Mga Paisi

◼ Alok sa Nobyembre: Ialok an Makanood sa Dakulang Paratokdo. Kun may mga kagharong na magsabing mayo sinda nin sadit na aki, ialok an librong Kaaraman o an pulyetong Ano Gusto Nindong Makaaram Pa nin Orog Manongod sa Biblia? Disyembre: Puedeng ialok an arin man sa minasunod na mga libro: The Greatest Man Who Ever Lived, The Bible—God’s Word or Man’s?, My Book of Bible Stories, o Puwede Kamong Mabuhay Sagkod Lamang sa Paraiso Digdi sa Daga. Enero: Puedeng ialok an arin man sa haloy nang libro na ipinublikar bago 1991 na nasa istak kan kongregasyon. An mga kongregasyon na mayo nin haloy nang mga libro puedeng iatubang an brosyur na Magdanay Kamong Mapagbantay!, na puedeng pedidohon sa sangang opisina. Pebrero: Itatampok an librong Rumani ki Jehova.

◼ An suplemento sa luwas na ini kan An Satong Ministeryo sa Kahadean iyo an “Iskedyul sa Teokratikong Paadalan sa Pagmiministro Para sa 2006” asin maninigong sarayon bilang reperensia sa bilog na 2006.

◼ An nangengenot na paraataman o an saro na inasignaran nia maninigong siyasaton an kuenta kan kongregasyon sa Disyembre 1 o sa pinakamadaling panahon pakalihis kaiyan. Ipaisi sa kongregasyon kun nagibo na ini.

◼ Siring kan isinuherir sa An Satong Ministeryo sa Kahadean kan nakaaging bulan, pinapagirumdom an kamagurangan na gumamit nin 15 minutos sa huring Pagtiripon sa Paglilingkod bago umatender sa pandistritong kombension tangani na otrohon an hatol na itinao sa suplemento kan An Satong Ministeryo sa Kahadean na Oktubre 2005.

◼ May pagbabago sa mga petsa kan Pandistritong Kombension sa Cabanatuan City. Imbes na Disyembre 9-11, 2005, gigibohon na iyan durante kan mga petsa nin Disyembre 30, 2005 sagkod Enero 1, 2006.

◼ Mangnohon tabi na an adres para sa dadagosan sa Pandistritong Kombension sa Catarman, Northern Samar maninigo na iyo an minasunod: Kingdom Hall, Diversion Road, National Highway, Catarman, 6400 Northern Samar. Ini pagbabago sa ipinublikar sa suplemento kan An Satong Ministeryo sa Kahadean na Oktubre 2005.