Mga Paisi

◼ Alok sa Pebrero: Itatampok an librong Rumani ki Jehova. Marso: Iaalok niato an bagong librong Ano Man Nanggad an Itinotokdo kan Biblia? Abril asin Mayo: Indibiduwal na mga kopya kan An Torrengbantayan asin Awake! Kun nagdadalaw liwat sa mga interesado, magkonsentrar sa pagpasakamot kan bagong librong Ano Man Nanggad an Itinotokdo kan Biblia? An katuyohan iyo na maninigong makapoon nin pag-adal sa Biblia sa librong iyan.

◼ An espesyal na pampublikong pahayag para sa 2006 itatao sa Domingo, Abril 30, 2006. An tema kan pahayag iyo an “An Dios Pa daw an May Kontrol?” May itataong outline. An mga kongregasyon na dinadalaw kan paraataman sa sirkito, may pansirkitong asamblea, o aldaw nin espesyal na asamblea sa katapusan kan semanang iyan magkakaigwa kan espesyal na pahayag sa Mayo 7, 2006. An mga kongregasyon na an pampublikong pagtiripon ginigibo sa ibang aldaw imbes na Domingo puedeng iiskedyul an espesyal na pahayag durante kan peryodo nin Mayo 1 sagkod 6, 2006.

◼ Maninigong repasohon kan sekretaryo asin kan paraataman sa paglilingkod an aktibidad kan gabos na regular payunir sa katapusan kan Pebrero. Kun an siisay man nadedepisilan na makua an kahagadan na oras, maninigong iareglo kan kamagurangan na magtao nin tabang tangani na maabot ninda an taonan na kahagadan na oras pag-abot kan Agosto 31.

◼ Maninigong i-audit an kuenta kan kongregasyon sa Marso 1 o sa pinakamadaling panahon pakalihis kaiyan kan nangengenot na paraataman o kan saro na iinasignar nia.

◼ Sa Domingo, Pebrero 19, 2006, magkakaigwa nin miting kaiba an gabos na nagpaplanong mag-auxiliary payunir durante kan mga bulan nin Marso, Abril, asin Mayo. Papangenotan kan paraataman sa paglilingkod an miting na ini, na sinisierto na igwa nin supisyenteng Application for Auxiliary Pioneer Service na ididistribwir sa gabos na maatender sa miting.

◼ An artikulo sa pahina 6 na may temang “Ikaogma an Satong Pag-adal sa Ano Man Nanggad an Itinotokdo kan Biblia?” pag-oolayan sa Pagtiripon sa Paglilingkod sa semana nin Abril 3. Ingatan tabi an artikulong iyan asin an kaibang iskedyul sa pag-adal.

◼ Makukuang Bagong mga Publikasyon:

Watch Tower Publications Index 2004—Ingles

Ano Man Nanggad an Itinotokdo kan Biblia?, Edisyon na darakula an letra—Cebuano, Iloko, Ingles, Tagalog