbantayan, pahina 14-15; Disyembre 1, 2000 na Torrengbantayan, pahina 8; Setyembre 1, 1999 Torrengbantayan, pahina 32; Enero 1, 1999 Torrengbantayan, pahina 4; asin Pebrero 22, 1998 Awake!, pahina 31. Tawan nin pagdodoon na sa parate an buhay pampamilya nagrarahay kun dawa sarong miembro kan pamilya an nag-aaplikar kan mga prinsipyo sa Biblia.
Kanta 130 asin pantapos na pamibi.
Semana nin Abril 5
10 min: Lokal na mga paisi. Iiba an “Sarong Paagi na Makakatabang Sainda.”
20 min: An Kalinigan sa Pisikal Nagrerekomendar sa Sato. Sarong pahayag basado sa Torrengbantayan na Hunyo 1, 2002, pahina 19-21. Iiba an sarong demonstrasyon na ipinaheheling nin sarong magurang sa kongregasyon sa sarong payunir kun paano mataktikang tatabangan an sarong inaadalan sa Biblia na maheling an importansia nin pagpapadanay kan saiyang harong asin natad na malinig, na ginagamit an leksion 9, parapo 5, sa brosyur na Kahagadan.
15 min: Isaysay an mga eksperyensia na nakamtan may koneksion sa selebrasyon kan Memorial asin sa dinugangan na aktibidad nin paglilingkod kan Marso.
Kanta 25 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.