Pag-adal sa Brosyur na Magdanay Kamong Mapagbantay!

Pag-aadalan kan mga kongregasyon sa bilog na daga an brosyur na Magdanay Kamong Mapagbantay! sa Pag-adal sa Libro kan Kongregasyon durante kan mga semana nin Mayo 23 sagkod Hunyo 20, 2005. Gamiton tabi an minasunod na mga hapot kun nag-aandam para sa asin kun pinapangenotan an pagtiripon na ini. Durante kan pag-adal, basahon an imprentadong pag-aadalan, dangan basahon an sitadong mga teksto kun may oras pa.

Semana nin Mayo 23

◼ Pahina 3-4: Arin sa mga situwasyon na nakalista digdi an nangorognang nakakaapektar sa saimong buhay? Ano an nagpaparisa sa saimo na an mga situwasyon na ini bako sanang lokal asin abot-abot na mga pangyayari?

◼ Pahina 5: Ano an nakakakombensir sa saimo na talagang may pagmakolog an Dios? Ano an puedeng magparisa kun gurano an pagmakolog niato manongod sa Dios asin sa kun ano an saiyang ginigibo?

◼ Pahina 6-8: Ano an sinasabi kan Mateo 24:1-8, 14 manongod sa kahulogan kan presenteng mga pangyayari sa kinaban? Siring kan ipinapaheling sa 2 Timoteo 3:1-5, kita nabubuhay na ngonyan sa anong peryodo nin panahon? Huring mga aldaw na ini kan ano? Ano an nakakakombensir sa saimo na an Biblia talagang Tataramon nin Dios? Ano an Kahadean na ihinuhulit niato?

◼ Pahina 9-10: Taano ta maninigo niatong maingat na estudyaran an satong aroaldaw na mga desisyon asin an satong mga prioridad sa buhay? (Roma 2:6; Gal. 6:7) Mantang rinerepaso mo an mga hapot na nasa pahina 10, anong mga teksto an nagigirumdoman mo na maninigong makaimpluwensia sa saimong ginigibo?

Semana nin Mayo 30

◼ Pahina 11: Taano ta maninigo niatong personal na horophoropon an mga hapot na yaon sa pahinang ini? (1 Cor. 10:12; Efe. 6:10-18) Ano an ihinahayag kan satong simbag sa mga hapot na ini kun dapit sa kun gurano niato isinasaboot an hatol ni Jesus sa Mateo 24:44?

◼ Pahina 12-14: Ano an ‘oras kan paghokom’ na nasambitan sa Kapahayagan 14:6, 7? Ano an kahulogan kan ‘pagkatakot sa Dios asin pagpamuraway sa saiya’? Ano an Dakulang Babilonya, asin ano an mangyayari dian? Anong paghiro mapadapit sa Dakulang Babilonya an kaipuhan niatong gibohon ngonyan? Ano pa an kaiba sa ihinulang oras nin paghokom? Ano an epekto sa sato kan dai niato pakaaram kan ‘aldaw ni kan oras’ kan ihinulang paghokom nin Dios? (Mat. 25:13)

◼ Pahina 15: Ano an isyu nin soberaniya, asin paano iyan nakakaapektar sa sato bilang indibiduwal?

◼ Pahina 16-19: Ano an “bagong kalangitan” asin “bagong daga”? (2 Ped. 3:13) Siisay an nanunuga kan mga bagay na ini? Anong mga pagbabago an papangyayarihon kan bagong kalangitan asin bagong daga? Kita daw personal na makikinabang dian?

Semana nin Hunyo 6

◼ Pahina 20-1: Anong patanid manongod sa pagdulag an itinao ni Jesus sa saiyang mga parasunod kan enot na siglo? (Luc. 21:20, 21) Noarin nagin posible kaidto an siring na pagdulag? Taano ta apurado na dumulag na mayo nin pag-atraso? (Mat. 24:16-18, 21) Taano ta dakol na tawo an dai nag-iintindi sa mga patanid? Paano an rinibong tawo sa Tsina asin sa Pilipinas nakinabang sa paghimate sa masasarigan na mga patanid? Taano ta orog pa nganing apurado na himateon an patanid kan Biblia manongod sa katapusan kan presenteng sistema nin mga bagay? Huli sa pagkaapurado nanggad na ini, igwa kita nin anong paninimbagan? (Tal. 24:11, 12)

◼ Pahina 22-3: Sa Australia kan 1974 asin sa Colombia kan 1985, taano ta dakol an nagpalimanliman sana sa mga patanid manongod sa kalamidad, asin may anong mga resulta? Ano sa paghona mo an nagin reaksion mo kutana sa mga patanid na ini, asin taano? Ano an tibaad magparisa kun baga hihimateon nindo an patanid kaidtong kaaldawan ni Noe? Taano an mga tawo kaidto ta gustong mag-istar sa laog asin palibot kan suanoy na Sodoma? Paano kita makikinabang kun pag-iisipan niato nin seryoso an nangyari sa Sodoma?

Semana nin Hunyo 13

◼ Pahina 24-7: Gamiton an “Mga Hapot Para sa Pag-adal” na nasa pahina 27.

Semana nin Hunyo 20

◼ Pahina 28-31: Gamiton an “Mga Hapot Para sa Pag-adal” na nasa pahina 31.

Tatabangan kita kan pag-estudyar niato kan brosyur na “magdanay na mapagbantay” asin patunayan na kita andam. Logod na an satong pampublikong ministeryo pirmeng magpabanaag kan pagkaapurado kan ibinabalangibog kan anghel: “Matakot kamo sa Dios asin pamurawayon sia, huli ta nag-abot na an oras kan saiyang paghokom.”—Mat. 24:42, 44; Kap. 14:7.