Iskedyul sa Pagtiripon sa Paglilingkod
Semana nin Enero 10
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion sa pahina 8 (kun angay sa saindong teritoryo) tangani na idemonstrar kun paano iaatubang an Torrengbantayan na Enero 15 asin an Awake! na Enero 22. Puedeng gumamit nin ibang realistikong mga pag-atubang. Sa sarong pag-atubang idemonstrar kun paano iaalok an mga magasin sa sarong paryente na bakong Saksi.
15 min: ‘Pinapakakan sa mga Tataramon kan Pagtubod.’a Basahon asin pag-olayan an sitadong mga teksto sagkod na may oras.
20 min: “Probaran an Madaling Ibagay na Pamamaagi.” Pakikipag-olay sa mga nagdadangog sa pahina 6 kan suplemento. Idemonstrar an duwang halimbawa kun paano magagamit an pamamaaging ini sa alok ngonyan na bulan. Sa kada demonstrasyon, ipabasa sa parahayag an sarong teksto na nagtotokar sa ikinakapurisaw na nasambitan kan kagharong.
Kanta 143 asin pantapos na pamibi.
Semana nin Enero 17
10 min: Lokal na mga paisi.
15 min: Mga Hoben—Kamo daw Nag-ooswag sa Espirituwal? Pahayag nin magurang sa kongregasyon basado sa Torrengbantayan na Abril 1, 2003, pahina 8-10. Sambiton an nagkapirang realistiko asin kayang aboton na mga pasohan, asin enkaminaron an mga hoben na magbugtak nin espesipikong espirituwal na mga pasohan para sa saindang sadiri.
20 min: “Pagkondukta nin Progresibong mga Pag-adal sa Biblia—Kabtang 5.”b Iiba an sarong demonstrasyon nin sarong eksperyensiadong parahayag na ipinapakipag-olay sa sarong mas bagohan na parahayag kun paano malilikayan an natatagong mga peligro na nasambitan sa parapo 4-5.
Kanta 78 asin pantapos na pamibi.
Semana nin Enero 24
5 min: Lokal na mga paisi. Report sa kuenta.
15 min: “Kun Paano Kita Nakikinabang sa Teokratikong Paadalan sa Pagmiministro.” Pahayag kan paraataman sa paadalan. Iiba an mga komento sa suplemento kan An Satong Ministeryo sa Kahadean na Oktubre 2004. Iareglo nin patienot an saro o duwa na magkomento kun paano sinda nakikinabang sa paadalan.
25 min: “Kun Paano Gagamiton an Sampol nin mga Pag-atubang.”c Gamiton an itinaong mga hapot. Sambiton na sa pahina 3-5 kan suplemento sa bulan na ini igwa nin mga pag-atubang kan mga publikasyon na itatampok niato. Isaray an suplemento na gagamiton sa bilog na taon. Kasunod kan pag-orolay sa artikulo, tokaron kun paano niato ikakaalok an Rumani ki Jehova durante kan Pebrero. Magdemonstrar nin duwang pag-atubang. Iyan puedeng ibasar sa sampol nin mga pag-atubang na nasa pahina 3 o sa ibang pag-atubang na magigin epektibo sa lokal na teritoryo.
Kanta 200 asin pantapos na pamibi.
Semana nin Enero 31
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Enero. Ginagamit an mga suhestion sa pahina 8 (kun angay sa saindong teritoryo), idemonstrar kun paano iaatubang an arin man sa Torrengbantayan na Pebrero 1 o an Awake! na Pebrero 8. Puedeng gumamit nin ibang realistikong mga pag-atubang.
15 min: Lokal na mga pangangaipo.
20 min: Sinisiyasat daw Nindo an Kasuratan Aroaldaw? Pahayag asin pakikipag-olay sa mga nagdadangog basado sa introduksion kan Pagsiyasat sa Kasuratan Aroaldaw—2005. Tokaron an pangangaipo na an gabos gumamit nin nagkapirang minuto kada aldaw sa pagkonsiderar kan teksto asin mga komento. Iareglo nin patienot an saro o duwa na magkomento manongod sa saindang rutina para sa pagkonsiderar kan teksto asin kun paano sinda nakinabang. Taposon paagi sa halipot na pagtokar kan teksto kan taon para sa 2005.
Kanta 184 asin pantapos na pamibi.
Semana nin Pebrero 7
10 min: Lokal na mga paisi.
15 min: Tabangan an mga Bagohan na Kamotan an Dios Asin an Kapwa. Pahayag basado sa Torrengbantayan na Hulyo 1, 2004, pahina 16, parapo 7-9. Idoon kun paano an lambang miembro kan kongregasyon may kabtang sa pagtabang sa mga bagohan na magin disipulo ni Cristo.
20 min: Dai Isinasayuma ni Jehova an Ano Man na Marahay. (Sal. 84:11) Interbiohon an nagkapirang tugang na lalaki asin babae na nagdanay na maimbod sa mga pagbalo. Anong mga kadepisilan an inatubang ninda? Ano an nakatabang sa sainda na makapanggana? Anong mga kagayagayahan asin bendisyon an naeksperyensiahan ninda?
Kanta 104 asin pantapos na pamibi.
[Mga nota sa ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.