Repaso sa Teokratikong Paadalan sa Pagmiministro
An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Pebrero 27, 2006. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Enero 2 sagkod Pebrero 27, 2006. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Sa anong mga paagi kita tinatabangan kan Teokratikong Paadalan sa Pagmiministro na ‘magdolot sa Dios nin atang nin pag-omaw asin magpahayag sa publiko kan saiyang ngaran’? (Heb. 13:15) [be p. 5 par. 3–p. 6 par. 1]
2. Taano ta maninigo kitang maghingoa nin maigot na magbasa nin daing kasalasala? [be p. 83 par. 1-5]
3. Kun kita nakikipag-olay asin nagtotokdo, taano an malinaw na pagtaram ta importanteng marhay? [be p. 86 par. 1-6]
4. Taano ta importante an tamang pronunsiasyon, asin anong nakakakontribwir na mga bagay an dapat konsideraron? [be p. 89 par. 1–p. 90 par. 2 asin kahon]
5. Ano an nagkapirang suhestion na makakatabang sa sato na magin mas suelto sa pakikipag-olay? [be p. 94 par. 4-5 asin kahon]
ASIGNASYON NUM. 1
6. Paano pinapatunayan kan 2 Cronica 36:17-23 an pagkamasasarigan kan hula sa Biblia? [si-E p. 84 par. 35]
7. Anong sunod-sunod na mga pangyayari an nagpagin posible para sa mga Judio na bumalik sa saindang dagang tinuboan kan 537 B.C.E. tanganing itogdok liwat an harong ni Jehova? [si-E p. 85 par. 1-3]
8. Paano an libro nin Esdras nagbibindikar ki Jehova bilang an tunay na Dios asin nagpapatalubo nin kompiansa sa saiya? [si-E p. 87 par. 14, 18]
9. Taano an “ikaduwang polong taon ni Artajerjes na hade” ta importante sa kronolohiya kan Biblia? (Neh. 2:1, 5, 6, 11, 17, 18) [si-E p. 88 par. 2, 5]
10. Paano sarong marahay na halimbawa si Nehemias para sa mga lingkod nin Dios ngonyan? [si-E p. 90 par. 16-17]
SEMANAL NA BABASAHON SA BIBLIA
11. Nagamit pa daw kan nagbalik na mga desterrado an Urim asin an Tummim, na ginagamit kaidto kun kaipuhan an simbag hale ki Jehova? (Esd. 2:61-63)
12. Taano an dakol na Judio sa Babilonya ta nagduduwaduwang dumuman sa Jerusalem kaiba ni Esdras? (Esd. 7:28–8:20)
13. Paano nagibo an pagtogdok liwat kan lanob paagi sa saro sanang kamot? (Neh. 4:17, 18)
14. Mantang an kompidensial na mga surat parateng ibinubugtak sa sarong seradong bag, taano ta nagpadara si Sanbalat nin “bukas na surat” ki Nehemias? (Neh. 6:5)
15. Apuera sa ‘paghanap nin sala’ sa mga Judio na nagbuelta sa dating karatan, arog kan ginibo nia kan enot sa mga prinsipe asin mga mahal na tawo, ano pang ibang pagtatanos an ginibo ni Nehemias? (Neh. 13:25, 28)