Sarayon
Suhestion na mga Pag-atubang kan Brosyur
May laen-laen na suhestion sa suplementong ini na makakatabang sa saindo na mag-andam nin mga pag-atubang sa pag-alok nin mga brosyur. Puede ining ibagay sono sa lokal na mga kamugtakan. Puede man na gumamit nin ibang mga pag-atubang. An mga pag-atubang nin mga brosyur na mayo sa suplementong ini puedeng gibohon paagi sa paggamit kan minasunod na mga suhestion bilang modelo.—Helingon An Satong Ministeryo sa Kahadean na Enero 2005, p. 8.
Kabale sa lambang suhestion sa pahinang ini an (1) sarong nakakapukaw nin isip na hapot para sa pagpoon nin pag-oolay, (2) sarong reperensia kun saen makukua an mga puntong mapag-oolayan sa brosyur, asin (3) sarong angay na teksto na puedeng basahon durante kan pag-oolay. Kamo na an magsaliot kan iba pang sasabihon sa pag-atubang sa sadiri nindong tataramon, depende sa simbag kan kaolay nindo.
Ano an Nangyayari sa Sato kun Kita Magadan?
“Kun magadan an mga tawong namomotan niato, natural sanang mag-isip kun haen na daw sinda asin kun baga maheheling pa liwat niato sinda. Napag-isip-isip na daw nindo an mga hapot na arog kaiyan?”—Mga hapot na yaon sa tutob sa likod; Job 14:14, 15.
A Satisfying Life—How to Attain It
“Sa bilog na globo, an mga tawo naghahanap nin mas marahay na buhay. Sa paghona daw nindo posible pang magkaigwa nin totoong nakakakontentong buhay?”—p. 29, par. 6; 2 Ped. 3:13.
Enjoy Life on Earth Forever!
“Dakol na tawo an naghohona na kaipuhan sindang mapasa langit tanganing mabuhay na daing katapusan, alagad iniisip daw nindong mabuhay digdi sa daga sagkod lamang?”—Ilustrasyon sa tutob; Kap. 21:4.
Kun Magadan an Sarong Namomotan
“Nagpapaabot kami ngonyan kan brosyur na ini na nagtao nin karangahan asin paglaom sa minilyon na tawo na nagadanan nin mga namomotan. Napag-isip-isip na daw nindo kun ano an paglaom para sa mga gadan?”—p. 27, par. 3; Juan 5:28, 29.
“Napag-isip-isip na daw nindo kun paano rarangahon an sarong nagadanan nin namomotan?”—p. 20, par. 1; Tal. 17:17.
Sarong Libro Para sa Gabos na Tawo
“Sa paghona daw nindo an Biblia igwa nin sadol na praktikal para sa satong panahon?”—p. 22, kapsion; p. 23, par. 3 kan kahon; Tal. 25:11.
Should You Believe in the Trinity?
“Manlaenlaen an paniniwala nin mga tawo dapit sa kun ano man nanggad an Dios. Sa paghona daw nindo mahalaga kun ano an paniniwala niato?”—p. 3, par. 3, 7-8; Juan 17:3.
The Divine Name That Will Endure Forever
“An kadaklan sa sato nakakaaram kan pamibi na minapoon sa ‘Ama niamo, na yaon ka sa langit. Sasambahon an ngaran mo.’ (Mat. 6:9, Bibliang PBS) Alagad aram daw nindo na an satong kaligtasan konektado sa pakaaram sa ngaran na iyan?”—p. 28, par. 1; Roma 10:13.
The Government That Will Bring Paradise
“Dakol na tawo an naghihimuyawot nin solusyon sa mga problema na inaatubang niato ngonyan. Sa paghona daw nindo magkakaigwa pa nin gobyerno na kayang itao an solusyon na ini?”—p. 3, par. 1; Mat. 6:9, 10.