Repaso sa Teokratikong Paadalan sa Pagmiministro

An minasunod na mga hapot berbal na pag-oolayan sa Teokratikong Paadalan sa Pagmiministro durante kan semana poon Agosto 28, 2006. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Hulyo 3 sagkod Agosto 28, 2006. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]

MGA KUALIDAD SA PAGTARAM

1. Paano kita natatabangan kan bisual na kontak na magin mas marahay na mga paratokdo? (Mat. 19:25, 26; Gibo 14:9, 10) [be p. 124 par. 3–p. 125 par. 3]

2. Taano ta importante an pagigin natural, asin ano an makakatabang sa sato na ipaheling iyan kun nakikikabtang sa ministeryo sa langtad? [be p. 128 par. 1-5 asin kahon]

3. Taano ta maninigo kitang magin interesado sa personal na kalinigan? [be p. 131 par. 1-3]

4. Paano an “kabinian asin toltol na isip” maninigong makaimpluwensia sa satong paggubing asin pag-alinyar? (1 Tim. 2:9) [be p. 131 par. 4–p. 132 par. 1]

5. Anong mga prinsipyo sa Biblia an maninigo niatong iaplikar tangani na masegurado na an personal na itsura niato dai nagpapabanaag nin pagkamoot sa kinaban? [be p. 133 par. 2-3]

ASIGNASYON NUM. 1

6. Ano an kadarudakulaing pakinabang sa pagbasa? [be p. 21 par. 3]

7. Ano an nagdedeterminar kun baga madonong o mangmang an sarong tawo? (Tal. 14:2) [w04 11/15 p. 26 par. 5]

8. Taano an ‘kaaraman ta madali sana sa tawong may pakasabot’? (Tal. 14:6) [w04 11/15 p. 28 par. 4-5]

9. Ano an pag-adal? [be p. 27 par. 3]

10. Paano daw maninigong makaapekto sa sato an paghorophorop sa mga paglalang ni Jehova? [w04 11/15 p. 8 par. 4]

SEMANAL NA BABASAHON SA BIBLIA

11. Kan suanoy na mga panahon, paano ‘nagtaram’ si Jehova na nagresulta sa sarong dakulang hukbo nin “mga babaeng nagsasabi kan maogmang bareta,” asin paano ini aplikado ngonyan? (Sal. 68:11)

12. Ano an haros nagpangyari ki Asaf na umontok sa paggibo kan tama, asin paano pinakarhay giraray an saiyang pag-iisip? (Sal. 73:2, 3, 17)

13. Taano an manna na itinao sa mga Israelita ta inapod na “an trigo nin langit” asin “an mismong tinapay kan mga makapangyarihan”? (Sal. 78:24, 25)

14. Ano an “hilom na lugar kan Kaharohalangkawe,” asin paano kita puedeng ‘mag-erok’ dian? (Sal. 91:1, 2)

15. Sa anong paagi na an kagadanan kan mga maimbod ni Jehova mahalagang marhay sa saiyang pagheling? (Sal. 116:15)