Mga Suhestion sa Pag-atubang kan What Is the Purpose of Life—How Can You Find It?
Pakapagtaratara sa kagharong, puede nindong sabihon:
“An buhay ngonyan dai nawawaran nin mga problema asin pagkadesganar. Sa paghona daw nindo arog kaini an katuyohan kan buhay? [Pasimbagon.] Ipinapaheling kan brosyur na ini na an orihinal na katuyohan nin Dios para sa katawohan asin sa daga sa ngapit pa maootob. [Ipaliwanag an retrato sa pahina 20-1. Dangan basahon an parapo 9, na itinatampok an Isaias 14:24 asin 46:11.] Sa masunod na pagdigdi ko, gusto kong ipaheling sa saindo kun saen sinasabi kan Biblia na ibabalik nin Dios an Paraiso digdi sa daga.” Ialok an brosyur, asin iareglo na bumalik.
Pagbalik nindo, puede nindong sabihon:
“Nasambitan ko kan nakaagi na katuyohan nin Dios na an mga tawo mabuhay sagkod lamang sa sarong paraisong daga. [Ipaheling giraray an retrato sa pahina 20-1.] Mangnoha na si Jesus, Pedro, asin David nagtaram dapit sa Paraiso.” Ipakua sa saiya an brosyur nia. Dangan buksan sa pahina 21-2, asin pag-olayan an parapo 10-13. Alokon nin pag-adal sa Biblia, o iareglo na pag-olayan an saro sa mga subtema sa pahina 29-30 sa masunod na pagdalaw.
An sarong tinedyer na parahayag puedeng magsabi:
“Dakol na kagubay ko an mayo nin kasegurohan manongod sa ngapit. Sa paghona daw nindo magigin mas marahay an buhay para sa masunod na henerasyon? [Pasimbagon.] An Biblia may sinasabi dapit sa sarong maogmang ngapit para sa bilog na katawohan. [Buksan an ilustrasyon sa pahina 31 kan brosyur, asin basahon an kapsion. Dangan basahon an 2 Pedro 3:13.] An brosyur na ini igwa nin impormasyon dapit sa mga bendisyon na itinatagama nin Dios para sa katawohan. [Itampok an mga subtema na nasa mas maitom na letra sa pahina 29-30, asin ialok an brosyur.] Gusto kong dumalaw liwat asin sabihon sa saindo an manongod sa panuga nin Dios na taposon an gabos na guerra.” Iareglo na bumalik.
Pagbalik nindo, puede nindong sabihon:
“Kan nakaagi kong pagdalaw, nasambitan ko sa halipot an katuyohan nin Dios na ibalik an sarong daganon na paraiso. [Itokdo giraray an retrato sa pahina 31.] Gusto kong madangog an saindong opinyon dapit sa panuga nin Dios na taposon an gabos na guerra.” Ipakua sa saiya an brosyur nia. Dangan basahon saka pag-olayan an parapo 3-6 sa pahina 29. Iareglo na pag-olayan an parapo 7-8 sa masunod na pagdalaw.
Kun may kapartner na aki, an adulto an puedeng magpamidbid sa saindang duwa asin magsabi:
“Kun puede, gusto ni ________ na ipaheling sa saindo an sarong retrato asin basahon an sarong bersikulo sa Biblia. [Ipapaheling kan aki an retrato asin babasahon an kapsion sa pahina 31 dangan babasahon an Kapahayagan 21:4.] Ipinapaliwanag kan brosyur na ini an gigibohon nin Dios manongod sa mga problema na inaatubang niato ngonyan. [Itampok sa halipot an mga subtema na nasa mas maitom na letra sa pahina 29-30, asin ialok an brosyur.] Pagbalik mi, gusto kong ipaheling sa saindo an sinasabi kan Biblia manongod sa katapusan kan gabos na problema sa salud.”
Pagdalaw nindo liwat, an adulto puedeng magsabi:
“Kan nakaaging pag-oolay niato, nasambitan ko na gusto kong ipaheling sa saindo an sinasabi kan Biblia manongod sa katapusan kan gabos na problema sa salud. Mangnoha an sinasabi digdi.” Ipakua sa saiya an brosyur nia. Dangan pag-olayan an parapo 9-14 sa pahina 29. Alokon nin pag-adal sa Biblia, o iareglo na pag-olayan an parapo 15-17 sa masunod na pagdalaw.