Iskedyul sa Pagtiripon sa Paglilingkod
Semana nin Pebrero 14
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na gamiton an mga hapot na nasa pahina 1 sa pagrepaso kan saindang mga nota bilang preparasyon para sa pakikipag-olay sa mga nagdadangog dapit sa programa kan “Maglakaw sa Kaibanan nin Dios” na Pandistritong Kombension sa masunod na semanang Pagtiripon sa Paglilingkod. Gamiton an mga suhestion na nasa pahina 8 tangani na idemonstrar kun paano iaatubang an Torrengbantayan na Pebrero 15 asin an Awake! na Pebrero 22. Repasohon sa halipot kun paano puedeng ibagay an sampol nin mga pag-atubang sa mga pangangaipo kan lokal na teritoryo.—Helingon An Satong Ministeryo sa Kahadean na Enero 2005, p. 8.
35 min: “An Panahon kan Memorial—Sarong Panahon nin Dinugangan na Aktibidad.”a Pangengenotan kan paraataman sa paglilingkod. Kun pinag-oolayan an parapo 6, iiba an mga komento na nasa Awake! na Setyembre 8, 2004, pahina 12-13. Ianunsiar an mga nagpalista bilang auxiliary payunir. Sabihon an iinareglong dagdag na mga pagtiripon bago lumuwas sa paglilingkod sa langtad. Enkaminaron an gabos na minsan paano dugangan an saindang espirituwal na aktibidad durante kan panahon na ini kan Memorial.
Kanta 14 asin pantapos na pamibi.
Semana nin Pebrero 21
5 min: Lokal na mga paisi.
40 min: “Pinapahiro Kita kan Pandistritong Kombension na Maglakaw sa Kaibanan nin Dios.” Papangenotan nin sarong magurang sa kongregasyon. Kasunod kan introduksion na saro o mayo pang sarong minuto, ipakipag-olay sa mga nagdadangog an dapit sa programa kan kombension na ginagamit an mga hapot na nasa artikulo. Barangaon an oras tanganing matokar nin igo an kada hapot, na tibaad saro sanang simbag an inaako sa nagkapirang hapot. Bakong gabos na sitadong teksto puedeng basahon sa itinaong oras; ini iiniba tangani na magin pasil an paghanap kan mga simbag. An mga komento maninigong nakakonsentrar sa mga pakinabang sa pag-aplikar kan mga nanodan.
Kanta 21 asin pantapos na pamibi.
Semana nin Pebrero 28
15 min: Lokal na mga paisi. Report sa kuenta. Pagirumdomon an mga parahayag na itao an report nin paglilingkod sa langtad para sa Pebrero. Ginagamit an mga suhestion na nasa pahina 8 (kun angay sa saindong teritoryo), idemonstrar kun paano iaatubang an Torrengbantayan na Marso 1 asin an Awake! na Marso 8. Puedeng gumamit nin ibang realistikong mga pag-atubang. Sa pagtatapos kan saro sa mga pag-atubang, ipaheling an parahayag na iniimbitaran sa Memorial an kagharong na ginagamit an tutob sa likod kan Awake! na Marso 8.
20 min: “Pagkondukta nin Progresibong mga Pag-adal sa Biblia—Kabtang 6.”b Iiba an sarong apat na minutong demonstrasyon na dian naghahapot an inaadalan sa Biblia kun taano ta kadikiton sa mga nag-aatender sa Memorial an nakikikabtang sa tinapay asin arak. An nagkokondukta kinomendaran sia sa saiyang hapot, isinurat iyan, asin isinuherir na pag-olayan ninda iyan pagkatapos ninda kan pinag-aadalan para sa semanang iyan. Sa pagtatapos kan pag-adal, an nagkokondukta ipapaheling sa inaadalan sa Biblia an hapot na “Siisay an makikikabtang sa tinapay asin arak?” na nasa pahina 267-8 (p. 241 sa Tagalog) kan librong Reasoning. Magkaiba nindang binasa iyan, asin an inaadalan sa Biblia nagpahayag nin apresasyon sa malinaw na simbag sa hapot na pinalataw nia.
10 min: “Tabangan Sinda na Mag-ako nin Dugang Pang Patotoo.” Repasohon an pangenot na mga punto hale sa artikulo na nasa pahina 6. Enkaminaron an gabos na llenaran tolos-tolos an pormang Please Follow Up (S-43) kun kaipuhan.
Kanta 72 asin pantapos na pamibi.
Semana nin Marso 7
10 min: Lokal na mga paisi. Repasohon an mga punto hale sa “Mga Pagirumdom sa Memorial.”
15 min: Lokal na mga pangangaipo.
20 min: “Itampok an mga Magasin sa Saindong Ministeryo.”c Kun pinag-oolayan an parapo 3 asin 4, iaplikar sa lokal an pinag-aadalan. Interbiohon sa halipot an saro o duwang parahayag na epektibo sa pagpasakamot kan mga magasin sa mga lugar nin negosyo, sa paghuhulit sa tinampo, sa pampublikong mga lugar, o kun naghuhulit nin impormal. Sabihon sa sainda na ipaliwanag kun paano ninda iinaalok an mga magasin sa mga situwasyon na ini. Magkaigwa nin halipot na demonstrasyon nin sarong pag-atubang o sarong pag-akto nin eksperyensia.
Kanta 192 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.