Iskedyul sa Pagtiripon sa Paglilingkod

Semana nin Agosto 9

Kanta 57

10 min: Lokal na mga paisi asin piniling Mga Paisi sa An Satong Ministeryo sa Kahadean. Gamiton an mga suhestion sa pahina 8 tangani na idemonstrar kun paano iaatubang an Torrengbantayan na Agosto 15 asin an Awake! na Agosto 22. Kaibang sambiton an areglo nin donasyon. Pagirumdomon an mga nagdadangog na magdara nin kopya kan brosyur na Kahagadan sa masunod na semana.

15 min: “Binabalosan an Pakatagal.”a Iiba an halipot na mga komento na nasa Torrengbantayan na Disyembre 15, 2000, pahina 22-3, parapo 15-​18.

20 min: Paggamit nin mga Pulyeto sa Pagpoon nin mga Pag-adal sa Biblia. Pahayag asin pakikipag-olay sa mga nagdadangog basado sa An Satong Ministeryo sa Kahadean na Disyembre 2001, pahina 3-4. Idoon na andam kitang makibagay sa mga kamugtakan kan lambang inaadalan, siring kan sabi sa parapo 5. Iiba an saro o duwang halipot na demonstrasyon basado sa parapo 8-10. Imbitaran an mga nagdadangog na magsaysay nin mga eksperyensia ninda sa paggamit kan pulyetong Ano Gusto Nindong Makaaram Pa nin Orog Manongod sa Biblia?

Kanta 74 asin pantapos na pamibi.

Semana nin Agosto 16

Kanta 189

10 min: Lokal na mga paisi.

15 min: Itadom an Katotoohan sa Saindong mga Aki. Pahayag basado sa librong Kaogmahan nin Pamilya, pahina 55-9. Tokaron an apat na paagi na matatabangan nin mga magurang an saindang mga aki na magkaigwa nin haraning personal na relasyon ki Jehova, na naggigibo nin praktikal na aplikasyon sa pinag-oolayan.

20 min: “Pagkondukta nin Progresibong mga Pag-adal sa Biblia​​—Kabtang 2.”b Iiba an sarong limang minutong demonstrasyon. An sarong parahayag naghahapot sa sarong magurang sa kongregasyon kun paano tatabangan na umoswag an sarong inaadalan sa Biblia. Sinambit kan magurang na an sarong komun na problema iyo an paggamit nin dakolon na oras sa pagtokar nin saradit na detalye asin dagdag na mga punto durante kan pag-adal. Ginagamit an leksion 9 kan brosyur na Kahagadan, ipinapaheling nia sa parahayag kun paano (1) makonsentrar sa prinsipal na mga punto na nasa pinag-aadalan, (2) gagamiton nin epektibo an sitadong mga teksto, asin (3) ibabagay an leksion sa mga pangangaipo kan inaadalan. Sinabi nia na kaipuhan an marahay na pag-andam kada makondukta nin pag-adal.

Kanta 85 asin pantapos na pamibi.

Semana nin Agosto 23

Kanta 33

15 min: Lokal na mga paisi. Report sa kuenta. Idemonstrar kun paano iaatubang an Torrengbantayan na Setyembre 1 asin an Awake! na Setyembre 8.

10 min: Pag-alok kan Librong Creation Durante kan Setyembre. Pahayag asin demonstrasyon. Itao an sumaryo kan laog kan libro, asin idoon an nagkapirang espesipikong punto na tibaad makaakit sa mga nasa lokal na teritoryo. Sambiton an sarong simpleng pag-atubang na igwa nin introduksion hale sa librong Reasoning o An Satong Ministeryo sa Kahadean, sarong teksto, asin sarong punto o kapitulo hale sa librong Creation. Ipademonstrar sa sarong may kakayahan na parahayag an pag-atubang.

20 min: “Kontrolado daw kan Saindong mga Kamugtakan an Saindong Buhay?” Pahayag basado sa artikulo kan Torrengbantayan na Hunyo 1, 2004, pahina 20-3.

Kanta 220 asin pantapos na pamibi.

Semana nin Agosto 30

Kanta 90

10 min: Lokal na mga paisi. Pagirumdomon an mga parahayag na itao an mga report nin paglilingkod sa langtad para sa Agosto.

20 min: Nakinabang daw Kamo? Pakikipag-olay sa mga nagdadangog. Repasohon an minasunod na mga suhestion na nagluwas sa An Satong Ministeryo sa Kahadean durante kan nakaaging taon nin paglilingkod: Isurat an saindong introduksion sa kapidasong papel. (km 10/03 p. 8) Magtao nin komendasyon na personal, espesipiko, asin gikan sa puso. (km 11/03 p. 1) Maghulit kun an mga tawo posibleng marhay na nasa harong. (km 12/03 p. 1) Magkaigwa nin depinidong mga oras para sa pagbasa kan Biblia, pag-andam para sa pagtiripon, asin sa ministeryo sa langtad. (km 1/04 p. 4) Gamiton an brosyur na “Good Land” kun nag-aadal nin personal asin nagbabasa kan Biblia. (km 3/04 p. 2) Magbugtak nin pasohan na basahon an bilog na Biblia. (km 4/04 p. 1) Maghulit sa komersial na teritoryo. (km 7/04 p. 4) Gumamit nin mga pulyeto sa pagpoon nin mga pag-adal sa Biblia. (km 8/04 p. 2) Imbitaran an mga nagdadangog na magkomento manongod sa mga pakinabang na inako ninda sa pag-aplikar kan mga suhestion na ini.

15 min: “Inoolang daw kan Neutralidad an Kristianong Pagkamoot?” Pahayag nin sarong magurang sa kongregasyon sa artikulo kan Torrengbantayan na Mayo 1, 2004, pahina 5-7.

Kanta 145 asin pantapos na pamibi.

Semana nin Setyembre 6

Kanta 197

5 min: Lokal na mga paisi.

15 min: Lokal na mga pangangaipo.

25 min: “Ipaheling an Espiritu nin Pagpapayunir.”c Interbiohon sa halipot an saro o duwang payunir. Pakomentohon sinda kun paano nakaenganyar sa sainda an halimbawa nin mga magurang, kamagurangan, o iba pa na magpadagos sa bilog na panahon na ministeryo.

Kanta 142 asin pantapos na pamibi.

[Mga Nota sa Ibaba]