Iskedyul sa Pagtiripon sa Paglilingkod
Semana nin Mayo 9
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 8 tangani na idemonstrar kun paano iaatubang an Torrengbantayan na Mayo 15 asin an Awake! na Mayo 22. Sa saro sa mga pag-atubang, idemonstrar an pag-alok kan mga magasin sa impormal na paagi sa pampublikong sasakyan.
15 min: Gamiton an Tataramon nin Dios sa Pagtaros sa Puso. Sarong pahayag basado sa Torrengbantayan na Pebrero 1, 2005, pahina 28-31. Analisaron kun paano ginamit ni Jesus an Kasuratan sa pagtabang ki Pedro. Tokaron kun paano niato masusunod an halimbawa ni Jesus kun kaipuhan na liwaton an kaisipan asin saboot kan satong mga aki, satong mga inaadalan sa Biblia, asin pati niato mismo.
20 min: “Gumibo nin Praktikal na Pampamilyang Iskedyul.” Sa pambukas na pahayag na mayo pang duwang minuto, itampok an halaga nin nakasurat na iskedyul asin tokaron kun paano lellenaran an blangkong iskedyul na nasa pahina 6. Sundan nin hapot-simbagan sa artikulong “Pampamilyang Iskedyul—Mga Pagtiripon kan Kongregasyon.” Imbitaran an mga nagdadangog na magkomento kun paano ninda linilikayan na makaolang sa mga pagtiripon kan kongregasyon an ibang aktibidad. Pag-oolayan sa masunod na mga semana an dagdag pang aspekto kan pampamilyang iskedyul.
Kanta 176 asin pantapos na pamibi.
Semana nin Mayo 16
10 min: Lokal na mga paisi.
15 min: “Pampamilyang Iskedyul—Pampamilyang Paglilingkod sa Langtad.”a Imbitaran an mga nagdadangog na magkomento sa mga pakinabang nin regular na pag-iribanan sa ministeryo bilang pamilya.
20 min: “Pagkondukta nin Progresibong mga Pag-adal sa Biblia—Kabtang 8.”b Iiba an halipot na demonstrasyon nin sarong parahayag na tinatawan an sarong bagong inaadalan sa Biblia kan brosyur na Jehovah’s Witnesses—Who Are They? What Do They Believe? Dinara kan parahayag an atension sa retrato na nasa pahina 20 kan brosyur asin sinabi sa halipot kun ano an Pampublikong Pagtiripon. Sinambit nia an titulo kan masunod na pampublikong pahayag asin inimbitaran an inaadalan sa Biblia na umatender.
Kanta 134 asin pantapos na pamibi.
Semana nin Mayo 23
12 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion na nasa pahina 8, idemonstrar kun paano iaatubang an Torrengbantayan na Hunyo 1 asin an Awake! na Hunyo 8.
18 min: “An Aldaw ni Jehova Harani Na.”c Kun nag-aandam kan kabtang na ini, helingon an librong Daniel’s Prophecy, Kapitulo 4, parapo 28.
15 min: “Pampamilyang Iskedyul—An Pampamilyang Pag-adal.”d Iareglo nin patienot an saro o duwa na magkomento kun paano ninda iiniiskedyul an saindang pampamilyang pag-adal asin kun anong paghihingoa an kaipuhan tangani na magibo iyan nin regular.
Kanta 152 asin pantapos na pamibi.
Semana nin Mayo 30
10 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Mayo. Sambiton an alok sa Hunyo. Idemonstrar kun paano iaatubang an alok, na ginagamit an saro o duwang isinuherir na pag-atubang sa suplemento kan An Satong Ministeryo sa Kahadean na Enero 2005.
20 min: “Pampamilyang Iskedyul—An Pan-aroaldaw na Teksto.”e Imbitaran an mga nagdadangog na magkomento kun paano nakikinabang an saindang pamilya sa iribang pag-orolay kan pan-aroaldaw na teksto asin kun anong iskedyul an nanompongan nindang praktikal na gibohon iyan.
15 min: Isaysay o iakto an mga eksperyensia sa paglilingkod sa langtad durante kan Marso, Abril, asin ngonyan na Mayo. Iareglo nin patienot na magkomento an saro o duwa manongod sa paghihingoa na ginibo ninda tangani na dagdagan an saindang pakikikabtang sa ministeryo durante kan panahon nin Memorial asin an mga bendisyon na nakamtan ninda bilang resulta.
Kanta 115 asin pantapos na pamibi.
Semana nin Hunyo 6
10 min: Lokal na mga paisi.
15 min: Lokal na mga pangangaipo.
20 min: “Magkultibar nin Interes Paagi sa Ruta sa Magasin.”f Kun pinag-oolayan an parapo 3, darahon an atension sa librong Reasoning, pahina 227-32 (p. 88-93 sa Tagalog). An materyales na ini puedeng gamiton sa pag-andam nin sunod-sunod na mga pakikipag-olay na saro sanang teksto an ginagamit manongod sa kun ano an gigibohon kan Kahadean nin Dios. Iiba an sarong demonstrasyon kun paano an sarong parahayag puedeng makipag-olay na saro sanang teksto an ginagamit sa saro niang ruta sa magasin. Maninigong ipaliwanag sa halipot asin iilustrar kan parahayag an aplikasyon kan teksto tangani na matabangan an kagharong na masabotan iyan nin tama asin maheling an halaga kaiyan sa saiyang buhay.
Kanta 107 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.
d Limitaran an introduksion sa mayo pang sarong minuto, asin sundan nin hapot-simbagan.
e Limitaran an introduksion sa mayo pang sarong minuto, asin sundan nin hapot-simbagan.
f Limitaran an introduksion sa mayo pang sarong minuto, asin sundan nin hapot-simbagan.