Iskedyul sa Pagtiripon sa Paglilingkod
Semana nin Marso 13
10 min: Lokal na mga paisi. Piniling Mga Paisi sa An Satong Ministeryo sa Kahadean. Ginagamit an mga suhestion sa pahina 4, idemonstrar kun paano iaalok an Torrengbantayan na Marso 15 asin an Awake! na Marso. Sa konklusyon kan lambang pag-atubang, iimbitaran kan parahayag an kagharong na umatender sa Memorial, na ginagamit an likod na tutob kan itinatampok na magasin.
15 min: “Tabangan an Iba na Makinabang sa Pantubos.”a Pag-oolayan pa sa kabtang na kasunod kaini kun paano niato magagamit an pahina 206-8 kan librong Itinotokdo kan Biblia kun iniimbitaran an mga tawo sa Memorial.
20 min: An Pamanggihan kan Kagurangnan—Sarong Selebrasyon na Nagtataong Onra sa Dios. Hapot-simbagan basado sa pahina 206-8 kan librong Itinotokdo kan Biblia. Sa introduksion na mayo pang sarong minuto, ipaheling kun paano ikakaintrodusir sa kagharong an tema paagi sa pagbasa kan enot na parapo. Dangan imbitaran an mga nagdadangog na magkomento sa minasunod na mga hapot na dai na ipinapabasa an mga parapo: (par. 2) Kasuarin pinonan ni Jesus an Memorial kan saiyang kagadanan? (par. 3) Gurano kaparate maninigong selebraron an Pamanggihan kan Kagurangnan? (par. 4) Paano ilinaladawan kan Biblia an selebrasyon nin Memorial? (par. 5) Paano niato naaaraman na dai ni Jesus ginibo na magin literal na laman nia an tinapay asin magin dugo nia an arak? (par. 6) Ano an isinisimbolisar kan tinapay na daing lebadura? (par. 7) Ano an irinerepresentar kan pulang arak? (par. 8) Sairisay sana an maninigong makikabtang sa tinapay asin sa arak? (par. 9) Noarin ginigibo kada taon an Memorial, asin taano ta maninigo kitang umatender? Tokaron an mayor na mga teksto sagkod na may oras. Enkaminaron an gabos na pag-adalan an impormasyon na ini kaiba an mga inaadalan sa Biblia asin sa iba pa na iniimbitaran ninda sa Memorial paagi sa pagbasa kan mga parapo, pag-orolay sa prinsipal na mga punto, asin paggamit nin simpleng mga hapot, arog kan mga itinao sa kabtang na ini.
Kanta 134 asin pantapos na pamibi.
Semana nin Marso 20
10 min: Lokal na mga paisi. Repasohon an prinsipal na mga punto sa kahon na “Mga Pagirumdom sa Memorial.”
23 min: An Katongdan ni Cristo sa Areglo nin Dios. Sarong pahayag basado sa Organisado sa Paggibo kan Kabotan ni Jehova, pahina 10-13. Kun tinotokar an enot na duwang parapo sa irarom kan subtemang “Kun Ano an Katongdan ni Cristo,” gumamit nin tolo o apat na minuto tanganing isuherir asin idemonstrar an mga paagi kun paano gagamiton an imbitasyon sa Memorial. Repasohon an mga suhestion sa An Satong Ministeryo sa Kahadean na Pebrero 2006, pahina 3, parapo 3.
12 min: Napapakosog Paagi sa Pagsiyasat sa Kasuratan Aroaldaw. Pahayag asin pakikipag-olay sa mga nagdadangog basado sa introduksion kan Pagsiyasat sa Kasuratan Aroaldaw—2006. Iareglo an sarong demonstrasyon nin sarong pamilya na nag-oorolay kan teksto asin mga komento ngonyan na aldaw.
Kanta 103 asin pantapos na pamibi.
Semana nin Marso 27
15 min: Lokal na mga paisi. Pagirumdomon an mga parahayag na itao an report sa paglilingkod sa langtad para sa Marso. Basahon an report sa kuenta asin mga pasasalamat sa donasyon. Ginagamit an mga suhestion sa pahina 4, idemonstrar kun paano iaalok an Torrengbantayan na Abril 1 asin an Awake! na Abril. Ipaheling man kun paano gagamiton an imprentadong imbitasyon sa pag-imbitar sa mga interesado na umatender sa Memorial.
10 min: An Dios Pa daw an May Kontrol? Pahayag asin demonstrasyon basado sa tutob sa likod kan Torrengbantayan na Abril 1, 2006. Aprobetsaran an lambang oportunidad na imbitaran an mga tawo na umatender sa espesyal na pampublikong pahayag. Siertohon na imbitaran an gabos na inaadalan sa Biblia siring man an mga miembro kan saiyang pamilya na posibleng dai minaayon sa pag-adal sa Biblia. An gabos na midbid na interesado asin iba pa na nakakaolay niato sa paglilingkod sa langtad maninigong paabotan kan espesyal na imbitasyon na ini. Idemonstrar kun paano gagamiton an Torrengbantayan na Abril 1 kun iniimbitaran an saro na nagin inaktibo o dai na nag-aatender sa mga pagtiripon.
20 min: Lokal na mga eksperyensia. Imbitaran an mga nagdadangog na isaysay an mga eksperyensia ninda sa pag-alok kan Itinotokdo kan Biblia ngonyan na Marso. Itampok an mga pag-adal sa Biblia na naponan. Puedeng iakto an saro o duwang pambihirang eksperyensia.
Kanta 170 asin pantapos na pamibi.
Semana nin Abril 3
15 min: Lokal na mga paisi. Repasohon sa halipot an artikulong “Ikaogma an Satong Pag-adal sa Ano Man Nanggad an Itinotokdo kan Biblia?” na yaon sa pahina 6 kan An Satong Ministeryo sa Kahadean na Pebrero 2006. Darahon an atension sa iskedyul sa pag-adal para sa librong Itinotokdo kan Biblia. Ipaheling man kun paano gagamiton an imprentadong imbitasyon sa pag-imbitar sa mga interesado na umatender sa Memorial.
10 min: Lokal na mga pangangaipo.
20 min: “Tokdoan an mga Mahoyo na Lumakaw sa Dalan nin Dios.”b Iiba an mga komento basado sa Torrengbantayan na Hulyo 1, 2004, pahina 16, parapo 9.
Kanta 93 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.