Iskedyul sa Pagtiripon sa Paglilingkod
Semana nin Setyembre 11
10 min: Lokal na mga paisi. Piniling Mga Paisi sa An Satong Ministeryo sa Kahadean. Enkaminaron an gabos na dalanon an video na Young People Ask—How Can I Make Real Friends? bilang pag-andam para sa pag-orolay na gigibohon sa Pagtiripon sa Paglilingkod sa semana nin Setyembre 25. Ginagamit an mga suhestion na nasa pahina 8, idemonstrar kun paano iaalok an Torrengbantayan na Setyembre 15 asin an Awake! na Setyembre.
25 min: Makinabang sa Pagtiripon sa Paglilingkod Asin sa Teokratikong Paadalan sa Pagmiministro. Pahayag asin pakikipag-olay sa mga nagdadangog basado sa Organisado sa Paggibo kan Kabotan ni Jehova, poon sa subtema sa pahina 64 sagkod sa subtema sa pahina 69.
10 min: Surat Hale sa Sangang Opisina sa pahina 1. Pahayag asin pakikipag-olay sa mga nagdadangog. Enkaminaron an gabos na ipaheling an pag-apresyar sa bagong mga pasilidad sa pag-imprenta paagi sa lubos na pagsuportar sa pagwaras nin magasin.
Kanta 126 asin pantapos na pamibi.
Semana nin Setyembre 18
5 min: Lokal na mga paisi.
15 min: Ano an Nagibo Niato kan Nakaaging Taon? Rerepasohon kan paraataman sa paglilingkod an nakaaging taon na paglilingkod, na nagkokonsentrar sa nakakaparigon na mga bagay na nagibo sa ministeryo. Magtao nin angay na komendasyon. Sambiton an saro o duwang bagay na nagkakaipo nin atension sa maabot na taon. Komentohan an aktibidad kan mga payunir, na kinokomendaran sinda sa saindang marahay na nagibo. Isaysay an marahay na mga ibinunga kan paghihingoang tabangan an mga inaktibo.
25 min: “Espesyal na Kampanya sa Oktubre 16–Nobyembre 12!” Entusiastikong pakikipag-olay nin sarong magurang sa kongregasyon. Pagkabasa kan paisi na kaiba sa surat sa kamagurangan na may petsang Hunyo 6, 2006, idistribwir an sarong kopya nin Kingdom News Num. 37 sa kada saro kan nag-aatender. Dangan magpadagos sa hapot-simbagan na orolay sa artikulo. Enkaminaron an gabos na parahayag na makikabtang nin lubos sa kampanyang ini. Idemonstrar an sarong halipot na pag-atubang.
Kanta 50 asin pantapos na pamibi.
Semana nin Setyembre 25
10 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion sa pahina 8, idemonstrar kun paano iaalok an Oktubre 1 na Torrengbantayan o an Awake! na Oktubre.
25 min: “Sarong Video na Maninigong Pag-isipan nin Seryoso.”a Mantang ipinapakipag-olay an parapo 1, hagadon sa kongregasyon na magsaysay nin pirang halipot na personal na kapahayagan manongod sa video na Young People Ask—How Can I Make Real Friends? Dangan tolos na ponan an pakikipag-olay sa lambang hapot na iinatubang sa parapo 2-7.
10 min: Lokal na mga eksperyensia. Imbitaran an mga nagdadangog na isaysay an saindang mga eksperyensia mantang nagpapasakamot kan espesyal na isyu kan Awake! o mantang nagpopoon nin mga pag-adal sa Biblia sa enot na pagdalaw na ginagamit an librong Itinotokdo kan Biblia. Tibaad puedeng iakto an saro o duwang pambihirang eksperyensia.
Kanta 183 asin pantapos na pamibi.
Semana nin Oktubre 2
10 min: Lokal na mga paisi.
15 min: Lokal na mga pangangaipo.
20 min: “Paghuhulit sa Harong-Harong.”b Sagkod na may oras, imbitaran an mga nagdadangog na komentohan an sitadong mga teksto.
Kanta 127 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.