Iskedyul sa Pagtiripon sa Paglilingkod
Semana nin Nobyembre 14
10 min: Lokal na mga paisi. Piniling Mga Paisi sa An Satong Ministeryo sa Kahadean. Gamiton an mga suhestion na nasa pahina 8 (kun angay sa saindong teritoryo) tangani na idemonstrar kun paano iaatubang an Torrengbantayan na Nobyembre 15 asin an Awake! na Nobyembre 22. Puedeng gumamit nin iba pang realistikong mga pag-atubang. Sa kada demonstrasyon, ipaheling an magkalaen na paagi kun paano aatubangon an habong makipag-olay na nagsasabing, “Dai ako interesado sa relihion.”—Helingon an librong Reasoning, p. 16-17.
15 min: Mga Kontribusyon na Nagpapaogma sa Puso nin Dios. Pahayag nin sarong magurang sa kongregasyon basado sa Torrengbantayan na Nobyembre 1, 2005, pahina 26-30.
20 min: “Ipahayag an Kamurawayan ni Jehova.”a Kun pinag-oolayan an parapo 4, imbitaran an mga nagdadangog na magsaysay nin haralipot na eksperyensia na nagpapaheling kun paano an marahay na gawe-gawe puedeng magbukas kan dalan na makapagpatotoo.
Kanta 24 asin pantapos na pamibi.
Semana nin Nobyembre 21
10 min: Lokal na mga paisi.
20 min: Ginigibo si Jehova na Saindong Dios. Pahayag nin sarong magurang sa kongregasyon basado sa Torrengbantayan na Abril 1, 2005, pahina 25-8. Gumibo nin praktikal na pag-aplikar kan mga leksion na makukua niato sa mga halimbawa ni Abraham, David, asin Elias.
15 min: “Magpaheling nin Personal na Interes—Paagi sa Pagigin Mapagmasid.”b Iiba an sarong demonstrasyon nin sarong parahayag na nagmamasid sa sarong bagay na naghahayag kun sa ano interesado an kagharong dangan ibinabagay sono dian an saiyang mga komento.
Kanta 67 asin pantapos na pamibi.
Semana nin Nobyembre 28
12 min: Lokal na mga paisi. Basahon an report sa kuenta asin mga pasasalamat sa donasyon. Pagirumdomon an mga parahayag na itao an report nin paglilingkod sa langtad para sa Nobyembre. Ginagamit an mga suhestion na nasa pahina 8 (kun angay sa saindong teritoryo), idemonstrar kun paano iaatubang an Torrengbantayan na Disyembre 1 asin an Awake! na Disyembre 8. Puedeng gumamit nin iba pang realistikong mga pag-atubang. Sambiton an areglo para sa donasyon.
15 min: Pahayag nin sarong magurang sa kongregasyon na may partisipasyon an mga nagdadangog na kinokobrehan an mga punto sa “Hapot” na nasa pahina 7. Ipahayag an apresasyon sa kongregasyon para sa boluntaryong suporta na itinatao ninda sa paraataman sa sirkito durante kan saiyang mga pagsongko. An magurang sa kongregasyon na may kabtang kaini tibaad boot na repasohon an mga punto hale sa Organisado sa Paggibo kan Kabotan ni Jehova, pahina 46, parapo 2, asin pahina 49, parapo 2, sagkod na may oras.
18 min: Pag-atubang kan Maogmang Bareta sa Disyembre. Pahayag asin pakikipag-olay sa mga nagdadangog. Sa limang minutong pambukas na pahayag, repasohon sa halipot an minasunod na mga punto hale sa “Kun Paano Gagamiton an Sampol nin mga Pag-atubang,” na yaon sa pahina 8 kan An Satong Ministeryo sa Kahadean na Enero 2005: (1) Sa parate magigin mas epektibo kita kun sasabihon niato sa sadiri niatong mga tataramon an mga pag-atubang. (2) Dapat kitang gumamit nin marahay na paghusgar asin ibagay an satong mga pag-atubang oyon sa kun ano an puede sa lokal. (3) Kaipuhan niatong konsideraron an pinaghalean asin kaisipan kan mga tawo sa satong teritoryo. (4) Maninigo na maingat niatong basahon an kapitulo na plano niatong itampok asin hanapon an mga punto na puedeng makapukaw nin interes. (5) Bako sana an mga pamamaagi na itinatao sa sampol nin mga pag-atubang an dapat niatong gamiton. Dangan tokaron kun paano iaaplikar an mga puntong iyan kun iinaatubang an alok sa Disyembre. Puede nindong gamiton an sampol nin mga pag-atubang sa suplemento kan An Satong Ministeryo sa Kahadean na Enero 2005 o iba pang mga pag-atubang na epektibo sa lokal. Idemonstrar an saro o duwang pag-atubang.
Kanta 123 asin pantapos na pamibi.
Semana nin Disyembre 5
10 min: Lokal na mga paisi.
15 min: Lokal na mga pangangaipo.
20 min: “Kun Ano an Nagigibo kan Satong Ministeryo.”c Kun pinag-oolayan an parapo 5, iiba an mga komento sa Torrengbantayan na Pebrero 15, 2004, pahina 32.
Kanta 26 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.