Iskedyul sa Pagtiripon sa Paglilingkod
Semana nin Mayo 10
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion sa pahina 4 sa pagdemonstrar kun paano iaatubang an Torrengbantayan na Mayo 15 asin an Awake! na Mayo 22. Sa kada pag-atubang, idemonstrar an laen na paagi nin ekspertong pagsimbag sa habong makipag-olay na nagsasabing “May relihion na ako.”—Helingon an librong Reasoning, pahina 18-19.
15 min: Pakikipag-olay kan paraataman sa paglilingkod sa mga punto na nasa “Hapot.” Idoon na habo niatong magtao nin impresyon na kita naghahagad sa publiko nin donasyon. Parigonon an boot kan gabos sa kongregasyon na lubos na suportaran an pambilog na kinaban na gibohon paagi sa regular na donasyon.
20 min: ‘Humiwas Kamo.’a Iiba an mga komento na nasa librong Worship God (Tagalog), pahina 150, parapo 14.
Kanta 18 asin pantapos na pamibi.
Semana nin Mayo 17
10 min: Lokal na mga paisi.
15 min: “Ipaheling an Pagkamapagpasalamat Nindo.”b Sagkod na may oras, imbitaran an mga nagdadangog na komentohan an sitadong mga teksto. Kun pinag-oolayan an parapo 3, pakomentohon an saro o duwa na nag-auxiliary payunir kasuarin pa sana manongod sa mga bendisyon na naeksperyensiahan ninda sa paggibo kaiyan.
20 min: May Pagmakolog Kita sa Lambang Saro. (1 Cor. 12:25, 26) Pahayag asin pakikipag-olay sa mga nagdadangog basado sa librong Our Ministry, pahina 157-9, sa subtemang “Concern for One Another.” Minsan ngani an banwaan ni Jehova nag-eerok sa gabos na parte kan daga, kita dayupot na nagkakasararo. Kita gabos maninigong mamibi para sa satong mga tugang aroaldaw. Marikas man kitang nagtatao nin materyal na ayuda kun nagkakaigwa nin apuradong mga pangangaipo. Basahon asin pag-olayan an pangenot na mga teksto, asin iiba an saro o duwang eksperyensia na kinua sa satong mga publikasyon.
Kanta 100 asin pantapos na pamibi.
Semana nin Mayo 24
12 min: Lokal na mga paisi. Report sa kuenta. Idemonstrar kun paano iaatubang an Torrengbantayan na Hunyo 1 asin an Awake! na Hunyo 8. Ibagay an kada pag-atubang na makakaakit sa saro na kabilang sa sarong lokal na relihion.
15 min: “Musika na Nakakarepresko.” Pahayag asin pakikipag-olay sa mga nagdadangog. Iiba an mga komento sa 2002 Yearbook, pahina 175, asin sa Torrengbantayan na Pebrero 1, 1997, pahina 27, parapo 1-2. Darahon an atension sa ultimong ipinapaisi sa Mga Paisi mapadapit sa Kingdom Melodies No. 9 na nasa audiocassette.
18 min: Magin Andam na Magpatotoo nin Impormal. Pahayag asin pakikipag-olay sa mga nagdadangog basado sa An Satong Ministeryo sa Kahadean na Hunyo 2003, pahina 3. Iareglo nin patienot na isaysay nin nagkapira an mga eksperyensia ninda kun naghuhulit nin impormal. Idemonstrar sa halipot kun paano magagamit an pulyeto na Ano Gusto Nindong Makaaram Pa nin Orog Manongod sa Biblia? asin an pulyetong Good News for All Nations kun naghuhulit nin impormal.
Kanta 211 asin pantapos na pamibi.
Semana nin Mayo 31
8 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Mayo.
17 min: Buhay—Sarong Balaog na Dapat na Pakamahalon. Pakikipag-olay sa mga nagdadangog basado sa librong Reasoning, pahina 25-6. Iiba an mga komento na nasa Awake! na Mayo 22, 1993, pahina 10-11. Paano nindo ipapaliwanag an pagmansay ni Jehova manongod sa aborsion sa sarong tawo na naniniwala na an sarong babae igwa nin deretso na magdesisyon sa mga bagay na nakakaapektar sa saiyang hawak? Isaysay an eksperyensia sa Torrengbantayan na Enero 1, 2000, pahina 4, parapo 4-5.
20 min: “Pag-alok kan Makanood sa Dakulang Paratokdo.” Durante kan Hunyo iaalok niato an publikasyon na ini. Itokdo an mga kabtang na ilinadawan sa pahina 7, parapo 1-3, kan libro. Hagadon an komento kan mga nagdadangog kun ano an inaapresyar ninda manongod dian. Repasohon an isinuherir na mga pag-atubang. Idoon kun paano itatampok an mga retrato kun nag-aalok kan libro. Ipademonstrar sa sarong hoben an enot na pag-atubang, asin sa sarong may edad na an saro sa duwa pang pag-atubang.
Kanta 24 asin pantapos na pamibi.
Semana nin Hunyo 7
10 min: Lokal na mga paisi.
15 min: Lokal na mga pangangaipo.
20 min: Gumamit nin Epektibong mga Ilustrasyon sa Pagtotokdo Nindo. Pahayag asin pakikipag-olay sa mga nagdadangog basado sa Torrengbantayan na Setyembre 1, 2002, pahina 22-4. Ano an apat na dahelan na nagpapangyari sa ilustrasyon na magin epektibo? Taano ta may bentaha an pagpapadanay na simple kan mga ilustrasyon? Saen kita makakakua nin epektibong mga ilustrasyon? Siyasaton an nagkapira sa mga halimbawa sa kahon na nasa pahina 23, asin pag-olayan kun ano an nagpapangyari sa kada ilustrasyon na magin epektibo.
Kanta 133 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.