Repaso sa Teokratikong Paadalan sa Pagmiministro
An minasunod na mga hapot sa repaso pag-oolayan sa Teokratikong Paadalan sa Pagmiministro durante kan semana poon Disyembre 25, 2006. Papamayohan kan paraataman sa paadalan an 30 minutos na repaso basado sa materyales na kinobrehan sa mga asignasyon para sa mga semana nin Enero 1 sagkod Pebrero 26, 2007. [Pasabot: Kun mayo nin mga reperensia pakatapos kan hapot, kakaipuhanon nindo na gumibo nin sadiri nindong pagsiyasat tangani na makua an mga simbag.—Helingon an Paadalan sa Pagmiministro, p. 36-7.]
MGA KUALIDAD SA PAGTARAM
1. Noarin maninigong itao an praktikal na pag-aplikar kan satong materyales, asin sa anong paagi ini maninigong gibohon? [be p. 158 par. 1-3]
2. Taano ta importante na tabangan an iba na maheling an praktikal na halaga kan impormasyon na iinaatubang niato, asin paano niato ini magigibo? [be p. 159 par. 3-4]
3. Taano ta mahalaga an pagpili niato nin mga tataramon? [be p. 160]
4. Ano an makakatabang sa sato na gumamit nin laen-laen na tataramon na eksakto? [be p. 161 par. 5-6; p. 162 par. 1-4]
5. Ano an nagkapirang mga bentaha sa pagtaram gikan sa sarong outline baga man nasa isip o nasusurat? [be p. 166 par. 1-3]
ASIGNASYON NUM. 1
6. Ano an kalabot sa pag-andam nin asignasyon sa pagbasa? [be p. 43 par. 2, 4]7
7. Ano an kaipuhan tanganing makultibar niato an pagkamoot ni Jehova sa tama asin an pagkaongis sa sala? (Heb. 5:14) [w05 1/1 p. 9 par. 11]
8. Ano an maninigo niatong girumdomon kun may mabasa kita sa Biblia na nagpapangyari sa sato na magduda kun baga makatanosan o tama an nagin paghiro nin Dios? [w05 2/1 p. 24 par. 7]
9. Ano an maninigong reaksion niato kun igwa nin pagkakakontrahan sa ley nin Dios asin sa mga hinahagad nin tawo? [w05 4/15 p. 12 par. 9]
10. Paano isinesentro ni Isaias an atension sa Kahadean kan Mesiyas asin sa naenot sa saiya na si Juan na Bautisador? [si-E p. 123 par. 35]
SEMANAL NA BABASAHON SA BIBLIA
11. Ano an “tahob” asin “hinabol” na nasambitan sa Isaias 25:7?
12. Paano ‘maheheling’ asin ‘madadangog’ kan mga tawo si Jehova? (Isa. 30:20, 21)
13. Tama o Sala: An nagmotibar sa pamibi ni Ezequias na nakasurat sa Isaias 38:3 iyo sana an pagmawot na mabuhay nin mas halawig.
14. Paano nagserbing mga saksi ni Jehova an mga Israelita, asin paano niato sinda maaarog? (Isa. 43:10)
15. Kaoyon kan propetikong arogan na sinasabi sa Isaias 52:11, 12, ano an kaipuhan tanganing ‘madara an mga kagamitan ni Jehova’?