Iskedyul sa Pagtiripon sa Paglilingkod
Semana nin Enero 8
10 min: Lokal na mga paisi. Enkaminaron an gabos na dalanon an video na No Blood—Medicine Meets the Challenge bilang pag-andam para sa pag-orolay na gigibohon sa Pagtiripon sa Paglilingkod sa semana nin Enero 22. Ginagamit an mga suhestion na nasa pahina 8 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Enero 15 asin an Awake! na Enero.
15 min: Makinabang sa Pagsiyasat sa Kasuratan Aroaldaw. Pahayag asin pakikipag-olay sa mga nagdadangog basado sa introduksion kan Pagsiyasat sa Kasuratan Aroaldaw—2007. Tokaron an pangangaipo na an gabos gumamit nin pirang minuto kada aldaw tangani na estudyaran an teksto sa Kasuratan asin mga komento. Iareglo antes pa na magkomento an saro o duwa manongod sa saindang kaugalean sa pag-estudyar kan teksto asin kun paano sinda nakinabang. Taposon paagi sa halipot na pagtokar kan teksto kan taon para sa 2007.
20 min: Ipaabot sa Gabos an Maogmang Bareta. Pahayag asin pakikipag-olay sa mga nagdadangog basado sa Organisado sa Paggibo kan Kabotan ni Jehova, pahina 92 sagkod sa subtema sa pahina 102.
Kanta 165 asin pantapos na pamibi.
Semana nin Enero 15
10 min: Lokal na mga paisi. Piniling mga Paisi sa An Satong Ministeryo sa Kahadean.
15 min: May Nakapopogol daw sa Saindo? Pahayag nin sarong magurang sa kongregasyon basado sa isyu kan An Torrengbantayan na Abril 1, 2002, pahina 13-15.
20 min: “Dai Ako Interesado.”a Kun pinag-oolayan an parapo 4, hapoton an mga nagdadangog kun anong mga isyu an pinagkakainteresan sa lokal na teritoryo. Magkaigwa nin duwang halipot na demonstrasyon na nagpapaheling kun paano aatubangon an posibleng habong makipag-olay na nagsasabing “Dai ako interesado.”—Helingon an librong Reasoning, p. 16.
Kanta 135 asin pantapos na pamibi.
Semana nin Enero 22
10 min: Lokal na mga paisi. Basahon an report sa kuenta asin mga pasasalamat sa donasyon. Ginagamit an mga suhestion na nasa pahina 8 o iba pang pag-atubang na angay sa saindong teritoryo, idemonstrar kun paano iaalok an Torrengbantayan na Pebrero 1 asin an Awake! na Pebrero.
10 min: Lokal na mga pangangaipo.
25 min: “An Pinakahalangkaw na Kalidad nin Medikal na Pag-asikaso—Ano daw Iyan?” Pangengenotan nin sarong magurang sa kongregasyon. Ponan tolos an pakikipag-olay sa mga nagdadangog manongod sa video na No Blood, na ginagamit an mga hapot na itinao sa artikulo. Taposon paagi sa pagbasa kan ultimong parapo asin pag-enkaminar sa gabos na maingat na repasohon an sitadong mga artikulo sa Torrengbantayan.
Kanta 188 asin pantapos na pamibi.
Semana nin Enero 29
7 min: Lokal na mga paisi. Pagirumdomon an mga parahayag na itao an report nin paglilingkod sa langtad para sa Enero. Sambiton an alok sa Pebrero, asin ipademonstrar an sarong pag-atubang.
15 min: “Andam daw Kamo Para sa Natural na Kalamidad?”b Pangengenotan nin sarong magurang sa kongregasyon. Iiba an mga komento na nasa artikulong “Paano Kita Makakatabang?” sa pahina 1 kan An Satong Ministeryo sa Kahadean na Oktubre 2006.
23 min: “Paano Ko Dedesisyonan an Manongod sa mga Fraction nin Dugo Asin an Medikal na mga Prosedimiento na Kalabot an Sadiri Kong Dugo?”c Hapot-simbagan asin demonstrasyon. An magurang sa kongregasyon na mangengenot sa kabtang na ini maninigong maingat na sunodon an outline na ipinadara kan sangang opisina sa grupo nin kamagurangan.
Kanta 137 asin pantapos na pamibi.
Semana nin Pebrero 5
10 min: Lokal na mga paisi.
15 min: Iyan Talaga Ako! Pahayag asin pakikipag-olay sa mga nagdadangog. May mga hoben na nag-aalangan na magpamidbid bilang mga Saksi ni Jehova huli ta naghohona sinda na pag-oolog-ologon sinda kan saindang mga kairiba. Minsan siring, may mararahay na dahelan na magpamidbid kun siisay kamo. An mga paratokdo na nakakaaram kan mga tinutubod nindo mas posibleng marhay na igalang an mga iyan asin dai mag-insistir na kamo makikabtang sa sarong bagay na bakong maninigo. An mga hoben na mayo nin moral na mga prinsipyo mag-aalangan na imbitaran kamo na makikabtang sa sainda sa salang gawe-gawe. An iba mas pasil na masasabotan an mga desisyon nindo mapadapit sa mga bagay na siring baga sa pagde-date o pagpartisipar sa mga isport sa eskuelahan asin iba pang mga ekstrakurikular na aktibidad. Dai man gayo kamo mahahandal manongod sa pagpapatotoo sa eskuelahan o pakanupar sa sarong kaklase mientras na naghuhulit sa teritoryo. (g02-E 3/22 p. 12) Imbitaran an mga parahayag na magkomento kun paano sinda nakinabang sa pagpamidbid sa eskuelahan bilang mga Saksi ni Jehova. Puedeng iareglo antes pa an saro o duwang komento.
20 min: “Pagkamoot—An Pinakaliabe sa Mabungang Ministeryo.”d Iiba an mga komento na nasa Torrengbantayan na Pebrero 1, 2003, pahina 23, parapo 16-17.
Kanta 83 asin pantapos na pamibi.
[Mga Nota sa Ibaba]
a Limitaran an introduksion sa mayo pang sarong minuto, asin sundan nin hapot-simbagan.
b Limitaran an introduksion sa mayo pang sarong minuto, asin sundan nin hapot-simbagan.
c Limitaran an introduksion sa mayo pang sarong minuto, asin sundan nin hapot-simbagan.
d Limitaran an introduksion sa mayo pang sarong minuto, asin sundan nin hapot-simbagan.