Iskedyul sa Pagtiripon sa Paglilingkod

Semana nin Hulyo 12

Kanta 108

12 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, idemonstrar kun paano iaatubang an Torrengbantayan na Hulyo 15 asin an Awake! na Hulyo 22. Sa sarong pag-atubang, ipaheling an pag-alok nin magasin sa saro na nasa tinampo na daing gayo nakakataram kan lenguahe nindo.

18 min: “Arogon an Hustisya ni Jehova.”a Sagkod na may oras, imbitaran an mga nagdadangog na komentohan an sitadong mga teksto.

15 min: An Biblia​—Sarong Libro nin Masasarigan na mga Hula. Pahayag asin pakikipag-olay sa mga nagdadangog basado sa brosyur na Sarong Libro Para sa Gabos na Tawo, pahina 27-9. Sa satong ministeryo, parate kitang nakakanompong nin mga tawo na interesado sa ngapit. An Biblia nagtatao nin masasarigan na impormasyon manongod sa sarong maogmang ngapit para sa makinuyog na katawohan. Tokaron an nagkapirang hula sa Biblia na nagpapakosog kan kompiansa sa mga hula sa Biblia para sa ngapit. Ipademonstrar nin halipot sa sarong parahayag kun paano magagamit an mga pangyayari sa Biblia sa pagtabang sa sarong interesado na mapatalubo an saiyang kompiansa sa Biblia.

Kanta 16 asin pantapos na pamibi.

Semana nin Hulyo 19

Kanta 83

10 min: Lokal na mga paisi. Tokaron an importansia nin pagpapadanay nin sarong regular na programa nin aroaldaw na pagbasa sa Biblia. Iiba an mga komento na nasa Torrengbantayan na Agosto 15, 2000, pahina 32.

15 min: Lokal na mga pangangaipo.

20 min: “Pagkondukta nin Progresibong mga Pag-adal sa Biblia​​—Kabtang 1.” Pahayag na pangengenotan kan paraataman sa paglilingkod. Pakomentohon an mga nagdadangog manongod sa materyales na nasa librong Proclaimers, pahina 572-4, na ilinaladawan an kasaysayan kan gibohon na pagkondukta nin pag-adal sa Biblia sa presenteng mga panahon. Pakosogon an entusiasmo para sa maabot na serye nin mga artikulo. Kabilang sa mga topiko na totokaron iyo an kun paano mag-aandam para sa pagkondukta kan pag-adal, kun paano tatabangan an inaadalan na mag-andam, kun gurano kadakol an pag-aadalan, kun paano epektibong gagamiton an mga teksto, kun paano sisimbagon an mga hapot kan inaadalan, kun paano iiintrodusir an pamibi, asin kun paano gigiyahan an inaadalan pasiring sa organisasyon. Enganyaron an gabos na iaplikar an itinaong mga suhestion asin isaray an mga artikulong ini tangani na magin reperensia sa ngapit.

Kanta 10 asin pantapos na pamibi.

Semana nin Hulyo 26

Kanta 216

12 min: Lokal na mga paisi. Report sa kuenta. Pagirumdomon an mga parahayag na itao an report nin paglilingkod sa langtad para sa Hulyo. Ginagamit an mga suhestion na nasa pahina 4, idemonstrar kun paano iaatubang an Torrengbantayan na Agosto 1 asin an Awake! na Agosto 8. Sa kada kamugtakan, ipaheling an magkalaen na paagi nin pagsimbag sa habong makipag-olay na nagsasabing “Taano ta parateng marhay kamong nagdadalaw?”​​—Helingon an librong Reasoning, pahina 20.

8 min: “Hapot.” Pangengenotan nin sarong magurang sa kongregasyon. Basahon asin ipaliwanag an bilog na artikulo.

25 min: “Kun Paano Maghuhulit sa Komersial na Teritoryo.”b Sambiton an lokal na mga areglo sa paghuhulit sa komersial na mga teritoryo. Idemonstrar sa halipot an duwang pag-atubang na nasa parapo 4-5 o saro pang pag-atubang na epektibo na sa lokal. Sagkod na may oras, imbitaran an mga nagdadangog na magsaysay nin positibong mga eksperyensia ninda sa paghuhulit sa komersial na teritoryo.

Kanta 173 asin pantapos na pamibi.

Semana nin Agosto 2

Kanta 60

8 min: Lokal na mga paisi.

22 min: Kamo daw Nagtatao nin mga Rason? Pahayag asin pakikipag-olay basado sa librong Paadalan sa Pagmiministro, pahina 254, parapo 1-2. Kun kita nagpapaliwanag asin nag-aaplikar nin mga teksto sa ministeryo sa langtad asin sa plataporma, magigin mas epektibo an satong pagtotokdo kun kita nagtatao nin mga rason sa satong mga sinasabi imbes na basta sana ipahayag iyan. Ginagamit an mga halimbawa hale sa librong Reasoning o iba pang publikasyon na angay para sa lokal na teritoryo, ipaheling kun paano (1) pipilion asin ipapaliwanag an pangenot na mga tataramon sa sarong teksto, (2) iaatubang an nagsusuportar na prueba basado sa konteksto o basado sa saro pang teksto na may labot sa temang iyan, (3) magamit nin ilustrasyon tangani na ipaheling an pagigin rasonable kan sinabi nindo, asin (4) magamit nin mga hapot tangani na tabangan an mga nagdadangog na mangatanosan sa bagay na iyan. Idoon an mga pakinabang sa paggamit nin pamamaagi na nagtatao nin rason.

15 min: Pahayag nin sarong magurang sa kongregasyon basado sa artikulong “Kamo daw Nakapokus sa Balos?” sa isyu kan An Torrengbantayan na Abril 1, 2004, pahina 20-3.

Kanta 32 asin pantapos na pamibi.

[Mga Nota sa Ibaba]