Mga Brosyur Para sa mga Tawo na an Relihion Bakong Kristiano
Lasting Peace and Happiness—How to Find Them
Kun nagpapatotoo sa sarong estudyanteng Intsik, puede nindong sabihon:
“An naheheling kong komun na ikinakahadit kan mga estudyante iyo na gabos sinda gusto nin katoninongan asin kaogmahan. Sa paghona mo daw mahalaga ini? [Pasimbagon.] Bako daw na marahayon na maheling na naootob an mga tataramon na ini kan suanoy?” Basahon an Salmo 37:11, asin ialok an brosyur.
Our Problems—Who Will Help Us Solve Them?
Sa sarong Hindu na nguhod sa saindo, puede nindong sabihon:
“Daing duda na naniniwala ka sa Dios. Sa paghona mo ano daw an katuyohan nin Dios para sa sato? [Pasimbagon. Dangan basahon an Genesis 1:28.] Sa dakol na lugar, an daga sobra na an populasyon asin dinadamat nin mga problema. Sa paghona mo daw gusto kan Kaglalang na tabangan kitang maresolberan an satong mga problema?” Pasimbagon. Dangan ialok an brosyur.—km 9/99 p. 8.
The Guidance of God—Our Way to Paradise
Kun nakikipag-olay sa sarong Muslim, puede nindong sabihon:
“Naggigibo ako nin espesyal na paghihingoa na makaolay an mga Muslim. Nasasabotan ko na an mga Muslim nagtutubod sa sarong tunay na Dios asin sa gabos na propeta. Tama iyan, bako daw? [Pasimbagon.] Gusto kong makipag-olay sa saindo dapit sa sarong suanoy na hula na nagsasabi na an daga gigibohon na sarong paraiso. Puede daw na basahon ko sa saindo an isinurat kan propeta? [Pasimbagon. Dangan basahon an Isaias 11:6-9.] Ipinapagirumdom sa sako kan hulang ini an sarong kotasyon hale sa Koran na yaon sa brosyur na ini.” Buksan sa pahina 9, asin basahon an kotasyon na nasa mas maitom na letra. Kun magpaheling nin interes, ipadagos an pakikipag-olay paagi sa pagpaliwanag kan parapo 7-9 na nasa ibong na pahina.—km 11/99 p. 8.
“Uya! Ginigibo Kong Bago an Gabos na Bagay”
Puede nindong sabihon sa sarong Budista na matua sa saindo:
“Posible na kapareho ko nahahadit kamo manongod sa presenteng pagdakol nin hababaon na klaseng mga ideya asin sa nagigin epekto kaini sa satong kaakian. Taano daw ta grabe an pagdakol nin inmoralidad na nangyayari sa mga hoben? [Pasimbagon.] Aram daw nindo na ihinula ini sa sarong libro na pinonan na isurat haloy pa bago ipundar an mga relihion na Muslim, Kristiano, asin Hindu? [Basahon an 2 Timoteo 3:1-3.] Mangnohon nindo na an mga kamugtakan na ini nangyayari apisar kan dagos-dagos na pagkua nin kaaraman. [Basahon an bersikulo 7.] Nakatabang sa sako an publikasyon na ini na masabotan an katotoohan na nungkang nanonodan kan kadaklan na tawo. Gusto daw nindong basahon iyan?”—km 8/99 p. 8.
Why Should We Worship God in Love and Truth?
An pag-atubang na ini tibaad makaakit sa sarong Hindu na de pamilya:
“Nagdadalaw ako sa mga tawo na nahahadit manongod sa kamugtakan nin buhay pampamilya sa dakol na nasyon ngonyan. Ano daw sa paghona nindo an makakatabang na mapagdanay na borogkos an pamilya? [Pasimbagon.] An nagkapira nakakaaram kun ano an sinasabi kan kasuratan na Hindu manongod sa pamilya, alagad nungka sindang nagkaoportunidad na ikomparar ini sa sinasabi kan Biblia dapit sa temang iyan. Gusto kong sabihon sa saindo an manongod sa ideyang ini. [Basahon an Colosas 3:12-14.] Sinisiyasat kan brosyur na ini an sagradong mga isinurat sa India asin man an Biblia.” Ialok an brosyur, asin itampok an pahina 8-9 asin 20-1.—km 9/99 p. 8.
Will There Ever Be a World Without War?
Kun nagpapatotoo sa sarong Judio, puede nindong sabihon:
“An kadaklan sa sato nag-agi na sa mamondong eksperyensia na magadanan nin sarong namomotan. Ano daw sa paghona nindo an nangyayari sa sato kun kita magadan?” Pasimbagon. Dangan itampok an kahon na “Death and the Soul—What Are They?” sa pahina 22 kan brosyur. Basahon an parapo 17 sa pahina 23 mapadapit sa pagkabuhay liwat. Sabihon na an patriarkang si Job naglaom sa pagkabuhay liwat. Ialok an brosyur, asin iareglo na bumalik tanganing pag-olayan an mga tekstong sinitar sa poro kan parapo 17.—km 10/99 p. 8.